-
Category
-
Tbilisi
-
District
-
Category
-
Тбилиси
-
უბანი
5 საუკეთესო წიგნი საახალწლო საჩუქრად
ახალი წელი ახლოვდება და დროა სამზადისს შევუდგეთ. თუ ჯერ არ იცი, საყვარელი ადამიანი რით გაახარო ან რა აჩუქო, მაშინ იცოდე, რომ წიგნი ერთ-ერთი საუკეთესო არჩევანია. წიგნების დახმარებით ადამიანებს ჩუქნი ემოციებს, გამოცდილებას და რაც ყველაზე მთავარია ცოდნას. აბა მითხარი, ამაზე კარგი რა შეიძლება იყოს?!
5 საუკეთესო წიგნი, რომელიც სასაჩუქრე სიაში შეგიძილია შეიტანო და დარწმუნებული იყო, რომ საყვარელ ადამიანს გააბედნიერებ.
#1 მეი მასკი - "ქალი ისახავს მიზანს"
ახალი წელი ახალი გეგმებისა და მიზნების დასახვისთვის საუკეთესო პერიოდია. მეი მასკი ეს ავტობიოგრაფიული ნაწარმოები კი სწორედ იმ გზას გვიჩვენებს, რომელიც სავსეა სიძნელეებითა და თავგადასავლებით. რთული, ხშირად დაუჯერებელი ოჯახური პრობლემებისა და საქმიანობასთან დაკავშირებული დაბრკოლებების მიუხედავად, ავტორი მუდამ ახერხებდა ფეხზე წამომდგომას, ახალი მიზნების დასახვასა და გაბედულად მოქმედებას. სწორედ, ამიტომ, იქცა წიგნი შთაგონების წყაროდ სხვადასხვა ქვეყანაში მცხოვრები ბევრი ქალისთვის.
#2 უილიამ შექსპირი - „პიესები“
კლასიკური ლიტერატურის მოყვარულთათვის ეს წიგნი ერთ-ერთი საუკეთესო საგანძურია. მასში გაერთიანებულია ისეთი ცნობილი და გენიალური პიესები, როგორებიცაა: "ჰამლეტი", "ოტელო", "მაკბეტი", "მეფე ლირი" და "რიჩარდ მესამე". სერ ჯონ გილბერტის ბრწყინვალე ილუსტრაციები და ივანე მაჩაბლისეული, უკვე კლასიკად ქცეული თარგმანი მკითხველს საშუალებას მისცემს, ხელახლა აღმოაჩინოს შექსპირის გენიალური სამყარო.
#3 ინგმარ ბერგმანი - „სცენები ცოლქმრული ცხოვრებიდან“
ცოლქმრული ცხოვრება, ეტაპები რომელსაც წყვილი გადის, სირთულეები და გზა მათ გადასაჭრელად - ეს ყველაფერი თავმოყრილია გენიალური შვედი სცენარისტის, კინოსა და თეატრის რეჟისორის ინგმარ ბერგმანის წიგნში. ისტორიები, რომელსაც ავტორი გვიზიარებს, ნამდვილად შთამბეჭდავი და გასაოცარია. ეს კრებული აერთიანებს სხვადასხვა დროს დაწერილ ოთხ სტილისტურად სრულიად განსხვავებულ კინომოთხორობას - „სცენები ცოლქმრული ცხოვრებიდან“, „შემოდგომის სონატა“, „პირისპირ“ და „გველის კვერცხი“, რომელიც ამავე სახელწოდების ფილმებს დაედო საფუძვლად.
#4 "მოდა - ილუსტრირებული ისტორია"
მათთვის ვისაც მოდის სამყარო უყვარს და სურს კიდევ უფრო მეტი გაიგოს ამ სფეროს შესახებ, ეს წიგნი ნამდვილად შესანიშნავი არჩევანია. ეს არის გზამკვლევი მოდის საოცარ, მომხიბვლელ, უცნაურ და ექსცენტრიკულ სამყაროში – იქ, სადაც ადამიანები გასაოცარ მსხვერპლს იღებდნენ და იღებენ მხოლოდ ერთი მიზნით – იყვნენ ყველასგან გამორჩეულები! იყავი შენც გამორჩეული და აჩუქე საყვარელ ადამიანს ის, რაც ნამდვილად გააბედნიერებს.
#5 ნათია ფანჯიკიძე - „შიშო გამოდი გარეთ“
თუ გამბედაობა, სულიერი სიმხნევის მოპოვება და შიშების დამარცხება გსურს 2022 წლიდან, მაშინ ეს წიგნი აუცილებლად დაგჭირდება. ავტორი ცდილობს ახსნას და საგრძნობი გახადოს ზოგიერთი დაავადების შინაარსი და სხვადასხვა მდგომარეობის ფარული, შინაგანი მხარე. რადგან ის რაც გავიგეთ, თუ არ ვიგრძენით კიდეც, ვერაფერს შეცვლის ჩვენში.
სხვა სტატიები
ტოპ 10 სასტუმრო ზღვისპირეთში 40-დან 75 ლარამდე
ახლოვდება ზღვის სეზონი და გადავწყვიტე შემოგთავაზოთ სასტუმროები ზღვისპირეთში ყველაზე ბიუჯეტურ და მისაღებ ფასად სადაც დაუვიწყარ დროს გაატარებთ ოჯახთან თუ მეგობრებთან ერთად შეძლებთ მოაწყოთ ტურები, დაათვალიროდ ღირსშესანიშნაობები, უყუროთ მზის ჩასვლას თქვე...
განაგრძე კითხვა
29520
.png)
კონტაქტური ზოოპარკი: სწავლა, გართობა და აღმოჩენა ერთ სივრცეში
წარმოიდგინეთ ადგილი, სადაც ბავშვებს შეუძლიათ პირდაპირ შეხვდნენ ბუნების საოცრებებს, იგრძნონ ცხოველებთან სიახლოვე და ისწავლონ მათ შესახებ. სწორედ ასეთი გამოცდილებაა კონტაქტური ზოოპარკი- უნიკალური სივრცე, სადაც სწავლა, გართობა და აღმოჩენა ერთად გვხვდება...
განაგრძე კითხვა
15419
5 წიგნი, რომელიც ჰელოუინზე არ უნდა გამოტოვო
ჰელოუინი ახლოვდება და ალბათ, წარმოუდგენელი იქნება ჰორორის ჟანრს, რომ არ შევეხოთ. ამ მიმართულებას თავისი ერთგული მკითხველი ჰყავს, რადგან თუ ერთხელ შეტოპავ ამ საოცრებებით, მოულოდნელობებითა და მთელი რიგი დრამატურგიით სავსე სამყაროში, მერე მარტივად დააღწ...
განაგრძე კითხვა
22324
Hotsale.ge-ის მომხმარებელი გირჩევთ: 5 აუზი მაღალი დანაზოგით
ზაფხულის ცხელ დღეებში დასვენება და გაგრილება სავსებით შესაძლებელია საქართველოს სხვადასხვა კუთხეში მდებარე აუზებში, სადაც თქვენ მიიღებთ საუკეთესო მომსახურებას და მაღალ კომფორტს. Hotsale.ge-ზე არსებული სხვადასხვა შეთავაზება კი საშუალებას გაძლევთ დაზოგო...
განაგრძე კითხვა
46514
.png)
