-
კატეგორია
-
კოჯორი
-
უბანი
-
კატეგორია
-
კოჯორი
-
უბანი
-1.jpg)
რა ვნახოთ ბორჯომში - 6 ნაკლებად ცნობილი ადგილი, ყველასთვის საყვარელ ქალაქში
ბორჯომის ულამაზესი ბუნება, ტყეები, ფლორისა და ფაუნის სიმდიდრე და საოცარი ხედები გულგრილს არავის ტოვებს. ეს მხარე ნამდვილი სამოთხეა მოგზაურებისთვის, სავსე უამრავი საოცრებით და მომხიბვლელი კუთხეებით. გიზიარებთ 5 აუცილებლად სანახავ ადგილს ბორჯომის რაიონში
ტაბაწყურის ტბა
ეს ყველასთვის ცნობილი ტბა წარმოქმნილია ვულკანის ამოფრქვევის შედეგად და მის გარშემო სამყაროს ერთ-ერთი ულამაზესი ბუნებრივი გარემოა შექმნილი. ტბის მიდამოებში მდებარეობს სოფელი, რომელიც ნახევარკუნძულზეა გაშენებული და შეჭრილია თვით ტბაში, რის გამოც მას "ტაბის ყურეს" უწოდებენ.
ტობოგანი
სამთო ატრაქციონების მოყვარულთათვის ბაკურიანის ტობოგანი ნამდვილი სანახაობაა. იგი არა მხოლოდ სამხრეთ კავკასიაში პირველი და ერთადერთი სამთო ატრაქციონია, არამედ საკმაოდ გრძელიც - 1,076 მეტრის სიგრძის. დიდველზე გაჭიმული ტობოგანი აუცილებლად უნდა გამოცადონ როგორც მოგზაურობის, ისე ექსტრემალური გართობის მოყვარულებმა
ფირუზა
ბორჯომის პარკის შესასვლელთან მდებარე ეს სანატორიუმი ერთ-ერთი ყველაზე თვალშისაცემი შენობაა ქალაქში. ის იყო ირანის გენერალური კონსულის, მირზა რიზა ხანის საზაფხულო რეზიდენციას, რომელიც მან 1892 წელს ააშენა. შენობა უნიკალური არქიტექტურითა და ფირუზისფერი კედლებით გამოირჩევა. დღეს იგი რესტავრირებული ქსელური სასტუმროა, რომელიც კონსულის ცხოვრების წესსა და ისტორიას გვახსენებს.
პეტრეს ციხე
მდინარე მტკვრის მარჯვენა ნაპირზე, სოფელ ლიკანის პირდაპირ, მაღალ კლდოვან მთაზე აღმართულია შუა საუკუნეების ამ ამაყი სიმაგრე. პეტრეს ციხე, რომელსაც ადრე ყვერბილის ციხესაც უწოდებდნენ, თვალყურს ადევნებდა ლიკანიდან ფაფისა და ნუასაკენ მიმავალ მნიშვნელოვან გზას და ხიდს მდინარე მტკვარზე. დღეს ციხის ნანგრევები მატერიალური მემკვიდრეობის შესანიშნავი ნიმუშია.
რომანოვების სასახლე
ეს მეცხრამეტე საუკუნის შენობა აშენებულია მდიდრული ნეოკლასიცისტური სტილით და წარმოადგენდა რუსეთის იმპერატორ ნიკოლოზ I-ის შვილის, მიხეილ რომანოვის საზაფხულო რეზიდენციას ლიკანში. სასახლეში დღემდე დაცულია უნიკალური ექსპონატები და ავეჯი მეფის ოჯახის დროიდან. რომანოვების სასახლეს გარს აკრავს ულამაზესი ბაღი იშვიათი ხემცენარეებით. სასახლე ასახავს კურორტ ბორჯომის იმდროინდელ სიდიადესა და პოპულარობას დიდგვაროვანთა შორის.
