-
Category
-
Kvareli
-
District
-
Category
-
Кварели
-
უბანი
5 საუკეთესო წიგნი საახალწლო საჩუქრად
ახალი წელი ახლოვდება და დროა სამზადისს შევუდგეთ. თუ ჯერ არ იცი, საყვარელი ადამიანი რით გაახარო ან რა აჩუქო, მაშინ იცოდე, რომ წიგნი ერთ-ერთი საუკეთესო არჩევანია. წიგნების დახმარებით ადამიანებს ჩუქნი ემოციებს, გამოცდილებას და რაც ყველაზე მთავარია ცოდნას. აბა მითხარი, ამაზე კარგი რა შეიძლება იყოს?!
5 საუკეთესო წიგნი, რომელიც სასაჩუქრე სიაში შეგიძილია შეიტანო და დარწმუნებული იყო, რომ საყვარელ ადამიანს გააბედნიერებ.
#1 მეი მასკი - "ქალი ისახავს მიზანს"
ახალი წელი ახალი გეგმებისა და მიზნების დასახვისთვის საუკეთესო პერიოდია. მეი მასკი ეს ავტობიოგრაფიული ნაწარმოები კი სწორედ იმ გზას გვიჩვენებს, რომელიც სავსეა სიძნელეებითა და თავგადასავლებით. რთული, ხშირად დაუჯერებელი ოჯახური პრობლემებისა და საქმიანობასთან დაკავშირებული დაბრკოლებების მიუხედავად, ავტორი მუდამ ახერხებდა ფეხზე წამომდგომას, ახალი მიზნების დასახვასა და გაბედულად მოქმედებას. სწორედ, ამიტომ, იქცა წიგნი შთაგონების წყაროდ სხვადასხვა ქვეყანაში მცხოვრები ბევრი ქალისთვის.
#2 უილიამ შექსპირი - „პიესები“
კლასიკური ლიტერატურის მოყვარულთათვის ეს წიგნი ერთ-ერთი საუკეთესო საგანძურია. მასში გაერთიანებულია ისეთი ცნობილი და გენიალური პიესები, როგორებიცაა: "ჰამლეტი", "ოტელო", "მაკბეტი", "მეფე ლირი" და "რიჩარდ მესამე". სერ ჯონ გილბერტის ბრწყინვალე ილუსტრაციები და ივანე მაჩაბლისეული, უკვე კლასიკად ქცეული თარგმანი მკითხველს საშუალებას მისცემს, ხელახლა აღმოაჩინოს შექსპირის გენიალური სამყარო.
#3 ინგმარ ბერგმანი - „სცენები ცოლქმრული ცხოვრებიდან“
ცოლქმრული ცხოვრება, ეტაპები რომელსაც წყვილი გადის, სირთულეები და გზა მათ გადასაჭრელად - ეს ყველაფერი თავმოყრილია გენიალური შვედი სცენარისტის, კინოსა და თეატრის რეჟისორის ინგმარ ბერგმანის წიგნში. ისტორიები, რომელსაც ავტორი გვიზიარებს, ნამდვილად შთამბეჭდავი და გასაოცარია. ეს კრებული აერთიანებს სხვადასხვა დროს დაწერილ ოთხ სტილისტურად სრულიად განსხვავებულ კინომოთხორობას - „სცენები ცოლქმრული ცხოვრებიდან“, „შემოდგომის სონატა“, „პირისპირ“ და „გველის კვერცხი“, რომელიც ამავე სახელწოდების ფილმებს დაედო საფუძვლად.
#4 "მოდა - ილუსტრირებული ისტორია"
მათთვის ვისაც მოდის სამყარო უყვარს და სურს კიდევ უფრო მეტი გაიგოს ამ სფეროს შესახებ, ეს წიგნი ნამდვილად შესანიშნავი არჩევანია. ეს არის გზამკვლევი მოდის საოცარ, მომხიბვლელ, უცნაურ და ექსცენტრიკულ სამყაროში – იქ, სადაც ადამიანები გასაოცარ მსხვერპლს იღებდნენ და იღებენ მხოლოდ ერთი მიზნით – იყვნენ ყველასგან გამორჩეულები! იყავი შენც გამორჩეული და აჩუქე საყვარელ ადამიანს ის, რაც ნამდვილად გააბედნიერებს.
#5 ნათია ფანჯიკიძე - „შიშო გამოდი გარეთ“
თუ გამბედაობა, სულიერი სიმხნევის მოპოვება და შიშების დამარცხება გსურს 2022 წლიდან, მაშინ ეს წიგნი აუცილებლად დაგჭირდება. ავტორი ცდილობს ახსნას და საგრძნობი გახადოს ზოგიერთი დაავადების შინაარსი და სხვადასხვა მდგომარეობის ფარული, შინაგანი მხარე. რადგან ის რაც გავიგეთ, თუ არ ვიგრძენით კიდეც, ვერაფერს შეცვლის ჩვენში.
სხვა სტატიები
.png)
Batumi Travel Guide: What to See, Do & How to Travel on a Budget in Georgia’s Seaside Gem
If you're planning a trip to Batumi—whether you're an expat living in Georgia or a tourist exploring the region—Hotsale.ge should be your first stop. It’s Georgia’s go-to platform for discounted hotels, restaurants, entertainm...
განაგრძე კითხვა
30108
 (4).png)
დასვენება, გართობა და გაჯანსაღება ერთ სივრცეში - Hotsale.ge-სა და PARK HOTEL TSKALTUBO-ს ერთობლივი შეთავაზება
დანაზოგების ყველაზე მასშტაბური ქართული პლატფორმა Hotsale.ge-სა და პარკ ჰოთელ წყალტუბო • PARK HOTEL TSKALTUBO-ს პარტნიორობით, სასტუმროში დასვენება ყველაზე ხელსაყრელი პირობებით არის შესაძლებელი...
განაგრძე კითხვა
25130
როგორ გავიმარტივოთ სახის მოვლის რუტინა
სახის კანის მოვლა არც ისეთი რთულია, როგორც ერთი შეხედვით ჩანს. თითქოს, ეს ყოველივე დიდ თანხებთან და რესურსთან არის დაკავშირებული. ამიტომ, შესაძლოა ზოგიერთი თქვენგანი მსგავსი ტიპის პოსტებს, გვერდსაც უვლით ხოლმე. დროა ეს დამოკიდებულება და წარმოდგენები ...
განაგრძე კითხვა
29241
როგორ ვუშველოთ თავს ცხელ ამინდებში და როგორ დავზოგოთ თანხა აუზზე
წელს, ზაფხული განსაკუთრებით ცხელი და მზიანი გამოდგა. ასეთ ამინდში მხოლოდ ერთი სურვილი გაქვს: სადმე, ზღვის სანაპიროზე, შეზლონგზე წამოწვე და ქოლგის ჩრდილს შეეფარო. მაგრამ თუ შვებულება შორსაა, ყველას გვიწევს შევეგუოთ რუტინას, სამსახურს და ქალაქის სიცხეს...
განაგრძე კითხვა
33726
Hotsale-ისა და „ადმირალი“-ს მეგობრობა
Hotsale.ge წარმატებულად თანამშრომლობს მრავალ პრემიუმ კლასის სასტუმროსთან და მომხმარებელს საშუალებას აძლევს დაისვენოს კომფორტულ და თანამედროვე სტანდარტებზე მორგებულ სასტუმროში, რაც მთავარია მაღალი დანაზოგით. თუ ბათუმში პრემიუმ კლასის სასტუმროში ხელსა...
განაგრძე კითხვა
23931