-
კატეგორია
-
ახალციხე
-
უბანი
-
კატეგორია
-
Akhaltsikhe
-
უბანი
-1.jpg)
რა ვნახოთ ბორჯომში - 6 ნაკლებად ცნობილი ადგილი, ყველასთვის საყვარელ ქალაქში
ბორჯომის ულამაზესი ბუნება, ტყეები, ფლორისა და ფაუნის სიმდიდრე და საოცარი ხედები გულგრილს არავის ტოვებს. ეს მხარე ნამდვილი სამოთხეა მოგზაურებისთვის, სავსე უამრავი საოცრებით და მომხიბვლელი კუთხეებით. გიზიარებთ 5 აუცილებლად სანახავ ადგილს ბორჯომის რაიონში
ტაბაწყურის ტბა
ეს ყველასთვის ცნობილი ტბა წარმოქმნილია ვულკანის ამოფრქვევის შედეგად და მის გარშემო სამყაროს ერთ-ერთი ულამაზესი ბუნებრივი გარემოა შექმნილი. ტბის მიდამოებში მდებარეობს სოფელი, რომელიც ნახევარკუნძულზეა გაშენებული და შეჭრილია თვით ტბაში, რის გამოც მას "ტაბის ყურეს" უწოდებენ.
ტობოგანი
სამთო ატრაქციონების მოყვარულთათვის ბაკურიანის ტობოგანი ნამდვილი სანახაობაა. იგი არა მხოლოდ სამხრეთ კავკასიაში პირველი და ერთადერთი სამთო ატრაქციონია, არამედ საკმაოდ გრძელიც - 1,076 მეტრის სიგრძის. დიდველზე გაჭიმული ტობოგანი აუცილებლად უნდა გამოცადონ როგორც მოგზაურობის, ისე ექსტრემალური გართობის მოყვარულებმა
ფირუზა
ბორჯომის პარკის შესასვლელთან მდებარე ეს სანატორიუმი ერთ-ერთი ყველაზე თვალშისაცემი შენობაა ქალაქში. ის იყო ირანის გენერალური კონსულის, მირზა რიზა ხანის საზაფხულო რეზიდენციას, რომელიც მან 1892 წელს ააშენა. შენობა უნიკალური არქიტექტურითა და ფირუზისფერი კედლებით გამოირჩევა. დღეს იგი რესტავრირებული ქსელური სასტუმროა, რომელიც კონსულის ცხოვრების წესსა და ისტორიას გვახსენებს.
პეტრეს ციხე
მდინარე მტკვრის მარჯვენა ნაპირზე, სოფელ ლიკანის პირდაპირ, მაღალ კლდოვან მთაზე აღმართულია შუა საუკუნეების ამ ამაყი სიმაგრე. პეტრეს ციხე, რომელსაც ადრე ყვერბილის ციხესაც უწოდებდნენ, თვალყურს ადევნებდა ლიკანიდან ფაფისა და ნუასაკენ მიმავალ მნიშვნელოვან გზას და ხიდს მდინარე მტკვარზე. დღეს ციხის ნანგრევები მატერიალური მემკვიდრეობის შესანიშნავი ნიმუშია.
რომანოვების სასახლე
ეს მეცხრამეტე საუკუნის შენობა აშენებულია მდიდრული ნეოკლასიცისტური სტილით და წარმოადგენდა რუსეთის იმპერატორ ნიკოლოზ I-ის შვილის, მიხეილ რომანოვის საზაფხულო რეზიდენციას ლიკანში. სასახლეში დღემდე დაცულია უნიკალური ექსპონატები და ავეჯი მეფის ოჯახის დროიდან. რომანოვების სასახლეს გარს აკრავს ულამაზესი ბაღი იშვიათი ხემცენარეებით. სასახლე ასახავს კურორტ ბორჯომის იმდროინდელ სიდიადესა და პოპულარობას დიდგვაროვანთა შორის.
ბორჯომის ცენტრალური პარკი
ბორჯომის ცენტრალური პარკი, რომელიც გაშენდა XIX საუკუნეში ბორჯომულას ხეობაში, ქალაქის სასუნთქი გულია. აქ დააგემოვნებთ ბორჯომის ცნობილ და სამკურნალო თვისებების მქონე მინერალურ წყალს. პარკი მდიდარია ეგზოტიკური ხეებითა და მცენარეებით, აქვს მინერალური წყაროები და განკუთვნილი ბილიკები. მარადმწვანე ბუნებაში ჩაფლულ ბორჯომის პარკში ფუნქციონირებს მრავალი კაფე, ატრაქციონები, საცურაო აუზები, ხოლო პარკის ტერიტორიის ბოლოს მდებარეობს ისტორიული გოგირდოვანი აბანოებიც.
ბორჯომი მართლაც საოცარი ქალაქია საქართველოს გულში - ის გვთავაზობს როგორც მშვენიერ ბუნებას, ისე მდიდარ კულტურულ მემკვიდრეობას. ამ ადგილების მონახულება აუცილებელია თქვენი ვიზიტის დროს ბორჯომში, რათა სრულად გააცნობიეროთ ამ კურორტ-ქალაქის სიმდიდრე და მისი განსაკუთრებული იერი.
სხვა სტატიები
განსაკუთრებული საჩუქრები ქალთა დღეების გასალამაზებლად
მარტის თვე განსაკუთრებით უყვართ ქალებს. გაზაფხულის მოსვლის გარდა ხომ ორ უსაყვარლეს ქალთა დღესასწაულს აღვნიშნავთ? – 3 მარტს დედების დღეს, 8 მარტს კი ქალების. ცუდი ამინდების, ლოქდაუნის და პანდემიური მელანქოლიის შემდეგ, ნამდვილად ვიმსახურებთ...
განაგრძე კითხვა
36396
როგორ დავიკლოთ წონაში დიეტის გარეშე?
დიდი ბრიტანეთის ჯანდაცვის ნაციონალური სამსახურის სპეციალიტებმა ჩამოთვალეს ის ღონისძიებები, რომლებიც სპეციალური დიეტის დაცვის გარეშე, წონაში კლების საშუალებას მისცემს ადამიანს.ექიმები გვირჩევენ დღის განმავლობაში შევასრულოთ სხვადასხვა ფიზიკური ვარჯიში:...
განაგრძე კითხვა
25798
წიგნი - საუკეთესო საშუალება მეხსიერების გასაუმჯობესებლად
ადრეულ ასაკში ბევრ ჩვენგანს ჰქონია მომენტი, როცა წიგნის კითხვა დაგვზარებია. შესაძლოა ეს ასოცირდებოდა ძალდატანებასთან ან უბრალოდ არასწორად შერჩეულ წიგნთან, რომლის წითხვისას გაგვჩენია აზრი რომ უბრალოდ დროს ტყუილად ვკარგავთ. ეს ფაქტი შეს...
განაგრძე კითხვა
31855
.png)
"რის ხარჯზე ვზოგავთ hotsale.ge-ზე"
hotsale.ge-ს დანიშნულებაა მოსახლეობაში დანაზოგების სტიმულირება.- თქვენ იტყვით, რომ ამბიციური მიზანია, თუმცა ის მიღწევა ჩვენი მომხმარებლისთვის, რაც შეიძლება მეტი მომსახურების და პროდუქციის შეთავაზებით, რაც შეიძლება დაბალ ფასად, თან ისე, რომ მომსა...
განაგრძე კითხვა
20000
.png)