-
Kатегория
-
ქვიშხეთი
-
Раион
-
Kатегория
-
ქვიშხეთი
-
უბანი
ტოპ 4 წიგნი კლასიკური ლიტერატურის მოყვარულთათვის
„თუ კითხვა არ გიყვარს, ესეიგი სწორი წიგნი ჯერ არ გიპოვია“- ეს სიტყვები ჯოან როულინგს ეკუთვნის, რომელიც ავტორია ერთ-ერთი ყველაზე ცნობილი წიგნების სერიის, „ჰარი პოტერის“, ფენტეზის ჟანრიდან. მინდა გითხრათ, რომ სწორი ჟანრისა თუ წიგნის შერჩევა ისეთივე მნიშვნელოვანია წიგნების შემთხვევაში, როგორც ფილმის ან ხელოვნების რომელიმე დარგის შერჩევის დროს.
დღეს ჩვენ უშუალოდ ვისაუბრებთ კლასიკურ ლიტერატურასა და იმ წიგნებზე, რომლებიც დიდი პოპულარობით სარგებლობენ. მანამდე კი გაგაცნობთ რამდენიმე საინტერესო ფაქტს იმის შესახებ, თუ რატომ უნდა ვიკითხოთ ზოგადად წიგნები:
- კითხვა აუმჯობესებს ლექსიკურ მარაგს და ხელს უწყობს მეტყველების გაუმჯობესებას;
- ავარჯიშებს ტვინს და გეხმარება წარმოსახვისა თუ კრეატივის განვითარებაში;
- შველის სტრესს, ხელს უწყობს თქვენს გონებასა თუ სხეულს რელაქსაციაში;
- გმატებთ თვითრწმენას, რადგან თქვენი ცოდნის დონე იზრდება და იმაზე მეტ ინფორმაციას იძენთ, ვიდრე მანამდე იცოდით;
- აუმჯობესებს კონცენტრაციის უნარს, რადგან კითხვის დროს ფოკუსირება კონკრეტულ თემაზე გჭირდებათ. თუ თვალს ან გონებას მოსწყვეტთ წიგნს, რთული ხდება აზრის გაგრძელება.
გარდა ამ რამოდენიმე მნიშვნელოვანი ფაქტისა, კიდევ უამრავი დადებითი ზეგავლენა აქვს წიგნების კითხვას.
ახლა კი გავეცნოთ იმ ტოპ 4 წიგნს, რომელიც აუცილებლად უნდა წაიკითხოთ თუ კლასიკური ლიტერატურა გიყვართ.
#1 მარგარეტ მიჩელი - "ქარწაღებულნი"
წიგნი მოგვითხრობს სასიყვარულო სამკუთხედზე, ომზე, თავისუფელბისთვის ბრძოლაზე, ფულზე, მეგობრობაზე და კიდევ იმ უამრავ ფაქტზე, რომელიც ყველა ადამიანის ცხოვრებაში მომხდარა ან მოხდება.
მარგარეტ მიჩელი შესანიშნავად აღწერს ადამიანურ გრძნობებსა და ურთიერთობებს, გვანახებს იმ მცდარი ნაბიჯების შედეგებს, რომელიც შესაძლოა ყველა ადამიანმა დაუშვას, თუ კი იმას გაეკიდებით, რაც თქვენი წილი არ არის ან რეალურად არ გჭირდებათ.
#2 ერნესტ ჰემინგუეი - "მშვიდობით იარაღო"
გენიალური ამერიკელი მწერლის ნაწარმოები, რომელმაც „ნობელის პრემია“ მოუტანა ავტორს. ეს არის ისტორია ლეიტენანტ ჰენრიზე, რომელიც იტალია-ავსტრიის ფრონტზე მოხვდება და საკუთარ თავზე გამოცდის ყველა იმ საშინელებას, რაც კი შეუძლია ომმა ადამიანს მოუტანოს.
მთავარი პერსონაჟი, ყველა ამ სირთულის გადალახვის შემდეგ ხვდება, თუ როგორი უაზრო და საშინელი რამ არის ეს სისხლისღვრა, ამიტომ, გადაწყვეტს, რომ იარაღს გამოემშვიდობოს, თუმცა ეს ასეთი მარტივი როდია.
