-
კატეგორია
-
ბათუმი
-
უბანი
-
კატეგორია
-
ბათუმი
-
უბანი
როგორ შევაყვაროთ თინეიჯერებს კითხვა
თინეიჯერობის ასაკი არც ისეთი მარტივია, როგორც ზრდასრულ ადამიანებს ეჩვენებათ. ეს არის თვითგამორკვევის, სიახლეების ძიების, მეამბოხე სულისკვეთების პერიოდი, როდესაც თავს ზრდასრულად გრძნობ, თუმცა, ხშირად გიჭირს განსაზღვა გარკვეული სირთულეების. ვერ ხვდები, რომელია სწორი გზა და როგორია ის რეალობა, რომელიც არც ისეთი კეთილი და ლმობიერია, როგორადაც ეს მოზარდებს ეჩვენებათ.
წიგნების კითხვა ერთ-ერთი საუკეთესო საშუალებაა, რომ მათი ყურადღება გადავრთოთ მნიშვნელოვანი თემებისკენ, წიგნის პერსონაჟების გამოცდილებით დავანახოთ, თუ რა შეიძლება მოჰყვეს სწორ ან არასწორ ქმედებებს. ამისთვის ჩვენ გთავაზობთ, ტოპ 5 თინეიჯერულ წიგნს, რომელიც მათ კითხვას შეაყვარებს და თანატოლების ყველა მნიშვნელოვან პრობლემას უმტკივნეულოდ და შეპარვით დაანახებს.
#1 რეიჩელ ლიპინკოტი - "ორი ნაბიჯი შენამდე"
შეიძლება გიყვარდეს ის, ვისაც ვერასდროს შეეხები? - ეს კითხვა ლაითმოტივად გაჰყვება ამ შესანიშნავ რომანს, რომელიც მოგვითხრობს ორი თინეიჯერის რომანტიულ თავგადასავალზე. წინ არის წამოწეული ჯანმრთელობის პრობლემები და უამრავი სირთულე, რომელიც ამ ყველაფერს თან ახლავს. ავტორი, საკმაოდ ემოციურად და რეალისტურად აღწერს თითოეული პერსონაჟის განცდებს, ემოციებს, რომ ზოგჯერ ყველაზე სანატრელი რამ შენს გვერდითაა, მაგრამ არ შეგიძლია, რომ მისწვდე.
#2 რეინბოუ რაუელი - „ელინორი და პარკი“
.png)
ეს არის ისტორია ერთი წითური გოგონას შესახებ, რომელსაც რთული თინეიჯერობა აქვს. დედა რომელიც სკეპტიკურადაა მის მიმართ განწყობილი, მამინაცვალი რომელიც მოძალადეა და თანატოლები, რომლებიც მუდმივად აბულინგებენ. ამის გამო ელინორი ჩაკეტილი მოზარდია, მუდმივად მუსიკებს უსმენს და თავის პატარა სამყაროში ცხოვრობს. თუმცა, ამ სამყაროში მარტო არასდროს რჩები, შენ შესადარს ბედისწერა გამოგიგზავნის, თუ მოთმინებით დაელოდები. პარკი კი სწორედ ის ადამიანია, რომელიც ელინორს შემთხვევით აღმოაჩენს, ნელ-ნელა დაუმეგობრდება და ცხოვრებას ახალი თვალით დაანახებს.
#3 სტეფანი ოუკსი - „მინაუ ბლაის წმინდა ტყუილები“
.png)
თუ გაინტერესებს, როგორია ცივილიზაციისგან მოწყვეტილი თინეიჯერი გოგონას ცხოვრება, რომელიც თემში ცხოვრობს და დაუნდობელ კანონებს ემორჩილება, მაშინ ეს წიგნი საუკეთესო არჩევანია. მისტიური და ჩამთრევი ისტორია მინაუ ბლაის შესახებ, რომელიც გამბედაობას იჩენს და უპირისპირდება მის ირგვლივ არსებულ „სიბნელეს“, თუმცა, სინათლის ძიებაში მას ადამიანებისადმი რწმენა ნელ-ნელა უქრება.
