-
კატეგორია
-
თბილისი
-
დიდუბე
-
კატეგორია
-
თბილისი
-
დიდუბე
Hotsale.ge-მ „Leo ინსტიტუტის“ დამფუძნებელს საჩუქარი გადასცა
დანაზოგების ყველაზე მასშტაბური ქართული პლატფორმა Hotsale.ge აგრძელებს „ლურჯ ოკეანესთან“ თანამშრომლობას. 5 დეკემბერს „პუბლიკას“ ლაუნჯში გაიმართა ცნობილი ავტორისა და Leo ინსტიტუტის დამფუძნებლის, სამი კოენის წიგნის - „ცხოვრება შიშს მიღმა“ - პრეზენტაცია და თემატური ვორქშოპი, სადაც Hotsale.ge პარტნიორის სტატუსით იყო წარმოდგენილი.
სამი კოენი Leo ინსტიტუტის დამფუძნებელი და Leo მეთოდოლოგიების ავტორია. იგი უკვე 40 წელზე მეტია ეხმარებოდა ადამიანებს იპოვონ, გაიაზრონ და მიაწიონ თავიანთ მიზნებს. მისი წიგნები კი ერთგვარი ინსტრუმენტია წარმატებით სავსე ცხოვრების შექმნისთვის.
„ცხოვრება შიშს მიღმა“ - ასე ჰქვია ახალ წიგნს, რომელშიც ავტორი შიშისა და ღელვის გავლენაზე, ასევე მათი დაძლევის მეთოდებსა და ცხოვრების ახალ შესაძლებლობებზე საუბრობს.
„ჩვენ გამუდმებით ვინმეს მოხიბვლას ვცდილობთ ან ისეთ რამეზე ვშფოთავთ, რაც არ გვეხება. ღელვა და ხალისი ვერ თანაარსებობს, შედეგად კი ხალისისთვის ჩვენს ცხოვრებაში ადგილი აღარ რჩება. თუ კარგად დააკვირდები, ყოველწამიერად, დაინახავ, რამდენ რამეს აკეთებ, არ აკეთებ, ამბობ და არ ამბობ, საიმისოდ, რომ დაუმტკიცო საკუთარ თავსა და სხვებს რაღაც „შენზე“; დაინახავ საჭიროებას, რომ აღგიქვამდნენ „ასეთად“ და ეცდები, თავიდან აირიდო, რომ აღგიქვამდნენ „ისეთად“. თუკი ამ წიგნს მხოლოდ თეორიულად არ მიუდგები და ეცდები, გამოიყენო, როგორც ინსტრუმენტი, აღმოაჩენ, რომ ნებისმიერ შემთხვევაში ორი რეალობა (არჩევანი) გაქვს – „ნიღბიანი“ და „უნიღბო“, შიშით და შიშს მიღმა...“, - ვკითხულობთ წიგნის აღწერაში.
წიგნის პრეზენტაციას მოჰყვა თემატური ვორქშოპი. ღონისძიების დასასრულს კი Hotsale.ge-მ ავტორს სიმბოლური საჩუქარი გადასცა. როგორც კომპანიის ბრენდმენეჯერი ლანა ცხადაძე აღნიშნავს, ეს არის წიგნი, რომელშიც შიშის დაძლევის ყველაზე ეფექტური მეთოდებია წარმოდგენილი: „სამი კოენმა აგვიხსნა, თუ როგორ შეიძლება წიგნში აღწერილი მეთოდოლოგიის პრაქტიკაში გამოყენება და ცხოვრება შიშს მიღმა, ანუ ცხოვრება სრული ადამიანური შესაძლებლობებით. ეს იყო ძალიან ნაყოფიერი შეხვედრა, სადაც Hotsale.ge პარტნიორის სტატუსით იყო წარმოდგენილი. ჩვენს კომპანიას „ლურჯ ოკეანესთან“ ხანგრძლივი თანამშრომლობა აკავშირებს და მომავალშიც ვგეგმავთ სხვადასხვა პროექტის ფარგლებში პარტნიორობას,“ - აღნიშნა ლანა ცხადაძემ.
Hotsale.ge-ის შესახებ: Hotsale.ge პალიტრა ჰოლდინგის შვილობილი კომპანიაა, რომელიც 2011 წელს დაარსდა. ის არის ლიდერი ქვეყანაში ელექტრონული კომერციის სფეროში. კომპანია მომხმარებელს სთავაზობს დაზოგვას მრავალფეროვანი მომსახურების და პროდუქციის მიღების დროს. ვებგვერდზე განთავსებულია შეთავაზებები სხვადასხვა კომპანიისგან: სასტუმროები, რესტორნები და კაფეები, ესთეტიკის ცენტრები და სალონები, ბავშვთა გასართობი ცენტრები, აუზები და სხვა.
Hotsale.ge კომპანიებს ათასობით მომხმარებელთან აკავშირებს და მათ ეფექტურ და გაზომვად სარეკლამო მომსახურებას, ცნობადობის გაზრდასა და ლოიალური მომხმარებლის შეძენას სთავაზობს.
სხვა სტატიები
Hotsale.ge აგრძელებს საგანმანათლებლო პროექტების მხარდაჭერას - პლატფორმა საერთაშორისო პროექტ Lingostar-ის პარტნიორი გახდა
Hotsale.ge საერთაშორისო საგანმანათლებლო პროექტ Lingostar-ის პარტნიორი გახდა. თანამშრომლობის ფარგლებში Hotsale-მა Lingostar-ის მიერ ორგანი&sh...
განაგრძე კითხვა
9939
გადაიხადე Mastercard-ის ბარათით და ისარგებლე დამატებით 30% დანაზოგით მთის კურორტების სათხილამურო ტრასებზე
30%-იანი დანაზოგის მიღება შესაძლებელია Hotsale.ge-ზე Mastercard-ის ბარათით გადახდის შემთხვევაში. იჩქარე, აიღე Mastercard-ის ბარათი, მიიღე დამატებით 30%-იანი დანაზოგი და შესაძლებლობა, რომ ისრიალო ყველა სათხილამურო ტრასაზე მაღალი დანაზოგით მთელი სეზონი...
განაგრძე კითხვა
15217
.png)
Georgia Travel Guide: Uncover Top Destinations and Unique Stays for Your Adventure with Hotsale Discounts
Are you planning a trip to Georgia and seeking the best destinations and accommodations? Look no further! Georgia offers a diverse range of experiences for travelers, from stunning mountain landscapes to vibrant coastal cities. Discover the must-visi...
განაგრძე კითხვა
13982
.png)
მეტრომარტის შეთავაზებები უკვე Hotsale.ge-ზეა
სიახლე ჰოთსეილზე! ჩვენი პარტნიორების სიას შემოუერთდა კომპანია „Metromart • მეტრომარტი“, რომელიც საყოფაცხოვრებო ტექნიკის მულტიბრენდული მაღაზიაა და მრავალი წელია მომხმარებელს სთავაზობს სხვადასხვა ბრენდის მრავალფეროვან ტექნიკას. ...
განაგრძე კითხვა
20181
.jpg)
.png)
Another World Dighomi – საქართველოში ინოვაციური VR სათამაშო სივრცე გაიხსნა
თუ ახალი, დაუვიწყარი სათამაშო გამოცდილება გინდათ, საქართველოში უკვე შეგიძლიათ Another World Dighomi-ში აღმოჩნდეთ! ეს არის ინოვაციური VR სათამაშო სივრცე, რომელიც სტუმრებს ფანტასტიკურ თავგადასავლებს სთავაზობს....
განაგრძე კითხვა
10807