-
კატეგორია
-
რაჭა - ონი, ამბროლაური
-
უბანი
-
კატეგორია
-
რაჭა - ონი, ამბროლაური
-
უბანი
რა წიგნებით დავაინტერესოთ ბავშვები თვითიზოლაციის პერიოდში?
რამდენიმე დღეა, კორონავირუსის პანდემიის გამო, მოქალაქეების დიდ ნაწილს
სახლიდან უწევს მუშაობა ან უბრალოდ, თვითიზოლაციაშია. ეს პროცესი
განსაკუთრებით მძიმეა ბავშვებისთვის, რომლებიც ბაღსა და სკოლებში აქტიურ
სოციალიზაციას არიან მიჩვეულები და ითხოვენ თანატოლებთან თამაშსა და გარეთ
გასვლას.
რეალურად, შესაძლებელია, ის დრო, რასაც სახლში ბავშვებთან ერთად ვატარებთ,
საინტერესოდ, სახალისოდ და შემეცნებითად გამოვიყენოთ. თუ დისტანციურად
მუშაობის ან თვითიზოლაციის პროცესს მომზადებულები ვერ შევხვდით,
ამ პრობლემას ონლაინ-პლატფორმები მოგვიგვარებენ, რადგან ისინი მზად არიან, ეს
არცთუ სასურველი, ნებაყოფლობითი გარემოსგან იზოლირება საინტერესო და
მრავალფეროვანი გახადონ როგორც ჩვენთვის, ისე ჩვენი ბავშვებისთვის.
ჩვენ ელექტრონული კომერციის პლატფორმა “რიდერსლენდთან” ერთად, ასაკობრივი
კატეგორიების მიხედვით შევარჩიეთ წიგნები, რომელიც ბავშვების ცხოვრებას
თვითიზოლაციის პერიოდში უფრო საინტერესოს გახდის. ამასთან, პლატფორმა მზად
არის, წიგნები სასურველ მისამართზე გამოგიგზავნოთ.
0-დან 3 წლამდე
თუ აქამდე ვერასდროს პოულობდით დროს, თქვენს პატარებთან ერთად, ახალი
აღმოჩენები გაგეკეთებინათ, ეს ორი ფერადი და სახალისო წიგნი, რომელიც 0-3 წლის
ბავშვებისთვის არის განკუთვნილი, ამ პრობლემას მოგიგვარებთ.
“პირველი სიტყვები” - ეს არის 10 პატარა წიგნის სკოლამდელი ასაკის
ბავშვებისთვის, რომელიც მშობელთან ან აღმზრელთან ერთად უნდა დაათვალიერონ
და ახალი აღმოჩენები გააკეთონ, გაეცნონ, რომელი დასახელების ნივთს, მცენარესა
თუ გარემოში არსებულ სხვა მატერიას რა სახელით მოვიხსენიებთ.
“ჩემი პირველი 100 ცხოველი” - როგორც წესი, ბავშვების დიდ ნაწილს ცხოველთა
სამყარო აინტერესებთ, უყვართ თავიანთი რბილი სათამაშოები, რომლებსაც დათვის,
ძაღლის, კატის თუ სხვა ცხოველის ფორმა აქვს. ეს წიგნი - ჩანთა მათ საყვარელ
კოლექციას უფრო საინტერესოს გახდის, ამასთან, მათი ასაკის შესაბამისად
შეიმეცნებენ ფაუნის ახალ წევრებს.
3-დან 6 წლამდე
ამ ასაკშიც ბავშვებს მარტივ და მათი ასაკისთვის შესაბამის ინფორმაციას ვაწვდით.
რაც მთავარია, ეს წიგნები უნდა იყოს ფერადი, რომ სახლში მოწყენილობისგან
დაღლილი პატარების ყურადღება მიიპყროს.
“ანბანთქება” - თამრი ფხაკაძის ლექსების კრებული, რომელიც ფერად, ბალიშა
წიგნშია მოცემული და პატარებს სხარტი და მხიარული ლექსებით გაართობს.
“ჩემი პირველი კითხვების და პასუხების წიგნი” - ამ ასაკობრივ კატეგორიაში ბავშვი
ყველაზე მეტ კითხვას სვამს, მას ყველაფერი აინტერესებს: რამხელაა სპილო? საიდან
იქმნება ძაბვა? რატომ აშენებენ ციხესიმაგრეებს ბორცვებზე? ასეთ კითხვებს
პატარები ხშირად სვამენ. წიგნში პასუხი ყველა კითხვაზეა გაცემული. მარტივი
ამოცანები კი რაც ამ წიგნშია მოცემული ბავშვის მიერ უკვე წაკითხულ მასალას
ამოწმებს მშვენიერი ილუსტრაციები კი შემეცნების პროცესს უფრო საინტერესოსა და
სახალისოს ხდის.
6-დან 9 წლამდე
სკოლის მოსწავლეები ძალიან მარტივი წიგნების მიმართ ხანდახან უფრო
კრიტიკულები არიან ხოლმე, ისინი თავს უფრო “დიდად” გრძნობენ, ამიტომ
გადავწყვიტეთ, მათთვის შესაფერისი, უფრო “დიდების” წიგნები შეგვერჩია,
რომელიც კითხვას შეაყვარებთ:
“სამი ზღაპარი” - ძმები გრიმებისა და ვილჰელმ ჰაუფის უკვდავი ზღაპრები, რომელიც
ათწლეულებია, იბეჭდება და ყოველთვის იწვევს ბავშვების ინტერესს. ეს მარტივად
ჩახლართული და საინტერესო ისტორიებია, რომელიც მსოფლიოს მასშტაბით დიდი
პოპულარობით სარგებლობს.
