-
კატეგორია
-
ყაზბეგი, ჯუთა
-
უბანი
-
კატეგორია
-
ყაზბეგი, ჯუთა
-
უბანი
ზამთრის კურორტები საქართველოში
ზამთარი საქართველოში განსაკუთრებულია, ის მდიდარია ზამთრის კურორტებით, რომლებიც სათხილამურო სპორტისა და დასვენების მოყვარულთათვის იდეალურია. თუ ხარ ადამიანი, რომლისთვისაც თოვლით დაფარული მთები და სუფთა ჰაერი განტვირთვისა და დასვენების საუკეთესო ვარიანტია, მაშინ გუდაური, ბაკურიანი და მესტია სწორედ შენთვისაა.
გუდაური მდებარეობს თბილისიდან დაახლოებით 120 კილომეტრში და ზღვის დონიდან 2,000 მეტრზე. ეს კურორტი პოპულარულია თხილამურებისა და სნოუბორდის მოყვარულთათვის, რადგან აქ 70 კილომეტრზე გადაჭიმული ტრასებია, რომლებიც ყველა დონის გამოცდილების მქონე ადამიანისთვისაა განკუთვნილი. გუდაურში სრიალის გარდა შესაძლებელია ჰელისკინგი, ფრირაიდინგი და პარაპლანით ფრენა. აქტიური დღის შემდეგ, დამსვენებლებს შეუძლიათ ისიამოვნონ ბარებითა და რესტორნებით, სადაც ტრადიციული ქართული კერძები და ღვინო დაგხვდებათ…გუდაური გამორჩეული ადგილია ზამთრის სპორტის მოყვარულთათვის და თავგადასავლების მაძიებლებისთვის.
ბაკურიანი მდებარეობს ბორჯომის რაიონში და იდეალურია ოჯახური დასვენებისთვის. კურორტი მთელ წელს იზიდავს ტურისტებს, მაგრამ განსაკუთრებით პოპულარულია ზამთარში.ბაკურიანი ყველა დონის მოთხილამურეებსა და სნოუბორდისტებს ემსახურება. კურორტს აქვს სამი განსხვავებული სათხილამურო ზონა: დიდველი, კოხტა და მიტარბი, რომლებიც განსაკუთრებით პოპულარულია. ბავშვებისა და დამწყებებისთვის სპეციალური სასრიალო ტრასები და სათხილამურო სკოლებია, რაც კურორტს კიდევ უფრო მიმზიდველს ხდის. აქ ასევე არის გასართობი პარკები, სადაც პატარები მშვენივრად გაერთობიან. ბაკურიანის ერთ-ერთი მთავარი უპირატესობა მისი მდებარეობაა ბორჯომის ნაკრძალთან ახლოს. აქ შეგიძლიათ დატკბეთ მინერალური წყლებით, სუფთა ჰაერით და ულამაზესი ბუნებით, რაც ზამთრის დასვენებას კიდევ უფრო სასიამოვნოს ხდის.
მესტია სვანეთის რეგიონში მდებარეობს და გამოირჩევა ულამაზესი ბუნებითა და მდიდარი კულტურული მემკვიდრეობით. მესტია და მის გარშემო მდებარე კურორტები, როგორებიცაა თეთნულდი და ჰაწვალი, ზამთარში განსაკუთრებით პოპულარულია. მოთხილამურეებისთვის და ალპინისტებისთვის ეს რეგიონი შესანიშნავი არჩევანია სხვადასხვა სირთულის მქონე სასრიალო ტრასებისა და მწვერვალების დასაპყრობად.
ჰაწვალი მესტიიდან 8 კილომეტრში მდებარეობს და გთავაზობთ 5 სასრიალო ტრასას, რაც დამწყებთათვისაც და პროფესიონალთათვისაც შესაფერისია. აქ არის ორი საბაგირო და ღამის სრიალის შესაძლებლობა, რაც სეზონისა და ამინდის პირობებზეა დამოკიდებული.
თეთნულდი, რომელიც მესტიიდან 15 კილომეტრში მდებარეობს, ამიერკავკასიაში ყველაზე გრძელი სასრიალო ტრასებით გამოირჩევა. მისი სიმაღლე მერყეობს 2260-დან 3160 მეტრამდე, რაც უზრუნველყოფს თოვლის კარგ ხარისხსა და სრიალის ხანგრძლივ სეზონს.
