-
კატეგორია
-
საირმე
-
უბანი
-
კატეგორია
-
საირმე
-
უბანი
2020 წლის ბესტსელერად ქცეული წიგნი, რომელიც გოგონებისთვის მოტივაციის წყაროა
მსოფლიო ლიტერატურა მდიდარია ისეთი შინარსიის წიგნებით, სადაც ქალების სიძლიერესა და უსაზღვრო შესაძლებლობებს ხაზი მკაფიოდ აქვს გასმული. ვკითხულობთ წიგნებს ძლიერ, შემდგარ ქალებზე, რომლებმაც საკუთარი გზა და თავი იპოვეს. ბოლო წლებში განსაკუთრებით აქტუალური რეალურ, საკუთარ გამოცდილებაზე დაყრდნობით შექმნილი წიგნები გახდა. გთავაზობთ წიგნს, რომელიც გაცილებით მეტია ვიდრე მოთხრობილი ამბავი - ის არის გზა, ახალი მოძრაობა ქალებისათვის, რომელიც მათ ახალ ძალასა და წარმატებისთვის ბრძოლის სურვილს უღვიძებს.
“New-York Times”-ის ბესტსელერად ქცეულ წიგნს „Washington Post”-მა ასეთი განმარტება მიუძღვნა „დათანხმდი გამოწვევებს, მოეკიდეთ საქმეს მეტი პასუხისმგელობით, ისწავლეთ შეცდომებზე“ . ავტობიოგრაფიულ ნაწარმოებში სოფია ამარუზო გვიყვება თუ იქცა მეამბოხე მაწანწალიდან მსოფლიოში ერთ-ერთი ყველაზე სწრაფად მზარდი საცალო ვაჭრობის დამფუძნებლად.
სოფიამ თინეიჯერობის წლები წვრილმანი ქურდობის ჩადენასა და ნაგავსაყრელებზე ჭუჭყიანი ნამცხვრების ძებნაში გაატარა. 22 წლის ასაკში სკოლიდან გამოაგდეს, რის გამოც თავს გატეხილად და უმისამართოდ დარჩენილად გრძნობდა. მუშაობდა სამხატვრო სკოლის ვესტიბიულში საიდენტიფიკაციო ბარათების შემმოწმებლად, რათა ჯანმრთელობის დაზღვევა ჰქონდა და ეს იყო სწორედ ის ვესტიბიული, სადაც მან გადაწყვიტა ვინტაჟური ტანსაცმლის გაყიდვა eBay-ზე დაეწყო.
მოვლენების განვითარების შემდეგ დღევანდელ დღეს, რომ დავუბრუნდეთ სოფია ამორუზო Nasty Gal-ისა და Girl Boss-ის დამფუძნებელი და აღმასრულებელი დირექტორია. ის არასდროს ყოფილა ტიპური დირექტორი, ის ყოველთვის მოუწოდებს მისნაირ გოგონებს, რომ ეძებონ უნიკალური გზა წარმატებისაკენ, მაშინაც კი როდესაც ეს გზა ჯოჯოხეთურად რთულია.
#GIRLBOSS ნათელი მტკიცებულებაა იმისა, რომ წარმატება არ არის დამოკიდებული იმაზე თუ რომელ უნივერსიტეტსა თუ კოლეჯში სწავლობდი ან რამდენად პოპულარული იყავი. ყველაფერი დამოკიდებულია იმაზე თუ რამდენად მიენდობი საკუთარ ინსტინქტებს და მიყვები შენს შინაგან ხმას. აუცილებელია იცოდე წესები, რომლებსაც დაემორჩილები და რომლებსაც წარმატებისაკენ მიმავალ გზაზე დაამსხვრევ, როდის უნდა იყო მშვიდად და როდის უნდა მისცე საკუთარ თავს „აფრების“ გაშლის უფლება.