ბორჯომის ცენტრალური პარკი
ბორჯომის ცენტრალური პარკი, რომელიც გაშენდა XIX საუკუნეში ბორჯომულას ხეობაში, ქალაქის სასუნთქი გულია. აქ დააგემოვნებთ ბორჯომის ცნობილ და სამკურნალო თვისებების მქონე მინერალურ წყალს. პარკი მდიდარია ეგზოტიკური ხეებითა და მცენარეებით, აქვს მინერალური წყაროები და განკუთვნილი ბილიკები. მარადმწვანე ბუნებაში ჩაფლულ ბორჯომის პარკში ფუნქციონირებს მრავალი კაფე, ატრაქციონები, საცურაო აუზები, ხოლო პარკის ტერიტორიის ბოლოს მდებარეობს ისტორიული გოგირდოვანი აბანოებიც.
ბორჯომი მართლაც საოცარი ქალაქია საქართველოს გულში - ის გვთავაზობს როგორც მშვენიერ ბუნებას, ისე მდიდარ კულტურულ მემკვიდრეობას. ამ ადგილების მონახულება აუცილებელია თქვენი ვიზიტის დროს ბორჯომში, რათა სრულად გააცნობიეროთ ამ კურორტ-ქალაქის სიმდიდრე და მისი განსაკუთრებული იერი.
სხვა სტატიები
.jpg)
How to Save Money When Traveling to Georgia
Georgia, a hidden gem in the Caucasus, offers breathtaking landscapes, rich history, and vibrant culture. From the snow-capped peaks of the Caucasus Mountains to the sun-soaked beaches of the Black Sea, Georgia is a destination that appeals to all ty...
განაგრძე კითხვა
4063
EVELINE COSMETICS GEORGIA-ს პროდუქცია უკვე HOTSALE.GE-ზეა!
სიახლე ჰოთსეილზე! ჩვენი პარტნიორების სიას შემოუერთდა EVELINE COSMETICS GEORGIA, რომელიც დაფუძნდა პოლონეთში 1984 წელს. კომპანია აწარმოებს სახისა და სხეულის, თმის მოვლის საშუალებებსა და დეკორატიულ კოსმეტიკას. პროდუქცია შედის და პოპულარობით სარგებლობს ...
განაგრძე კითხვა
10194
რა დაგიჯდებათ დასვენება საქართველოში?
ზაფხული - შვებულების და დასვენების სეზონია. საქართველო კი ქვეყანა, საოცარი ლანდშაფტით, რომელიც მოიცავს მთას, ზღვას, ტყეებს და საკურორტო ზონებს. ჩვენს ქვეყანაში საკმაოდ მრავალფეროვანი არჩევანია ისეთი ადგილებისა, სადაც შვებულების გატარებას იდეალუ...
განაგრძე კითხვა
10734
.jpg)
.jpg)
სად დაისვენებ ბაკურიანში ყველაზე დიდი დანაზოგით?
16 თებერვლიდან 5 მარტის ჩათვლით, ბაკურიანში ფრისტაილის, სნოუბორდისა და ფრისკის მსოფლიო ჩემპიონატი გაიმართება. „ბაკურიანი 2023-ის“ ფარგლებში საქართველოს 42 ქვეყნის 700-მდე სპორტსმენი ეწვევა. ჩემპიონატის ფარგლებში, ბაკუ...
განაგრძე კითხვა
10046
Hotsale.ge ბიზნესის წარმატების გარანტორი
როგორ მოახერხა ვებ გვერდმა ნახევარ მილიონიანი აუდიტორიის ათვისება და როგორც ახერხებს იყოს სტაბილურად მზარდი ელექტრონული კომერციის პლატფორმა. ყველაზე მნიშვნელოვანი ხარისხი, მუდმივი კომუნიკაცია, კომპანიებისათვის ინდივიდუალურად შემუშავებულ...
განაგრძე კითხვა
8578
