-
კატეგორია
-
ქუთაისი
-
უბანი
-
კატეგორია
-
ქუთაისი
-
უბანი
Hotsale.ge-სა და Pro-Service-ის პარტნიორობით ქართული ბაზრისთვის ინოვაციური სიახლეები დაინერგა
კომპანიები - Hotsale.ge და Pro-Service გრძელვადიანი პარტნიორები გახდნენ. თანამშრომლობა Hotsale.ge-ის უკვე არსებული ვებ-გვერდის დეველოპმენტსა და სასტუმროების მართვის სისტემის სრულყოფას გულისხმობს.
უფრო კონკრეტულად, Hotsale.ge აქტიურ რეჟიმში გააგრძელებს მომხმარებლისთვის სერვისის გამარტივებაზე მუშაობას. მას მალე დაემატება უფრო დახვეწილი სასტუმროს ნომრის დაჯავშნის სისტემაც, რაც დასვენების მსურველებს მეტ კომფორტს შეუქმნის. მომხმარებელს საშუალება ექნება, ერთდროულად დაჯავშნოს სასტუმრო და ამავდროულად, გააკეთოს დანაზოგი.
ასევე, სასტუმროების მართვის სისტემა რამდენიმე მნიშვნელოვანი ფუნქციონალით გაამარტივებს მიკრო და მაკრო მენეჯმენტს. გარდა ჯავშნებისა, მისი მეშვეობით გაკეთდება ბუღალტრული აღრიცხვის სისტემა, სტატისტიკის წარმოება, ჩვენება და ანალიზი, დროისა და თარიღების მიხედვით თანამშრომელთა დავალებების გაწერა და შეტყობინების სახით იქამდე ჩვენება, სანამ არ შესრულდება. საბოლოო ჯამში, ახალი პროექტი როგორც სასტუმროების მენეჯმენტისთვის, ისე დამსვენებლისთვის დამატებითი შესაძლებლობების მიცემაზეა ორიენტირებული.
Pro-Service-ის მომხმარებელთან ურთიერთობის მენეჯერი ლევან ნატროშვილი აღნიშნავს, რომ Hotsale.ge-ისთან თანამშრომლობა კომპანიისთვის მნიშვნელოვანი გამოცდილებაა, რადგან იმუშავეს მასშაბურ პროექტზე, რომელიც ქართული ბაზრისთვის სიახლეს წარმოადგენს. მისივე თქმით, ორივე პარტნიორისთვის პრიორიტეტულია მომხმარებლისთვის დამატებითი კომფორტის შექმნა და მოხარულები არიან, რომ Hotsale.ge-სთან ერთად, ამის გაკეთება შეძლეს.
„ჩვენთვის Hotsale.ge-ზე თანამშრომლობა პრესტიჟის საკითხიც არის, რადგან საქმე გვაქვს დიდ კომპანიასთან, რომელსაც ყოველდღიურად ათასობით მომხმარებელი ჰყავს. მათი კომფორტის შექმნაში კი უკვე Pro-Service-იც იღებს მონაწილეობას.
Hotsale.ge-ზე სასტუმროების დაჯავშნის სისტემის სრულყოფაზე მუშაობა თითქმის დასრულდა. ლევან ნატროშვილის თქმით, ორი კომპანიის აქტიური თანამშრომლობის შედეგია, რომ მალე მომხმარებელი ერთ ღილაკზე თითის დაჭერით შეძლებს როგორც დანაზოგის, ისე სასტუმროს ჯავშნის შეძენას და ამისთვის დამატებითი დროის დახარჯვა არ დასჭირდება.
„Hotsale.ge არის პირველი, ვინც ასეთ პროექტზე დაიწყო მუშაობა და მოხარულები ვართ, რომ ეს ჩვენი პარტნიორობით შედგა. შეიქმნა სასტუმროს მართვის სრულყოფილი სისტემა, რომელსაც მოჰყვება ჯავშნის სისტემაც. ეს არის ორი კომპანიის ერთობლივი შეთავაზება მომხმარებლისთვის, რომელთაც ვფიქრობ, ამგვარი კომფორტის შექმნა სჭირდებოდათ. მომხმარებლებს დანაზოგის შეძენის შემდეგ, ნომრის დასაჯავშნად სასტუმროში უწევდათ დარეკვა და დეტალების დაზუსტება, ვებ-გვერდზე ინტეგრირებული ჯავშნის სისტემა კი საშუალებას მისცემს, თავად დაათვალიეროს, რომელი ნომრები დროის რა მონაკვეთშია თავისუფალი და მარტივად და სწრაფად გააკეთოს შენაძენი. ჩვენი პროექტი“, - აღნიშნავს ლევან ნატროშვილი.
Hotsale.ge-ის ოპერირების 9-წლიანი გამოცდილება აქვს და ხელს უწყობს დანაზოგების სტიმულირებას. Pro-Service კი - უკვე მე-20 წელია, ვებ-დიზაინის, ჰოსტინგისა და კოლოკაციის მიმართულებით სხვადასხვა ბიზნესს უწევს მომსახურებას. ორივე კომპანიის მიზანია, მომსახურება უფრო სწრაფი, მოქნილი და კომფორტული და გახადოს.
სხვა სტატიები
როგორ გავუმკლავდეთ სტრესს - 5 რჩევა, რომლებიც აუცილებლად დაგეხმარებათ
სამწუხაროდ, ძალიან ცოტა ადამიანს თუ შეუძლია დაიკვეხნოს იმით, რომ არასოდეს განუცდია სტრესი. ეს მდგომარეობა ყველასათვის ნაცნობია, მაგრამ ინდივიდუალურად განიცდიან მას. ვიღაცისთვის შეიძლება ძალიან უმტკივნეულოდ ჩაიაროს, მაგრამ ზოგისთვის სტრესმა შეიძლება ჯ...
განაგრძე კითხვა
10806
.jpg)
VACU MAGIC: კიმ კარდაშიანის გახდომის საიდუმლო
ახალი თაობის ფიტნეს ინსტრუმენტი როცა საქმე ეხება სხეულის ფორმასა და წონაში კლებას, კიმ კარდაშიანის მსგავსი ცნობადი სახეები ხშირად ირჩევენ ყველაზე ინოვაციურ და ეფექტურ მეთოდებს. ერთ-ერთი ასეთი მეთოდი არის "VACU MAGIC" – ფიტნეს ინსტრუმენ...
განაგრძე კითხვა
3166
სად გავატაროთ დასვენების დღეები ქალაქიდან გაუსვლელად, ან ქალაქთან ახლოს
დამღლელი სამუშაო კვირის მიწურულს, ყველას უნდა დასვენება. „უიქენდის“ სასიამოვნოდ გატარების შემდეგ, კვლავ ვივსებით ახალი ენერგიით და სამსახურს კარგი განწყობით ვუბრუნდებით. მაგრამ სად ჯობს წასვლა დასვენების დღეებში? გთავაზობთ რამდენიმ...
განაგრძე კითხვა
10424
Traditional Georgian Food to Try: A Culinary Journey in Georgia
When visiting Georgia, the country, one of the best ways to immerse yourself in its culture is through its traditional Georgian food. With unique flavors and ingredients, Georgian cuisine offers a variety of dishes that appeal to food lovers ...
განაგრძე კითხვა
1764