“ჰერაკლე უძლიერესი ადამიანი და სხვა ბერძნული მითები” - ჰერაკლე და ბერძნული
მითები არაერთი ცნობილი ანიმაციური ფილმის შთაგონება გამხდარა, ამიტომ ეს
ცნობილი სახელი 6-9 წლის ბავშვებისთვის საინტერესო უნდა იყოს. შეიძლება, ის
ისტორიებიც იპოვნონ, რაც მულტიპლიკაციურ ფილმებში უნახავთ.
9-დან 12 წლამდე
“ტომ სოიერის თავგადასავალი და ჰეკლბერი ფინის თავგადასავალი” - მარკ ტვენის
ნაწარმოებების ყველასთვის საყვარელი გმირები ახლა უკვე ილუსტრირებულ
გამოცემებშია, რაც ბავშვებს ორივე პერსონაჟის ცხოვრების წარმოდგენას კიდევ
უფრო უმარტივებს. თუ გადატვირთული სასწავლო გრაფიკის გამო ბავშვმა აქამდე
მათი წაკითხვა ვერ შეძლო, ახლა სწორედ შესაფერისი დროა.
“განძის კუნძული” - რობერტ ლუის სტივენსონის ასევე უკვდავი ნაწარმოები,
რომელიც მისტკურ, ხიფათით აღსავსე და საინტერესო ისტორიებს მოიცავს.
შეუძლებელია, მისი კითხვა დაიწყო და ყურადღება სხვა რამეზე გადაიტანო.
სხვა სტატიები
Traditional Georgian Food to Try: A Culinary Journey in Georgia
When visiting Georgia, the country, one of the best ways to immerse yourself in its culture is through its traditional Georgian food. With unique flavors and ingredients, Georgian cuisine offers a variety of dishes that appeal to food lovers ...
განაგრძე კითხვა
2066
საზოგადოების რჩეული წიგნები
წიგნების სამყარო საოცრად დიდი და მრავლისმომცველია, ზოგჯერ რთულია იმ ემოციების ბოლომდე გამოხატვა, რასაც ესა თუ ის ნაწარმოები გვანიჭებს. ფიოდორ დოსტოევსკი წერს - ''ხდება ხოლმე თურმე ასეც: ცხოვრობ და არც კი იცი, რომ აქვე, შენს ახლოს, ყოფილა თურმე ისეთი ...
განაგრძე კითხვა
10481
.jpg)
მოამზადე შენი ეზო ზაფხულისთვის: 4 ნივთი რომელიც ეზოს გარდასახვაში დაგეხმარება
როგორც ფსიქოლოგები ამბობენ, ბუნებასთან სიახლოვე, ერთ-ერთი თერაპიაა, რომელიც განწყობაზე დადებითად მოქმედებს. სწორედ ამიტომ, დატვირთული დღის შემდეგ, საკუთარ ეზოში საღამოს გატარება საკმაოდ დიდ სიამოვნებას წარმოადგენს. ზაფხულში ყველას უნდა, რომ დიდი დრო...
განაგრძე კითხვა
2592
Discover the Magic of Tbilisi: Top Fun Activities and Attractions
Nestled in the heart of the Caucasus, Tbilisi, the capital of Georgia, is a city that effortlessly blends ancient history with modern charm. Whether you’re an adventure seeker, a history buff, or a culinary enthusiast, Tbilisi offers a plethora...
განაგრძე კითხვა
3259
სად გავერთოთ თბილისში: 3 ლაუნჯ-ბარი მაღალი დანაზოგით
უკვე გადაწყვიტე ამ უქმეებზე სად გაერთობი მეგობრებთან ერთად? თუ გინდა დაუვიწყარი მოგონებები შეიქმნა, გაეცანი სამ საუკეთესო ლაუნჯ ბარს, რომლებიც იდეალურია მეგობრებთან ერთად დროის გასატარებლად და სასიამოვნო ემოციების მისაღებად....
განაგრძე კითხვა
9687
რა ვაჩუქოთ საყვარელ ადამიანს დაბადების დღეზე
საყვარელი ადამიანის გახარება, ალბათ, ერთ-ერთი ყველაზე სასიამოვნო პროცესია. ერთი შეხედვით, თითქოს, რთული ჩანს ისეთი საჩუქრის არჩევა, რომელიც მის კრიტერიუმებს დააკმაყოფილებს. სინამდვილეში, ერთადერთი რისი ცოდნაც გჭირდებათ, მისი გემოვნებაა, დანარჩენზე კი...
განაგრძე კითხვა
12462
სამი რჩევა, თუ როგორ მოვუაროთ სახის კანს გაზაფხულზე
გაზაფხულდა, ბუნებასთან ერთად ჩვენი სხეულიც იღვიძებს და ჩვენგან განსაკუთრებულ მოვლას საჭიროებს. ყველაზე მნიშვნელოვანია გამოზამთრებული სახის კანის გაჯანსაღება და ზაფხულისათვის მომზადება. სწორედ ამიტომ გვსურს გაგიზიაროთ 3 რჩევა კოსმეტოლოგებისაგან, რომელ...
განაგრძე კითხვა
10608