#4 ჯენი ჰანი - „ყველა ბიჭს, რომლებიც მყვარებია“
.png)
16 წლის ლარა-ჯინს თავისი გრძნობების შესახებ ხმამაღლა საუბარი უჭირს, ამიტომ, მუდმივად წერს წერილებს თავისი განცდების შესახებ, თუმცა, დარწმუნებულია, რომ ადრესატები მათ ვერასდროს მიიღებენ. მაგრამ რა მოხდება, თუ პატარა და ამ ჩანახატებს იპოვის და სააშკარაოზე გამოიტანს? 5 ბიჭი, რომლებიც ოდესმე ჰყვარებია და მხოლოდ ერთი მათგანი, რომელიც ლარა-ჯინს ისეთ შეიყვარებს როგორიცაა. ლამაზი ისტორია ორი მოზარდის შესახებ, რომლებიც სხვადასხვა სამყაროს ეკუთვნიან, თუმცა, უამრავი საერთო აქვთ.
#5 ჯეიმზ დაშნერი - ”ლაბირინთში მორბენალი”
.png)
თუ მისტიური ამბები და ფენტეზი გიყვარს, ”ლაბირინთში მორბენალი” იდეალური წიგნია. ესაა ისტორია იმ თინეიჯერებისა, რომლებსაც მეხსიერება დაკარგული აქვთ, საკუთარი სახელიც არ ახსოვთ, არა თუ ის საიდან მოვიდნენ და რას აკეთებენ ამ ლაბირინთში. ერთადერთი, რაც მუდმივათ უნდა ახსოვდეთ: თუ გსურს გადარჩე, უნდა ირბინო და არ გაჩერდე! იმოგზაურე მოულოდნელებით სავსე ლაბირინთში, რომლისგანაც თავის დაღწევა ჯერ ვერავინ მოახერხა.
სხვა სტატიები
2020 წლის მაკიაჟის 5 საინტერესო ტენდენცია
ზამთრის მაკიაჟს აქვს თავის საიდუმლოებები და ხრიკები იმისთვის რომ უფრო დახვეწილები ვიყოთ. ამ ყველაფერს ითვალისწინებენ ვიზაჟისტები და მაკიაჟის სპეციალისტები. მოდით დეტალურად გავიაროთ 2020 წლის ტენდენციების საუკეთესო ვარიანტები. 1) ყველაზე უჩვეუ...
განაგრძე კითხვა
10422
.jpg)
"ბიბლუსი • BIBLUSI"-ის ახალ საახალწლო კოლექციაზე 35%-იან დანაზოგი
ნაძვის ხე საქართველოში დიდი სიყვარულით იქნა მიღებული, რაც წლების განმავლობაში გადაიქცა ღრმა საოჯახო ტრადიციად. ეს ტრადიცია საქართველოში თანდათანობით დამკვიდრდა და დღეს უკვე წარმოუდგენელია ახალი წელი ნაძვის ხის გარეშე....
განაგრძე კითხვა
707
76%-მდე დანაზოგი სტომატოლოგიურ მომსახურებაზე-Hotsale.ge-ზე Black friday გრძელდება
Hotsale.ge გთავაზობთ შავი პარასკევის განსაკუთრებულ შეთავაზებებს სტომატოლოგიურ პროცედურებზე, სადაც მიიღებთ 76%-მდე დანაზოგს. იზრუნეთ თქვენი ღიმილის სილამაზესა და ჯანმრთელობაზე უფრო ხელმისაწვდომ ფასად....
განაგრძე კითხვა
733
.png)
"კასტელო მარე / Castello Mare" Hotsale.ge-ზე დაბრუნდა
დანაზოგების ყველაზე მასშტაბური პლატფორმა საქართველოში - Hotsale.ge წლებია მეგობრობს პრემიუმ ტიპის სასტუმრო კასტელო მარე / Castello Mare -ს თან, რა თქმა უნდა არც ამ წელს ვწყვეტთ ტრადიციას და Hotsale.ge-ის მომხმარებლებს ექნებათ შესაძლებლობა დაისვენონ ა...
განაგრძე კითხვა
8358
.jpg)
4 კარაოკე-ბარი თბილისში, სადაც ჰელოუინის საღამოს საინტერესოდ გატარებას შეძლებთ
31 ოქტომბრის ღამეს შეერთებულ შტატებსა და ევროპის მრავალ ქვეყანაში აღნიშნავენ ჰელოუინის დღესასწაულს. ესაა დღესასწაული, რომელსაც ფესვები საუკუნეების სიღრმეში აქვს გადგმული, სათავეს კი, ძველი კელტების ტრადიციებიდან იღებს....
განაგრძე კითხვა
10168