-
კატეგორია
-
ზუგდიდი
-
უბანი
-
კატეგორია
-
ზუგდიდი
-
უბანი
5 საუკეთესო წიგნი საახალწლო საჩუქრად
ახალი წელი ახლოვდება და დროა სამზადისს შევუდგეთ. თუ ჯერ არ იცი, საყვარელი ადამიანი რით გაახარო ან რა აჩუქო, მაშინ იცოდე, რომ წიგნი ერთ-ერთი საუკეთესო არჩევანია. წიგნების დახმარებით ადამიანებს ჩუქნი ემოციებს, გამოცდილებას და რაც ყველაზე მთავარია ცოდნას. აბა მითხარი, ამაზე კარგი რა შეიძლება იყოს?!
5 საუკეთესო წიგნი, რომელიც სასაჩუქრე სიაში შეგიძილია შეიტანო და დარწმუნებული იყო, რომ საყვარელ ადამიანს გააბედნიერებ.
#1 მეი მასკი - "ქალი ისახავს მიზანს"
ახალი წელი ახალი გეგმებისა და მიზნების დასახვისთვის საუკეთესო პერიოდია. მეი მასკი ეს ავტობიოგრაფიული ნაწარმოები კი სწორედ იმ გზას გვიჩვენებს, რომელიც სავსეა სიძნელეებითა და თავგადასავლებით. რთული, ხშირად დაუჯერებელი ოჯახური პრობლემებისა და საქმიანობასთან დაკავშირებული დაბრკოლებების მიუხედავად, ავტორი მუდამ ახერხებდა ფეხზე წამომდგომას, ახალი მიზნების დასახვასა და გაბედულად მოქმედებას. სწორედ, ამიტომ, იქცა წიგნი შთაგონების წყაროდ სხვადასხვა ქვეყანაში მცხოვრები ბევრი ქალისთვის.
#2 უილიამ შექსპირი - „პიესები“
კლასიკური ლიტერატურის მოყვარულთათვის ეს წიგნი ერთ-ერთი საუკეთესო საგანძურია. მასში გაერთიანებულია ისეთი ცნობილი და გენიალური პიესები, როგორებიცაა: "ჰამლეტი", "ოტელო", "მაკბეტი", "მეფე ლირი" და "რიჩარდ მესამე". სერ ჯონ გილბერტის ბრწყინვალე ილუსტრაციები და ივანე მაჩაბლისეული, უკვე კლასიკად ქცეული თარგმანი მკითხველს საშუალებას მისცემს, ხელახლა აღმოაჩინოს შექსპირის გენიალური სამყარო.
#3 ინგმარ ბერგმანი - „სცენები ცოლქმრული ცხოვრებიდან“
ცოლქმრული ცხოვრება, ეტაპები რომელსაც წყვილი გადის, სირთულეები და გზა მათ გადასაჭრელად - ეს ყველაფერი თავმოყრილია გენიალური შვედი სცენარისტის, კინოსა და თეატრის რეჟისორის ინგმარ ბერგმანის წიგნში. ისტორიები, რომელსაც ავტორი გვიზიარებს, ნამდვილად შთამბეჭდავი და გასაოცარია. ეს კრებული აერთიანებს სხვადასხვა დროს დაწერილ ოთხ სტილისტურად სრულიად განსხვავებულ კინომოთხორობას - „სცენები ცოლქმრული ცხოვრებიდან“, „შემოდგომის სონატა“, „პირისპირ“ და „გველის კვერცხი“, რომელიც ამავე სახელწოდების ფილმებს დაედო საფუძვლად.
#4 "მოდა - ილუსტრირებული ისტორია"
მათთვის ვისაც მოდის სამყარო უყვარს და სურს კიდევ უფრო მეტი გაიგოს ამ სფეროს შესახებ, ეს წიგნი ნამდვილად შესანიშნავი არჩევანია. ეს არის გზამკვლევი მოდის საოცარ, მომხიბვლელ, უცნაურ და ექსცენტრიკულ სამყაროში – იქ, სადაც ადამიანები გასაოცარ მსხვერპლს იღებდნენ და იღებენ მხოლოდ ერთი მიზნით – იყვნენ ყველასგან გამორჩეულები! იყავი შენც გამორჩეული და აჩუქე საყვარელ ადამიანს ის, რაც ნამდვილად გააბედნიერებს.
#5 ნათია ფანჯიკიძე - „შიშო გამოდი გარეთ“
თუ გამბედაობა, სულიერი სიმხნევის მოპოვება და შიშების დამარცხება გსურს 2022 წლიდან, მაშინ ეს წიგნი აუცილებლად დაგჭირდება. ავტორი ცდილობს ახსნას და საგრძნობი გახადოს ზოგიერთი დაავადების შინაარსი და სხვადასხვა მდგომარეობის ფარული, შინაგანი მხარე. რადგან ის რაც გავიგეთ, თუ არ ვიგრძენით კიდეც, ვერაფერს შეცვლის ჩვენში.
სხვა სტატიები
.jpg)
სამი მიზეზი იმისა, თუ რატომ გთავაზობენ კომპანიები აქციებს დანაზოგით
ალბათ ნებისმიერ მომხმარებელს აქვს თავისი შეხედულება დანაზოგისა თუ იმ კომპანიების შესახებ, რომლებიც მათ სტანდარტულთან შედარებით დაბალ ფასს სთავაზობენ რიგ მომსახურებასა და პროდუქტზე. გავრცელებული სტერეოტიპები, რომლებიც სამართლიანი იქნება თუ ვაღი...
განაგრძე კითხვა
19742
მეტი დასვენება = მეტი დანაზოგი- ანუ როგორ დავისვენოთ მაქსიმალურად, მინიმალური დანახარჯით
ზაფხულის მოსვლასთან ერთად ყველა მოუთმენლად ველით დღეებს, როდესაც ჩავალაგებთ სამგზავრო ჩანთას და მთელი წლის ნანატრ დასვენების დღეებს მოვიწყობთ. ზოგს მთა გვირჩევია, ზოგსაც ზღვა, მაგრამ იცით რა გვაერთიანებს ყველას? კი სწორად მიხვდით - გვინდა დასვენები...
განაგრძე კითხვა
24546
.png)
ჭარბი წონის მიზეზები და პრობლემის გადაჭრის მეთოდები
ჭარბი წონის მიზეზებსა და პრობლემის გადაჭრის მეთოდებზე გვესაუბრება კლინიკა "ენმედიცის" წამყვანი ენდოკრინოლოგი მაია ჩიქობავა. ხშირად სიმსუქნის გამომწვევი უმთავრესი მიზეზი კვებითი ქცევის დარღვევაა. ჯანმრთელი ადამიანის ენერგეტიკული საჭიროება 2200-2600 კი...
განაგრძე კითხვა
20291