-
კატეგორია
-
ახალციხე
-
უბანი
-
კატეგორია
-
Akhaltsikhe
-
უბანი
ტოპ 4 წიგნი კლასიკური ლიტერატურის მოყვარულთათვის
„თუ კითხვა არ გიყვარს, ესეიგი სწორი წიგნი ჯერ არ გიპოვია“- ეს სიტყვები ჯოან როულინგს ეკუთვნის, რომელიც ავტორია ერთ-ერთი ყველაზე ცნობილი წიგნების სერიის, „ჰარი პოტერის“, ფენტეზის ჟანრიდან. მინდა გითხრათ, რომ სწორი ჟანრისა თუ წიგნის შერჩევა ისეთივე მნიშვნელოვანია წიგნების შემთხვევაში, როგორც ფილმის ან ხელოვნების რომელიმე დარგის შერჩევის დროს.
დღეს ჩვენ უშუალოდ ვისაუბრებთ კლასიკურ ლიტერატურასა და იმ წიგნებზე, რომლებიც დიდი პოპულარობით სარგებლობენ. მანამდე კი გაგაცნობთ რამდენიმე საინტერესო ფაქტს იმის შესახებ, თუ რატომ უნდა ვიკითხოთ ზოგადად წიგნები:
- კითხვა აუმჯობესებს ლექსიკურ მარაგს და ხელს უწყობს მეტყველების გაუმჯობესებას;
- ავარჯიშებს ტვინს და გეხმარება წარმოსახვისა თუ კრეატივის განვითარებაში;
- შველის სტრესს, ხელს უწყობს თქვენს გონებასა თუ სხეულს რელაქსაციაში;
- გმატებთ თვითრწმენას, რადგან თქვენი ცოდნის დონე იზრდება და იმაზე მეტ ინფორმაციას იძენთ, ვიდრე მანამდე იცოდით;
- აუმჯობესებს კონცენტრაციის უნარს, რადგან კითხვის დროს ფოკუსირება კონკრეტულ თემაზე გჭირდებათ. თუ თვალს ან გონებას მოსწყვეტთ წიგნს, რთული ხდება აზრის გაგრძელება.
გარდა ამ რამოდენიმე მნიშვნელოვანი ფაქტისა, კიდევ უამრავი დადებითი ზეგავლენა აქვს წიგნების კითხვას.
ახლა კი გავეცნოთ იმ ტოპ 4 წიგნს, რომელიც აუცილებლად უნდა წაიკითხოთ თუ კლასიკური ლიტერატურა გიყვართ.
#1 მარგარეტ მიჩელი - "ქარწაღებულნი"
წიგნი მოგვითხრობს სასიყვარულო სამკუთხედზე, ომზე, თავისუფელბისთვის ბრძოლაზე, ფულზე, მეგობრობაზე და კიდევ იმ უამრავ ფაქტზე, რომელიც ყველა ადამიანის ცხოვრებაში მომხდარა ან მოხდება.
მარგარეტ მიჩელი შესანიშნავად აღწერს ადამიანურ გრძნობებსა და ურთიერთობებს, გვანახებს იმ მცდარი ნაბიჯების შედეგებს, რომელიც შესაძლოა ყველა ადამიანმა დაუშვას, თუ კი იმას გაეკიდებით, რაც თქვენი წილი არ არის ან რეალურად არ გჭირდებათ.
#2 ერნესტ ჰემინგუეი - "მშვიდობით იარაღო"
გენიალური ამერიკელი მწერლის ნაწარმოები, რომელმაც „ნობელის პრემია“ მოუტანა ავტორს. ეს არის ისტორია ლეიტენანტ ჰენრიზე, რომელიც იტალია-ავსტრიის ფრონტზე მოხვდება და საკუთარ თავზე გამოცდის ყველა იმ საშინელებას, რაც კი შეუძლია ომმა ადამიანს მოუტანოს.
მთავარი პერსონაჟი, ყველა ამ სირთულის გადალახვის შემდეგ ხვდება, თუ როგორი უაზრო და საშინელი რამ არის ეს სისხლისღვრა, ამიტომ, გადაწყვეტს, რომ იარაღს გამოემშვიდობოს, თუმცა ეს ასეთი მარტივი როდია.
#3 ჯეინ ოსტინი - „სიამაყე და ცრურწმენა“
ერთ-ერთი ყველაზე ცნობილი რომანი ჯეინ ოსტინის შემოქმედებიდან, რომელიც ავტორმა ჯერ კიდევ 21 წლის ასაკში დაწერა, თუმცა მხოლოდ 15 წლის შემდგომ გამოიცა.
