-
კატეგორია
-
ბორჯომი
-
უბანი
-
კატეგორია
-
ბორჯომი
-
უბანი
როგორ ჩავიტაროთ სახის ღრმა წმენდა სახლის პირობებში
იმისათვის, რომ კანი ჯანსაღად გამოიყურებოდეს, აუცილებელია რეგულარული წმენდა საღამოობით, ხოლო პროფესიონალური წმენდა - 4-5 კვირაში ერთხელ. რით განსხვავდება სახის წმენდა სახლის პირობებში პროფესიონალურ სალონში წმენდისგან? ერთად გავერკვეთ.
რისთვის არის აუცილებელი და როგორ მოვამზადოთ კანი?
- სახის ღრმა წმენდა - ეს ბევრ ეტაპიანი კანის წმენდის პროცედურაა, რომელიც პილინგსაც ითვალისწინებს, სახის ნიღბებს, წმენდას, მასაჟს, კანის დატენიანების ეტაპებსა და აღდგენას. ნიღბები ირჩევა კანის ტიპისა და სახეზე არსებული პრობლემების მიხედვით. ზოგიერთი ამკვრივებს კანის ზედაპირს, ზოგიერთი აკნეს გამოშრობას უწყობს ხელს და ხურავს კანის ფორებს.
ბევრს უჩნდება კითხვა: უნდა ჩაიტაროს ღრმა წმენდა ჯანმრთელი და ნორმალური კანის მქონე ადამიანებმაც? ნებისმიერი კოსმეტოლოგი გიპასუხებთ: კი. სტანდარტული მოვლა ნებისმიერი ტიპის კანისთვის არის რეკომენდებული 4-6 კვირის განმავლობაში ერთხელ, თუკი უკუჩვენებები არ აღენიშნება.
კანის მომზადება წმენდისთვის
- პროფესიონალური ან სახლის პირობებში წმენდამდე კანიდან უნდა მოიშოროთ მაკიაჟი. თუკი იყენებთ მიცერალურ წყალს, აუცილებლად ჩამოიბანეთ გამდინარე წყლით. შემდგომ კოსმეტოლოგმა უნდა დაიტანოს ლოსიონი ან სპეციალური გელი პროცედურის ეფექტურობის გასაუმჯობესებლად. საშუალებები უნდა შეირჩეს თქვენი კანის ტიპის მიხედვით და გახსოვდეთ, რომ სრულიად მშრალი კანის გაწმენდა არ შეიძლება.
სახის წმენდის პროცედურა სახლის პირობებში
- თუკი კოსმეტოლოგთან ვიზიტის დრო არ გაქვთ, სახის წმენდა შავი წერტილებისგან და ღრმა ჭუჭყისგან აუცილებელია.
როგორ ტარდება სახლში ეს პროცედურა?
- დაიბანეთ სახე ცივი წყლით. ჩაიტარეთ დემაკიაჟი რბილი გამწმენდი საშუალებებით.
- ჩაიტარეთ მსუბუქი მასაჟი თითის ბალიშებით. დაიმუშავეთ შუბლი, ნიკაპი, წარბები და კისერი იმისათვის, რომ მოადუნოთ კუნთები.
- დაიტანეთ ლოსიონი ან პილინგ-ნიღაბი წრიული მოძრაობებით, მკვდარი უჯრედების მოსაცილებლად.
- შეათბეთ წყალი და მიიტანეთ სახე ორთქლთან იმისათვის, რომ ფორები გაიხსნას.
- დაიფარეთ თავზე პირსახოცი და ორთქლზე გაიჩერეთ სახე 10 წუთით.
- შემდგომ დაიტანეთ დამატენიანებელი ტონიკი, იმისათვის, რომ დახუროთ ფორები და გააგრილოთ სახე.
- ბოლოს დაიტანეთ ინდივიდუალურად შერჩეული დამატენიანებელი საცხი.
რამდენად ხშირად გავიწმინდოთ სახე?
- ღრმა წმენდა აუმჯობესებს სახის კანს და ათანაბრებს ფერს. ზოგიერთი პროფესიონალური წმენდის სახეობა აკნეს პრობლემას ჭრის და ხურავს ფორებს. კოსმეტოლოგები სახის წმენდას 2-3 თვეში ერთხელ ინტერვალით გვირჩევენ. დერმის გასუფთავების შემდეგ რეკომენდებულია SPF საცხის გამოყენება, იმისათვის, რომ თავიდან ავირიდოთ პიგმენტაცია და მზისგან დამწვრობა. მეორე მხრივ SPF საცხის ყოველდღიურად გამოყენებას გვირჩევენ იმისათვის, რომ კანის დაბერებას ხელი შევუშალოთ და მელანომისგან დავიცვათ.