ეს არის გულწრფელად, მახვილგონივრულად, იუმორით გადმოცემული ამბავი საკუთარ განვლილ გზაზე. რჩევაა, რომელიც მოგვიწოდებს, ვისწავლოთ საკუთარ შეცდომებზე, ვიწამოთ ჩვენი შინაგანი სიძლიერის და გავითავისოთ თუ როდის დავარღვიოთ რამდენიმე ტრადიციული წესი.
მაშინ, როცა სამყარო სავსეა ინოვაციური იდეებითა და შესაძლებლობებით, ვალდებულნი ვართ თითოეულ შანსს, რომელიც ჩვენს ხელთ აღმოჩნდება ბოლომდე ჩავეჭიდოთ, ვისწავლოთ დაშვებულ შეცდომებზე, წამოვდგეთ ყოველი დაცემის შემდეგ და იმედიანად შევხედოთ თითოეულ ნაიარევს, რომელსაც სწორედ ეს დაცემა გვიტოვებს. და ბოლოს, როგორც სოფია ამორუზო ამბობს: „ყოველი მარცხის უკან საიდუმლო შესაძლებლობები იმალება“.
სხვა სტატიები
.png)
რა ვაჩუქოთ საყვარელ ადამიანს ვალენტინობას
დედამიწას სიყვარული ატრიალებსო და სიყვარულს კონკრეტული დღე არ ჭირდებაო, თუმცა 14 თებერვალი მთელს მსოფლიოში სიყვარულის დღედ აღირეს და ყველა შეყვარებული ადამიანი ცდილობს განსაკუთრებულად აღნიშნოს ეს დღე. მეორე ნახევარს კი დასამახსოვრებელი საჩუქარი ...
განაგრძე კითხვა
13839
.png)
როგორ მოვუაროთ სახის კანს გაზაფხულზე - კოსმეტოლოგის რჩევები
გაზაფხული დადგა და ბუნებასთან ერთად ჩვენი კანიც განახლებას საჭიროებს. ზამთრის შემდეგ სახის კანს განსაკუთრებული მოვლა სჭირდება. გთავაზობთ კოსმეტოლოგების პროფესიონალურ რჩევებს, რომლებიც დაგეხმარებათ კანის სწორად მოვლაში....
განაგრძე კითხვა
8255
6 ორიგინალური საჩუქრის იდეა, რომლითაც საყვარელ ადამიანს ვალენტინობის დღეზე ძალიან გაახარებთ!
სულ მალე 14 თებერვალია, წმინდა ვალენტინის დღესასწაული, რომელსაც მრავალსაუკუნოვანი ტრადიცია აქვს. ამ დღეს წყვილები ერთად ატარებენ და ერთმანეთს სიმბოლურ საჩუქრებსა და დაუვიწყარ ემოციებს ჩუქნიან. - რა შეიძლება იყოს ყველაზე სასურველი საჩუქარი საყვ...
განაგრძე კითხვა
34274
.png)
Discover Georgia: Top 10 Unmissable Attractions for Your Perfect Trip
Georgia, a country nestled in the Caucasus region, beckons travelers with its rich history, stunning landscapes, and vibrant culture. From ancient cities to mountainous retreats and seaside gems, Georgia offers a tapestry of experiences waiting to be...
განაგრძე კითხვა
25743
.jpg)
Hotsale.ge-სა და „პალიტრანიუსის“ გადაცემა „უნდა იცოდე“-ს თანამშრომლობით მომხმარებლებს სიახლეები ელოდებათ
დანაზოგების ყველაზე მასშტაბური ქართული პლატფორმა Hotsale.ge და „პალიტრანიუსის“ გადაცემა „უნდა იცოდე“ ურთიერთთანამშრომლობას იწყებენ, რომლის ფარგლებშიც, მომხმარებლები ტურიზმის, სილამაზის, სამედიცინო, ტექნიკის და სხვა სფერო...
განაგრძე კითხვა
16453