-
კატეგორია
-
თბილისი
-
უბანი
-
კატეგორია
-
თბილისი
-
უბანი
ტოპ 4 წიგნი კლასიკური ლიტერატურის მოყვარულთათვის
„თუ კითხვა არ გიყვარს, ესეიგი სწორი წიგნი ჯერ არ გიპოვია“- ეს სიტყვები ჯოან როულინგს ეკუთვნის, რომელიც ავტორია ერთ-ერთი ყველაზე ცნობილი წიგნების სერიის, „ჰარი პოტერის“, ფენტეზის ჟანრიდან. მინდა გითხრათ, რომ სწორი ჟანრისა თუ წიგნის შერჩევა ისეთივე მნიშვნელოვანია წიგნების შემთხვევაში, როგორც ფილმის ან ხელოვნების რომელიმე დარგის შერჩევის დროს.
დღეს ჩვენ უშუალოდ ვისაუბრებთ კლასიკურ ლიტერატურასა და იმ წიგნებზე, რომლებიც დიდი პოპულარობით სარგებლობენ. მანამდე კი გაგაცნობთ რამდენიმე საინტერესო ფაქტს იმის შესახებ, თუ რატომ უნდა ვიკითხოთ ზოგადად წიგნები:
- კითხვა აუმჯობესებს ლექსიკურ მარაგს და ხელს უწყობს მეტყველების გაუმჯობესებას;
- ავარჯიშებს ტვინს და გეხმარება წარმოსახვისა თუ კრეატივის განვითარებაში;
- შველის სტრესს, ხელს უწყობს თქვენს გონებასა თუ სხეულს რელაქსაციაში;
- გმატებთ თვითრწმენას, რადგან თქვენი ცოდნის დონე იზრდება და იმაზე მეტ ინფორმაციას იძენთ, ვიდრე მანამდე იცოდით;
- აუმჯობესებს კონცენტრაციის უნარს, რადგან კითხვის დროს ფოკუსირება კონკრეტულ თემაზე გჭირდებათ. თუ თვალს ან გონებას მოსწყვეტთ წიგნს, რთული ხდება აზრის გაგრძელება.
გარდა ამ რამოდენიმე მნიშვნელოვანი ფაქტისა, კიდევ უამრავი დადებითი ზეგავლენა აქვს წიგნების კითხვას.
ახლა კი გავეცნოთ იმ ტოპ 4 წიგნს, რომელიც აუცილებლად უნდა წაიკითხოთ თუ კლასიკური ლიტერატურა გიყვართ.
#1 მარგარეტ მიჩელი - "ქარწაღებულნი"
წიგნი მოგვითხრობს სასიყვარულო სამკუთხედზე, ომზე, თავისუფელბისთვის ბრძოლაზე, ფულზე, მეგობრობაზე და კიდევ იმ უამრავ ფაქტზე, რომელიც ყველა ადამიანის ცხოვრებაში მომხდარა ან მოხდება.
მარგარეტ მიჩელი შესანიშნავად აღწერს ადამიანურ გრძნობებსა და ურთიერთობებს, გვანახებს იმ მცდარი ნაბიჯების შედეგებს, რომელიც შესაძლოა ყველა ადამიანმა დაუშვას, თუ კი იმას გაეკიდებით, რაც თქვენი წილი არ არის ან რეალურად არ გჭირდებათ.
#2 ერნესტ ჰემინგუეი - "მშვიდობით იარაღო"
გენიალური ამერიკელი მწერლის ნაწარმოები, რომელმაც „ნობელის პრემია“ მოუტანა ავტორს. ეს არის ისტორია ლეიტენანტ ჰენრიზე, რომელიც იტალია-ავსტრიის ფრონტზე მოხვდება და საკუთარ თავზე გამოცდის ყველა იმ საშინელებას, რაც კი შეუძლია ომმა ადამიანს მოუტანოს.
მთავარი პერსონაჟი, ყველა ამ სირთულის გადალახვის შემდეგ ხვდება, თუ როგორი უაზრო და საშინელი რამ არის ეს სისხლისღვრა, ამიტომ, გადაწყვეტს, რომ იარაღს გამოემშვიდობოს, თუმცა ეს ასეთი მარტივი როდია.
#3 ჯეინ ოსტინი - „სიამაყე და ცრურწმენა“
ერთ-ერთი ყველაზე ცნობილი რომანი ჯეინ ოსტინის შემოქმედებიდან, რომელიც ავტორმა ჯერ კიდევ 21 წლის ასაკში დაწერა, თუმცა მხოლოდ 15 წლის შემდგომ გამოიცა.