მესტიაში ასევე შეგიძლიათ მოინახულოთ სვანეთის უნიკალური კოშკები და ეთნოგრაფიული მუზეუმი, რაც თქვენს ვიზიტს კიდევ უფრო დასამახსოვრებელს გახდის.
Hotsale.ge გთავაზობთ განსაკუთრებულ შეთავაზებებს ზამთრის კურორტებზე. აქ შეგიძლიათ იპოვოთ თქვენთვის სასურველი შეთავაზებები 90 ლარიდან. ნახე აქ: t.ly/cDs-M
სხვა სტატიები
.jpg)
საუკეთესო ბურგერი თბილისში
მონატრებულ მეგობრებთან შეხვედრა ალბათ წარმოუდგენელია მადისაღმძვრელი საკვების გარეშე, სიმარტივისა და გემოს კომბინაციის გამო ბურ-ბარები ერთ-ერთ ყველაზე პოპულალურ ადგილად რჩება საქართველოში. ქართულ ბაზარზე არაერთი საბურგერე გამოჩნდა, რომელთა შორის...
განაგრძე კითხვა
28665
 (3).png)
წყალტუბო პლაზა • TSKALTUBO PLAZA
Hotsale.ge და პრემიუმ კლასის სასტუმრო "წყალტუბო პლაზა • TSKALTUBO PLAZA" წელებია აქტიურად თანამშრომლობენ და მომხმარებელს საშუალებას აძლევენ დაისვენონ წყალტუბოში, კომფორტულ და თანამედროვე სტანდარტებზე მორგებულ სასტუმროში, რაც მთავარია ყ...
განაგრძე კითხვა
12383
როგორ დავისვენოთ სვანეთში კომფორტულად და ბიუჯეტურად – სასტუმრო “ფოსტა მესტია • HOTEL POSTA MESTIA” საუკეთესო შეთავაზებით Hotsale.ge-ისგან
სვანეთი ზამთარში უნიკალური ადგილია აქტიური დასვენებისა და საოცარი ბუნებით აღსავსე თავგადასავლებისთვის. თუ კომფორტული და ხელმისაწვდომი დასვენება გსურთ, მესტიაში მდებარე სასტუმრო "ფოსტა მესტია • HOTEL POSTA MESTIA” შესანიშნავი არჩევანია...
განაგრძე კითხვა
15476
.png)
ისის ფარმას ექსკლუზიური შეთავაზებები უკვე Hotsale-ზეა !
ისის ფარმა კანის მოვლის ფრანგული ბრენდია, რომელიც ბაზარზე უკვე 30 წელია არსებობს. ბრენდის თითოეული პროდუქტი თანამედროვე ტექნოლოგიებით აღჭურვილ ლაბორატორიებში იტესტება. მრავალწლიანი კვლევის შედეგად ისის ფარმამ სპეციალურად ჩვენთვის შექმნა კანის ...
განაგრძე კითხვა
18165
5 პროდუქტი, რომელიც შენ ცხოვრებას გაამარტივებს
ყველა ადამიანი ინდივიდუალურ დროსა და ენერგიას ხარჯავს სახლში საქმიანობისას. არ აქვს მნიშვნელობა დიასახლისობა გიწევს, თუ სამსახურიდან მოსულს რამდენიმე საათით სახლში ტრიალი. რასაც არ უნდა აკეთებდეთ, თუ გსურთ, რომ ცხოვრება კიდევ უფრო გაიმარტივოთ, მაშინ ...
განაგრძე კითხვა
28133
რა უპირატესობები აქვს Alma Soprano Titanium-ის აპარატით ჩატარებულ ეპილაციას
ლაზერული ეპილაცია წარმოადგენს უსაფრთხო და სწრაფ საშუალებას არასასურველი თმის მოსაშორებლად, იგი გამოირჩევა მრავალფეროვნებით და იყოფა შემდეგნაირად: ალექსანდრიტი, დიოდი და ნეოდიუმი. თითოეული მათგანის გამოყენებას აქვს საკუთარი დანიშნულება და თითქმის...
განაგრძე კითხვა
23625