ჩვენებები და უკუჩვენებები: ვისთვის შეიძლება სახის ღრმა წმენდა?
პირველ რიგში, წმენდა სჭირდებათ ჩაშავებული და პრობლემური კანის მქონე ადამიანებს. რეგულარული წმენდა ზედა მკვდარ ფენას მოგაცილებთ, რაც დაგეხმარებათ თავის მოვლის საშუალებების კანში უკეთ შეღწევაში. წმენდა ანელებს დაბერების პროცესს და კანს უფრო მეტ სიმკვრივეს ანიჭებს.
როდის უნდა გავიკეთოთ სახის ღრმა წმენდა?
- როცა ფორები დახშულია
- შავი წერტილების შემთხვევაში
- კანის ცხიმის დიდი რაოდენობით გამოყოფისას
- ჩამუქებული და არათანაბარი კანის ფერის შემთხვევაში
- გამონაყარი
- გაფართოებული ფორები
- სებორეა
- კანის ელასტიკურობის დაკარგვა
სამწუხაროდ, ყველასთვის დაუშვებელია კოსმეტიკური წმენდა. პროფესიონალმა უნდა დაადგინოს ინდივიდუალური უკუჩვენებები, საბაზისო უკუჩვენება. პროფესიონალური წმენდა არ არის რეკომენდებული:
- ჭრილობების შემთხვევაში
- მზის დამწვრობისას
- დამსკდარი კაპილარების დროს
- ნებისმიერი უცნობი მგრძნობელობისა და ალერგიულობისას პროდუქტებზე, რომლებსაც წმენდისას იყენებენ
- პატჩ-ტესტი შემოთავაზებულ უნდა იქნეს სალონში პროცედურამდე რამდენიმე დღით ადრე
- წამლების მიღებისას, რომლებიც რეაქციას იწვევს კოსმეტიკურ პროდუქტებზე
- გულ-სისხლძარღვთა დაავადებისას - თრომბოზი, ფლებიტი, ჰიპერტონია, სტენოკარდია, კარდიოსტიმულატორის გამოყენებისას.
სხვა სტატიები
 (2).jpg)
დუბაის ტური ექსკლუზიურ ფასად მხოლოდ Hotsale.ge-ის მომხმარებლებისთვის
Hotsale.ge და “გასა • GEORGIAN AVIA SERVICE AGENCY GASA” დამეგობრდნენ, ამ პარტნიორობის ფარგლებში კი Hotsale.ge-ის მომხმარებლებს აქვთ შესაძლებლობა დაჯავშნონ დუბაის ტური ექსკლუზიურ ფასად. აქცია სრულდება 7 აპრილს 17:00 საათზე...
განაგრძე კითხვა
18483
5 საუკეთესო წიგნი საახალწლო საჩუქრად
ახალი წელი ახლოვდება და დროა სამზადისს შევუდგეთ. თუ ჯერ არ იცი, საყვარელი ადამიანი რით გაახარო ან რა აჩუქო, მაშინ იცოდე, რომ წიგნი ერთ-ერთი საუკეთესო არჩევანია. წიგნების დახმარებით ადამიანებს ჩუქნი ემოციებს, გამოცდილებას და რაც ყველაზე მთავარია ცოდნა...
განაგრძე კითხვა
14976
.jpg)
რა ვნახოთ რაჭაში მეგობრებთან ერთად
რაჭა ძირითადად მთიან რეგიონად ითვლება და ცნობილია თავისი ულამაზესი ბუნებით, მწვანე ტყეებით, მთებითა და მდინარეებით. აქ მოისმენთ უნიკალურ ხალხურ სიმღერებსა და ცეკვებს, რომლებიც ადგილობრივი კულტურული მემკვიდრეობის ნაწილს წარმოადგენენ. ...
განაგრძე კითხვა
5975
.png)
კონტაქტური ზოოპარკი: სწავლა, გართობა და აღმოჩენა ერთ სივრცეში
წარმოიდგინეთ ადგილი, სადაც ბავშვებს შეუძლიათ პირდაპირ შეხვდნენ ბუნების საოცრებებს, იგრძნონ ცხოველებთან სიახლოვე და ისწავლონ მათ შესახებ. სწორედ ასეთი გამოცდილებაა კონტაქტური ზოოპარკი- უნიკალური სივრცე, სადაც სწავლა, გართობა და აღმოჩენა ერთად გვხვდება...
განაგრძე კითხვა
3693