კატეგორია

როგორ დავიცვათ თავი მზისგან ზაფხულის მცხუნვარე დღეებში

როგორ დავიცვათ თავი მზისგან ზაფხულის მცხუნვარე დღეებში

4802

მზის სხივები, აუზიდან თუ ზღვიდან ამოსვლის შემდეგ ყოველთვის სასიამოვნოდ იგრძნობა კანზე, მით უმეტეს თუ ვიცით, რომ გარუჯვის პროცესს იდეალური ნამზეური ახლავს თან. თუმცა, ისიც მოგვეხსენება, რომ სილამაზე ამ შემთხვევაშიც მოითხოვს მსხვერპლს და ოქროსფერი ბზინვარების ფასი არც მეტი, არც ნაკლები ნაოჭები, პიგმენტური ლაქები, კანის კიბოს მაღალი რისკი და სხვა სახის პრობლემებია. გვერდითი მოვლენებისგან თავის დაცვა შესაძლებელია, თუ კი სწორად შევარჩევთ გასარუჯ საშუალებებს და მათ დანიშნულებისამებრ გამოვიყენებთ.

SPF – ამ აბრევიატურას მზისგან დამცავ კრემებსა თუ სხვა საშუალებებზე ყველაზე ხშირად შეხვდებით, SPF ეს არის უშუალოდ მზისგან დამცავი ფაქტორი, რომელსაც სხვადასხვა დონის დაცვა აქვს, ამერიკელი დერმატოლოგები გვირჩევენ გამოვიყენოთ არანაკლებ SPF 30-სა, ბრიტანელი დერმატოლოგების რეკომენდაციებში კი SPF 15-ია მინიმალურ ზღვრად მიჩნეული.

 

 

მზისგან დამცავი მშრალი სპრეი

Sensitelial SPF50+ light tinted 40 მლ მზისგან დამცავი კრემი ღია ტონალობით ნორმალური

 

მზისგან დამცავი ზეთი სპრეი 'ომეგა ზრუნვა' Carroten SPF 20

 

მნიშვნელოვანია გაითვალისწინოთ

დაიტანეთ მზისგან დამცავი კრემები ყველგან მათ შორის ფეხის ტერფებსა და ხელებს უკან, ყურებზე, კისერზე, თვალის გარშემო და ქუთუთოებზე. თუ კი მზისგან დამცავ კრემებს საცურაო კოსტუმით შემოსილი ისვამთ, შესაძლოა რომელიმე უბანი გამოგრჩეთ, დერმატოლოგები გვირჩევენ კრემი მთელ სხეულზე დავიტანოთ.

 

დაიტანეთ დიდი რაოდენობით, კვლევებმა აჩვენა, რომ მოსახლეობის უმრავლესობა მზისგან დამცავ კრემებს იმდენად მცირე რაოდენობით დაიტანს სხეულზე, რომ მის მხოლოდ 40 პროცენტს იცავს. ნუ დაგენანებათ კრემი, წაისვით ის სქლად, რადგან სწორედ მზისგან დამცავის რაოდენობა განაპირობებს მის ეფექტიანობას.