ეს არის ორი განსხვავებული ადამიანის ამაღელვებელი სიყვარულის ისტორია, რომელიც მკითხველზე საოცარ ზემოქმედებას ახდენს. თითოეული პერსონაჟის განცდები და ემოციები, იმდენად ბუნებრივია, რომ რთულია, კითხვისას წიგნს თვალი მოსწყვიტო.
იმოგზაურე მე-19 საუკუნის ინგლისში ჯეინ ოსტინთან ერთად, გახდი ელიზაბეტ ბენეტისა და მისტერ დარსის საოცარი თავგადასავლის თანამონაწილე.
#4 ე. მ. რემარკი - "ტრიუმფალური თაღი"
ეს არის რომანი რომელიც ელვის სისწრაფით იკითხება და დასრულების შემდეგ დროში მოგზაურების სურვილს გიჩენთ, რათა კიდევ ერთხელ მოგეცეთ პირველად წაკითხვის ბედნიერება. წიგნი დაგაფიქრებთ დიდ სიყვარულსა და არანაკლებ დიდ სიძულვილზე, რომელსაც მთავარი გმირი გამუდმებით ებრძვის მიუხედავად უამრავი წინაღობისა თუ მარცხისა.
სხვა სტატიები
ტელეფონი ყველასთვის - OUKITEL
მიუხედავად იმისა, რომ სამყაროში ტექნიკური შესაძლებლობები ელვისებური სისწრაფით ვითარედება და ტექნიკის მწარმოებელ კომპანიებში კონკურენციაც პიკზეა, ყოველთვის არის რაღაც, რაც არ გვაკმაყოფილებს ამა თუ იმ სასურველი ნივთის შეძენისას. ამის ყველაზე კარგი მაგა...
განაგრძე კითხვა
20689
 (7).png)
საუკეთესო სასტუმროები ოჯახთან ერთად დასვენებისთვის
Hotsale.ge – საქართველოს წამყვანი ე-კომერციის პლატფორმა უკვე 14 წელია მომხმარებლებს სანდო და მომგებიან ონლაინ შოპინგ გამოცდილებას სთავაზობს. მრავალწლიანმა გამოცდილებამ და ხარისხზე ორიენტირებულმა მიდგომამ Hotsale.ge მყარად დამკვიდრა როგორც ერთ...
განაგრძე კითხვა
16557
.png)
.png)
როგორ მოვუაროთ კბილებს და შევუნარჩუნოთ მათ სიჯანსაღე მარტივად
გარდა იმისა რომ ჯანსაღი კბილები ლამაზი ღიმილის წინაპირობაა და ყველა ადამიანს თავდაჯერებულობას მატებს, ასევე ჯანსაღი კბილები და ღრძილები ადამიანის ორგანიზმის საერთო ჯანმრთელობის ერთ-ერთი ინდიკატორია. Hotsale.ge-ის გუნდი გიზიარებთ ინფორმაციას პრ...
განაგრძე კითხვა
18421
რას ნიშნავს იყო მომხმარებლის ზრუნვაზე ორიენტირებული კომპანია საქართველოში
21-ე საუკუნეში მომხმარებლის მოთხოვნები რადიკალურად იზრდება და იხვეწება. დღეს შეთავაზებული პროდუქტისა თუ სერვისის ფასთან ერთად არანაკლებ მნიშვნელოვანია მისი ხარისხი, ასევე კომპანიის სანდოობა და საიმედოობა....
განაგრძე კითხვა
29081
ტოპ 5 ეგზოტიკური ადგილი საქართველოში, რომელსაც აუცილებლად უნდა ეწვიო
პანდემიამ საშულაება მოგვცა, რომ კიდევ ერთხელ დავფიქრებულიყავით საქართველოს იმ კუთხეებზე, რომელსაც იშვიათად ვსტუმრობთ ხოლმე. ნებისმიერი გემოვნების ადამიანისათვის გამოინახება ისეთი ადგილი, რომელიც შენს სურვილებსა და მოლოდინებს არა თუ ესადაგება, არამედ ...
განაგრძე კითხვა
37674
არომატული ბურგერი თუ უგემრიელესი სუში - კერძი, რომელიც მეგობრებთან შეხვედრას უფრო სასიამოვნოს ხდის
ზაფხული, დასვენება, ბევრი პოზიტიური ემოცია და მონატრებული მეგობრები - სწორედ ასეთია თინეიჯერების საზაფხულო არდადეგები, რომლებიც გარკვეული პერიოდით წყდებიან ყოველდღიურ რეალობას და სულ სხვაგვარი, უფრო თავისუფალი ცხოვრების სტილით ცხოვრობენ. მაღალი კლასი...
განაგრძე კითხვა
24825
