-
კატეგორია
-
გურია
-
უბანი
-
კატეგორია
-
გურია
-
უბანი
Hotsale.ge და „პალიტრა მედია ჰოლდინგი“ ხანდაზმულთა პანსიონატ „ბასილიადას“ საჩუქრებით ესტუმრა
Hotsale.ge, რომელიც „პალიტრა მედია ჰოლდინგის“ შვილობილი კომპანიაა, ხანდაზმულთა პანსიონატ „ბასილიადას“ ესტუმრა, მის ბენეფიციარებს 3 მარტი მიულოცა და საჩუქრები გადასცა.
Hotsale-ის ინიციატივის ფარგლებში, ხანდაზმულთა პანსიონატის ბენეფიციარების დასახმარებლად ჰოლდინგის სხვადასხვა შვილობილი კომპანია გაერთიანდა და საჩუქრები ერთობლივად შეაგროვეს.
„3 მარტის აღნიშვნა ხანდაზმულთა პანსიონატში გადავწყვიტეთ. ვფიქრობ, სიმბოლურია ეს ყველაფერი. გვინდოდა, ამ ადამიანებისთვის დედის დღე გაგველამაზებინა და გამოგვივიდა კიდეც. ჩვენი მხარდაჭერა და გვერდში დგომა ძალიან მნიშვნელოვანია მათთვის. ეს არ არის პირველი შემთხვევა, როდესაც კორპორაციული სოციალური პასუხსიმგებლობის ფარგლებში აქტივობა განვახორციელეთ. ჩვენი შესაძლებლობის ფარგლებში ყოველთვის ვცდილობთ, გვერდით დავუდგეთ მათ, ვისაც ეს სჭირდება. კიდევ არაერთი მიმდინარე და სამომავლოდ დაგეგმილი პროექტი გვაქვს, რომლებსაც სოციალური პასუხისმგებლობის ფარგლებში განვახორციელებთ,“ - განაცხადა Hotsale.ge-ს ბრენდ მენეჯერმა ლანა ცხადაძემ.
ხანდაზმულთა პანსიონატის ბენეფიციარებისთვის სტუმრობა მართლაც ძალიან ემოციური იყო. მათ კიდევ ერთხელ იგრძნეს, რომ საზოგადოება მათზე ზრუნავს და ყურადღებას აქცევს.
„ძალიან დიდი მადლობა მინდა გადავუხადო Hotsale.ge-ს ამ ყურადღებისთვის. სწორედ ამ კომპანიამ გაუწია ორგანიზება ჩვენთან სტუმრობას და მეგობარი კომპანიებიც ჩააყენა საქმის კურსში. როგორც ვიცი, ძალიან დიდი ერთსულოვნება და ჩართულობა იყო „პალიტრა მედია ჰოლდინგის“ შვილობილ კომპანიებში. ეს არის ჰოლდინგი, რომელმაც მისი არსებობის მანძილზე ბევრი სასიკეთო საქმე გააკეთა. ამჯერად ჩვენ მოვექეცით მათი ყურადღების ცენტრში. მეც და ბებოებიც ძალიან ბედნიერები ვართ, რომ სტუმრები მომავალში კვლავ მოსვლას დაგვპირდნენ,“ - განაცხადა ხანდაზმულთა პანსიონატ „ბასილიადას“ დამფუძნებელმა რუსუდან ბერიძემ.
ეს მართლაც არ იყო პირველი შემთხვევა, როდესაც Hotsale.ge და „პალიტრა მედია ჰოლდინგი“ სხვადასხვა ტიპის სოციალური პასუხისმგებლობის პროექტში ჩაერთო.
„პალიტრა მედია ჰოლდინგი“ მუდმივად ჩართულია სოციალური პასუხისმგებლობის პროექტებში. დიდი სიხარულით შევხვდით ჩვენი ერთ-ერთი შვილობილი კომპანიის, Hotsale.ge-ის ინიციატივას, რომ პანსიონატში მოვსულიყავით და ბებიები და ბაბუები გაგვეხარებინა. მინდა, დიდი მადლობა გადავუხადო Hotsale.ge-ს და ჩვენს თითოეულ შვილობილ კომპანიას, რომლებიც დიდი ენთუზიაზმით ჩაერთნენ ინიციატივაში და დიდი ყურადღება გამოიჩინეს პროექტის მიმართ,“ - აღნიშნა „პალიტრა მედია ჰოლდინგის“ შიდა კომუნიკაციების მიმართულების ხელმძღვანელმა თამთა მურადაშვილმა.
Hotsale.ge სამომავლოდაც გეგმავს ხანდაზმულთა პანსიონატის დახმარებასა და სხვა ტიპის სოციალური პასუხისმგებლობის პროექტების განხორციელებას.
სხვა სტატიები
 (5).png)
5 სპონტანური აქტივობა რომელიც შეგიძლია Hotsale.ge - ზე იპოვო
გინდა, დრო განსხვავებულად გაატარო და აქტივობით დაკავდე, თუმცა არ იცი, საიდან დაიწყო? პირველ რიგში, ჰოთსეილი უნდა გახსნა. ეს ბლოგი მათთვისაა, ვინც გამოწვევებისთვის მზად არის, ან მშვიდად სურს თავისუფალი დროის გატარება....
განაგრძე კითხვა
7389
.png)
.jpg)
.png)
Georgia Travel Guide: Uncover Top Destinations and Unique Stays for Your Adventure with Hotsale Discounts
Are you planning a trip to Georgia and seeking the best destinations and accommodations? Look no further! Georgia offers a diverse range of experiences for travelers, from stunning mountain landscapes to vibrant coastal cities. Discover the must-visi...
განაგრძე კითხვა
17027
როგორ შევაყვაროთ და რომელი წიგნები წავუკითხოთ ჩვენს პატარებს მათი ასაკის გათვალისწინებით
წიგნების კითხვის დაწყებას ფსიქოლოგები სიცოცხლის პირველი თვეებიდან გვირჩევენ, როცა ბავშვს ჯერ არც ესმის წაკითხულის აზრი. თუმცა ერთობლივი კითხვა პატარასთან მჭიდრო კონტაქტს გამყარებინებთ, ერთმანეთის გაგებას გასწავლით, პატარას ბევრი ...
განაგრძე კითხვა
16732
სად შეგიძლია შეიძინო საუკეთესო საჩუქარი მარტის დღესასწაულებისთვის
სულ მალე ქალბატონების საყვარელი დღესასწაულები - დედის და ქალთა საერთაშორისო დღეები ახლოვდება. გსურთ, გააოცოთ თქვენი საყვარელი ქალები? შეუქმნათ საგაზაფხულო, თბილი და სადღესასწაულო განწყობა? განსაკუთრებულ საჩუქარს ეძებთ? - მაშინ ეს სტატია თქვენთვ...
განაგრძე კითხვა
24753
როგორ განვიტვირთოთ მძიმე სამუშაო დღის შემდეგ
სტრეს სხვადასხვა სიმძლავრით ყველა ადამიანი განიცდის ცოხვრების გარკვეულ ეტაპზე. ის ხელს გვიშლის, რომ ვიყოთ უფრო პროდუქტიულები, ლაღები და გაბედულები. ამერიკელი ფილოსოფოსი უილიამ ჯეიმსი ამბობს - „დაძაბულობა ჩვევაა. დასვენება ჩვევაა. ცუდი ჩვევების ...
განაგრძე კითხვა
24069