#3 ჯეინ ოსტინი - „სიამაყე და ცრურწმენა“
ერთ-ერთი ყველაზე ცნობილი რომანი ჯეინ ოსტინის შემოქმედებიდან, რომელიც ავტორმა ჯერ კიდევ 21 წლის ასაკში დაწერა, თუმცა მხოლოდ 15 წლის შემდგომ გამოიცა.
ეს არის ორი განსხვავებული ადამიანის ამაღელვებელი სიყვარულის ისტორია, რომელიც მკითხველზე საოცარ ზემოქმედებას ახდენს. თითოეული პერსონაჟის განცდები და ემოციები, იმდენად ბუნებრივია, რომ რთულია, კითხვისას წიგნს თვალი მოსწყვიტო.
იმოგზაურე მე-19 საუკუნის ინგლისში ჯეინ ოსტინთან ერთად, გახდი ელიზაბეტ ბენეტისა და მისტერ დარსის საოცარი თავგადასავლის თანამონაწილე.
#4 ე. მ. რემარკი - "ტრიუმფალური თაღი"
ეს არის რომანი რომელიც ელვის სისწრაფით იკითხება და დასრულების შემდეგ დროში მოგზაურების სურვილს გიჩენთ, რათა კიდევ ერთხელ მოგეცეთ პირველად წაკითხვის ბედნიერება. წიგნი დაგაფიქრებთ დიდ სიყვარულსა და არანაკლებ დიდ სიძულვილზე, რომელსაც მთავარი გმირი გამუდმებით ებრძვის მიუხედავად უამრავი წინაღობისა თუ მარცხისა.
სხვა სტატიები
.jpg)
.png)
HOTSALE.GE და ივ როშე / YVES ROCHER GEORGIA პარტნიორები გახდნენ
სიახლე ჰოთსეილზე! ჩვენი პარტნიორების სიას შემოუერთდა ივ როშე / YVES ROCHER, რომელიც 50 წელზე მეტია, რაც მცენარეული კოსმეტიკისა და პარფიუმერიის ფუძემდებელი ბრენდია. ივ როშე გთავაზობთ უნიკალურ თავის მოვლის საშუალებებს, ნებისმიერი ასაკისა თუ კანის...
განაგრძე კითხვა
14233
Horizon Batumi Aparthotel
აჭარის სანაპირო ზოლი ყველასთვის დასამახსოვრებელი და ულამაზესი ტურისტული ადგილია, რომელიც ყოველწლიურად 2 მილიონზე მეტ ვიზიტორს იზიდავს საქართველოს უკიდურეს სამხრეთ-დასავლეთით. ბუნებრივი სილამაზისა და კულტურული მემკვიდრეობის ნაზავით, აჭარა სწრაფად ხდებ...
განაგრძე კითხვა
4056
დასვენება, გართობა და გაჯანსაღება ერთ სივრცეში - Hotsale.ge-სა და PARK HOTEL TSKALTUBO-ს ერთობლივი შეთავაზება
დანაზოგების ყველაზე მასშტაბური ქართული პლატფორმა Hotsale.ge-სა და პარკ ჰოთელ წყალტუბო • PARK HOTEL TSKALTUBO-ს პარტნიორობით, სასტუმროში დასვენება ყველაზე ხელსაყრელი პირობებით არის შესაძლებელი...
განაგრძე კითხვა
11196
5 გზა, რომელიც ბავშვებს პანდემიისგან გამოწვეულ მოწყენილობას დაავიწყებს
ქართულ ფილმში „თოჯინები იცინიან“ ერთ-ერთი პერსონაჟი ამბობს, რომ ბავშვი ადრე „გონებაჩლუნგი“ მხოლოდ იმიტომ იყო, რომ მას სათამაშო არ ჰქონდა. ეს მოსაზრება რამდენად ახლოსაა სიზუსტესთან არ ვიცით, მაგრამ ეს ფაქტი, რომ კარგად შერჩეული...
განაგრძე კითხვა
16878