ეს არის ორი განსხვავებული ადამიანის ამაღელვებელი სიყვარულის ისტორია, რომელიც მკითხველზე საოცარ ზემოქმედებას ახდენს. თითოეული პერსონაჟის განცდები და ემოციები, იმდენად ბუნებრივია, რომ რთულია, კითხვისას წიგნს თვალი მოსწყვიტო.
იმოგზაურე მე-19 საუკუნის ინგლისში ჯეინ ოსტინთან ერთად, გახდი ელიზაბეტ ბენეტისა და მისტერ დარსის საოცარი თავგადასავლის თანამონაწილე.
#4 ე. მ. რემარკი - "ტრიუმფალური თაღი"
ეს არის რომანი რომელიც ელვის სისწრაფით იკითხება და დასრულების შემდეგ დროში მოგზაურების სურვილს გიჩენთ, რათა კიდევ ერთხელ მოგეცეთ პირველად წაკითხვის ბედნიერება. წიგნი დაგაფიქრებთ დიდ სიყვარულსა და არანაკლებ დიდ სიძულვილზე, რომელსაც მთავარი გმირი გამუდმებით ებრძვის მიუხედავად უამრავი წინაღობისა თუ მარცხისა.
სხვა სტატიები
სმარტფონის დეზინფექცია Covid-19ის პანდემიის პირობებში
Covid-19 პანდემიის პერიოდში ჩვენ, როგორც არასდროს, მაქსიმალურად ვცდილობთ გავხადოთ ჩვენი გარემო უსაფრთხო. ცნობილია, რომ ერთერთი მთავარი ბაქტერიების გავრცელების წყარო გახლავთ ტელეფონი (Hotsale.ge გთავაზობთ სმარტფონების ფართო არჩევანს სპეციალურ ფასად).&...
განაგრძე კითხვა
24734
რა წიგნებით დავაინტერესოთ ბავშვები თვითიზოლაციის პერიოდში?
რამდენიმე დღეა, კორონავირუსის პანდემიის გამო, მოქალაქეების დიდ ნაწილსსახლიდან უწევს მუშაობა ან უბრალოდ, თვითიზოლაციაშია. ეს პროცესიგანსაკუთრებით მძიმეა ბავშვებისთვის, რომლებიც ბაღსა და სკოლებში აქტიურსოციალიზაციას არიან მიჩვეულები და ითხოვენ თან...
განაგრძე კითხვა
15392
.jpg)
რა ვნახოთ რაჭაში მეგობრებთან ერთად
რაჭა ძირითადად მთიან რეგიონად ითვლება და ცნობილია თავისი ულამაზესი ბუნებით, მწვანე ტყეებით, მთებითა და მდინარეებით. აქ მოისმენთ უნიკალურ ხალხურ სიმღერებსა და ცეკვებს, რომლებიც ადგილობრივი კულტურული მემკვიდრეობის ნაწილს წარმოადგენენ. ...
განაგრძე კითხვა
15471
Hotsale.ge-სა და პარკ ჰოთელ წყალტუბო • PARK HOTEL TSKALTUBO-ს მეგობრობა
Hotsale.ge უკვე წელებია მეგობრობს პარკ ჰოთელ წყალტუბო • PARK HOTEL TSKALTUBO-ს თან, რომელიც იმერეთის რაიონში მდებარე, მსოფლიო დონის კურორტ წყალტუბოშია განთავსებული. ამ მეგობრობის საფუძველზე მომხმარებელს აქვს საშუალება დაისვენოს პრემიუ ტიპის სასტ...
განაგრძე კითხვა
24517
 (5).png)
ეკო-ტურიზმის ახალი ტენდენციები: კოტეჯები და გლემფინგი საქართველოში
თანამედროვე დასვენების კულტურა მნიშვნელოვან ტრანსფორმაციას განიცდის საქართველოში. დღევანდელი მოგზაურები სულ უფრო მეტად ეძებენ პერსონალიზებულ, მშვიდ და ბუნებასთან ახლოს მყოფ განთავსების ადგილებს, რაც აისახება ტურიზმის ინდუსტრიაში მიმდინარე ცვლილებებზე...
განაგრძე კითხვა
23221
HOTSALE.GE და ტექნო ბუმი პარტნიორები გახდნენ
სიახლე ჰოთსეილზე! ჩვენი პარტნიორების სიას შემოუერთდა კომპანია TECHNO BOOM, რომელიც შემოგთავაზებთ საუკეთესო, ხარისხიან და მუდმივად აქტუალურ პროდუქციას! ტექნობუმი 2010 წლიდან გამოჩნდა ბაზარზე და დღემდე ერთ-ერთი მსხვილი კომპანიაა ტექნიკის გაყიდვებში. კ...
განაგრძე კითხვა
27832