-
კატეგორია
-
კიკეთი
-
უბანი
-
კატეგორია
-
კიკეთი
-
უბანი
საზოგადოების რჩეული წიგნები
წიგნების სამყარო საოცრად დიდი და მრავლისმომცველია, ზოგჯერ რთულია იმ ემოციების ბოლომდე გამოხატვა, რასაც ესა თუ ის ნაწარმოები გვანიჭებს. ფიოდორ დოსტოევსკი წერს - ''ხდება ხოლმე თურმე ასეც: ცხოვრობ და არც კი იცი, რომ აქვე, შენს ახლოს, ყოფილა თურმე ისეთი წიგნი, სადაც მთელი შენი ცხოვრებაა აღწერილი. ადრე კი ეს აზრადაც არ მომდიოდა.''
Readersland.ge გიზიარებთ საზოგადოების რჩეულ რამდენიმე წიგნს, რომელიც შენს ყურადღებას აუცილებლად მიიპყრობს. რა იცი, იქნებ, შენც იპოვო წიგნი საკუთარ ცხოვრებაზე.
#1 ალბერ კამიუ - "სარჩული და პირი"
.png)
ამ კრებულში თავმოყრილი ესეები 1935-1936 წლებში დაიწერა და მცირე ტირაჟით გამოქვეყნდა ალჟირში. ეს ესეები ჯერ კიდევ საკუთარი ხმის ძიებაში მყოფი, 22 წლის მწერლის, პირველი ნაბიჯებია ლიტერატურაში. ისინი კამიუს მსოფლმხედველობის ორი მხარის წარმომჩენია, რომელთაგან ერთი კი-ს სფეროა, მეორე კი არა-სი.
გაეცანი ამ შესანიშნავი ესეების კრებულს და მიჰყევი კამიუს თავგადასავლებს ჯერ კიდევ ახალგაზრდობის პერიოდიდან.
#2 ჟან-ჟაკ რუსოს - "მსჯელობა მეცნიერებისა და ხელოვნების შესახებ"
ხელოვნება ადამიანის სულის საზრდოა, ამ ყველაფერზე კი ჟან-ჟაკ რუსოს თავისი მოსაზრებები გააჩნია. თუ ხელოვნება გიყვარს და გაინტერესებს მისი გავლენა ადამიანის ყოფიერებაზე, მაშინ არ გამოტოვო ეს სიამოვნება.
რუსოს აზრით, ბუნებრივ მდგომარეობაში მყოფი ადამიანი თავისუფალი, კეთილი, უდანაშაულო, მარტივი, ყველა სხვა ადამიანთა თანასწორია. მეცნიერება და ხელოვნება ზღვარს ავლებს ადამიანსა და ბუნებას შორის. ადამიანები თანდათან შორდებიან ბუნებას, მათ ურთიერთობაში ბატონდება ხელოვნურობა, პირფერობა. ადამიანში თავს იჩენს ეგოიზმი, ცინიზმი, ბოროტება; საზოგადოებაში აღარ არსებობს თავისუფლება. ამიტომ ფრანგი მოაზროვნე მოითხოვს ადამიანის დაახლოებას ბუნებასთან.
.png)
სულიერი თვალსაწიერის გაფართოება, ცოხვრების ნებისმიერ ეტაპზე საჭირო და შეიძლება ითქვას, რომ აუცილებელი საზრდოცაა. ოშო ინდოელი სულიერი მასწავლებელი(გურუ) და ფილოსოფოსია, ის ამბობს: „რასაც არ უნდა ეძებდეთ, თუ ჩაუღრმავდებით, ნახავთ, რომ საკუთარ თავს ეძებთ“.
მისი წიგნი "ცარიელი ნავი"-ც სწორედ ადამიანის შინაგან მესა და იმ ბნელი ოთახის კარს აღებს, რომლის შესახებაც შეიძლება არასდროს გიფიქრია ან ვერც კი წარმოგედგინა, რომ შეიძლებოდა ეს შენ ყოფილიყავი.
ამ წიგნის მეშვეობით ეზიარებით იმ მძაფრ შეგრძნებებს, რომელიც ჯერ თქვენთვის შესაძლოა უცხო იყოს... გაიგებთ და შეიგრძნობთ ცხოვრებისეულ, კონკრეტულ სიტუაციებს.
ნაწარმოები იწყება ტექსტით: „შვიდი წლის რომ ვიყავი, მწვანე სახლში ვცხოვრობდით. ერთი მეზობელი გვყავდა, ხელმარჯვე თერძი, რომელიც ცოლს ხშირად სცემდა. საღამოობით გვესმოდა ყვირილი, მოთქმა, გინება, დილით კი ცხოვრებას ისე ვაგრძელებდით თითქოს არაფერი მომხდარა. მთელი სამეზობლო თავს იკატუნებდა, რომ ვერაფერს ხედავდა და არაფერი ესმოდა.“
ეს წიგნი ეძღვნება მათ, რომლებიც ხედავენ და ესმით.
.png)
“დღიური” რომატიკული რომანია და ამ ჟანრის მოყვარულებს ნამდვილად მოაწონებს თავს. ეს არის დახვეწილი ნაწერი, საინტერესო პასაჟებით მოთხრობილი ამბით. ავტორი ძალიან ბუნებრივად და მარტივად გდმოსცემს პერსონაჟების ემოციებს და მაქსიმალურად მოაქვს მკითხველამდე.
თუ გსურს, რომ სასიყვარულო თავგადასავალში ჩაერთო, მაშინ აუცილებლად წაიკითხე ეს შესანიშნავი წიგნი.
სხვა სტატიები
 (1).png)
 (1).PNG)
კომპანიები Hotsale.ge და მიდეა/Midea პარტნიორები გახდნენ
ჩვენ ყოველთვის ვზრუნავთ, მომხმარებელს შევთავაზოთ მრავალფეროვნება, ახალი კომპანიები სხვადასხვა სერვისებით, რაც თითოეული მომხმარებლისთვის იქნება ხელმისაწვდომი. კომპანია მიდეა/Midea წარმოადგენს სამომხმარებლო ტექნიკის წამყვან ტექნოლოგიურ...
განაგრძე კითხვა
10363
 (1).jpg)
