-
Kатегория
-
Gori
-
Раион
-
Kатегория
-
Gori
-
უბანი
ტოპ 4 წიგნი კლასიკური ლიტერატურის მოყვარულთათვის
„თუ კითხვა არ გიყვარს, ესეიგი სწორი წიგნი ჯერ არ გიპოვია“- ეს სიტყვები ჯოან როულინგს ეკუთვნის, რომელიც ავტორია ერთ-ერთი ყველაზე ცნობილი წიგნების სერიის, „ჰარი პოტერის“, ფენტეზის ჟანრიდან. მინდა გითხრათ, რომ სწორი ჟანრისა თუ წიგნის შერჩევა ისეთივე მნიშვნელოვანია წიგნების შემთხვევაში, როგორც ფილმის ან ხელოვნების რომელიმე დარგის შერჩევის დროს.
დღეს ჩვენ უშუალოდ ვისაუბრებთ კლასიკურ ლიტერატურასა და იმ წიგნებზე, რომლებიც დიდი პოპულარობით სარგებლობენ. მანამდე კი გაგაცნობთ რამდენიმე საინტერესო ფაქტს იმის შესახებ, თუ რატომ უნდა ვიკითხოთ ზოგადად წიგნები:
- კითხვა აუმჯობესებს ლექსიკურ მარაგს და ხელს უწყობს მეტყველების გაუმჯობესებას;
- ავარჯიშებს ტვინს და გეხმარება წარმოსახვისა თუ კრეატივის განვითარებაში;
- შველის სტრესს, ხელს უწყობს თქვენს გონებასა თუ სხეულს რელაქსაციაში;
- გმატებთ თვითრწმენას, რადგან თქვენი ცოდნის დონე იზრდება და იმაზე მეტ ინფორმაციას იძენთ, ვიდრე მანამდე იცოდით;
- აუმჯობესებს კონცენტრაციის უნარს, რადგან კითხვის დროს ფოკუსირება კონკრეტულ თემაზე გჭირდებათ. თუ თვალს ან გონებას მოსწყვეტთ წიგნს, რთული ხდება აზრის გაგრძელება.
გარდა ამ რამოდენიმე მნიშვნელოვანი ფაქტისა, კიდევ უამრავი დადებითი ზეგავლენა აქვს წიგნების კითხვას.
ახლა კი გავეცნოთ იმ ტოპ 4 წიგნს, რომელიც აუცილებლად უნდა წაიკითხოთ თუ კლასიკური ლიტერატურა გიყვართ.
#1 მარგარეტ მიჩელი - "ქარწაღებულნი"
წიგნი მოგვითხრობს სასიყვარულო სამკუთხედზე, ომზე, თავისუფელბისთვის ბრძოლაზე, ფულზე, მეგობრობაზე და კიდევ იმ უამრავ ფაქტზე, რომელიც ყველა ადამიანის ცხოვრებაში მომხდარა ან მოხდება.
მარგარეტ მიჩელი შესანიშნავად აღწერს ადამიანურ გრძნობებსა და ურთიერთობებს, გვანახებს იმ მცდარი ნაბიჯების შედეგებს, რომელიც შესაძლოა ყველა ადამიანმა დაუშვას, თუ კი იმას გაეკიდებით, რაც თქვენი წილი არ არის ან რეალურად არ გჭირდებათ.
#2 ერნესტ ჰემინგუეი - "მშვიდობით იარაღო"
გენიალური ამერიკელი მწერლის ნაწარმოები, რომელმაც „ნობელის პრემია“ მოუტანა ავტორს. ეს არის ისტორია ლეიტენანტ ჰენრიზე, რომელიც იტალია-ავსტრიის ფრონტზე მოხვდება და საკუთარ თავზე გამოცდის ყველა იმ საშინელებას, რაც კი შეუძლია ომმა ადამიანს მოუტანოს.
მთავარი პერსონაჟი, ყველა ამ სირთულის გადალახვის შემდეგ ხვდება, თუ როგორი უაზრო და საშინელი რამ არის ეს სისხლისღვრა, ამიტომ, გადაწყვეტს, რომ იარაღს გამოემშვიდობოს, თუმცა ეს ასეთი მარტივი როდია.
#3 ჯეინ ოსტინი - „სიამაყე და ცრურწმენა“
ერთ-ერთი ყველაზე ცნობილი რომანი ჯეინ ოსტინის შემოქმედებიდან, რომელიც ავტორმა ჯერ კიდევ 21 წლის ასაკში დაწერა, თუმცა მხოლოდ 15 წლის შემდგომ გამოიცა.
ეს არის ორი განსხვავებული ადამიანის ამაღელვებელი სიყვარულის ისტორია, რომელიც მკითხველზე საოცარ ზემოქმედებას ახდენს. თითოეული პერსონაჟის განცდები და ემოციები, იმდენად ბუნებრივია, რომ რთულია, კითხვისას წიგნს თვალი მოსწყვიტო.
იმოგზაურე მე-19 საუკუნის ინგლისში ჯეინ ოსტინთან ერთად, გახდი ელიზაბეტ ბენეტისა და მისტერ დარსის საოცარი თავგადასავლის თანამონაწილე.
#4 ე. მ. რემარკი - "ტრიუმფალური თაღი"
ეს არის რომანი რომელიც ელვის სისწრაფით იკითხება და დასრულების შემდეგ დროში მოგზაურების სურვილს გიჩენთ, რათა კიდევ ერთხელ მოგეცეთ პირველად წაკითხვის ბედნიერება. წიგნი დაგაფიქრებთ დიდ სიყვარულსა და არანაკლებ დიდ სიძულვილზე, რომელსაც მთავარი გმირი გამუდმებით ებრძვის მიუხედავად უამრავი წინაღობისა თუ მარცხისა.
სხვა სტატიები
Traditional Georgian Food to Try: A Culinary Journey in Georgia
When visiting Georgia, the country, one of the best ways to immerse yourself in its culture is through its traditional Georgian food. With unique flavors and ingredients, Georgian cuisine offers a variety of dishes that appeal to food lovers ...
განაგრძე კითხვა
17633
რა როლი აქვს ფაზლს ბავშვის განვითარების პროცესში?
მშობლების უმეტესობამ იცის, რომ ბავშვის სათამაშოებისა და გასართობი საშუალებების მრავალფეროვან „რეპერტუარში“ ფაზლის ჩართვა მათი განვითარების პროცესზე დადებით გავლენას ახდენს, თუმცა ბევრმა არ იცის, კონკრეტულად რა პროცესებზ...
განაგრძე კითხვა
12428
.png)
.jpg)
Hotsale.ge-ის მომხმარებელი გირჩევთ: 5 კოტეჯი მაღალი დანაზოგით
ბუნებაში დასვენება და სიმშვიდე სულ უფრო პოპულარული ხდება, განსაკუთრებით მაშინ, როცა შესაძლებელია ბიუჯეტის დაზოგვაც. თუ ეძებთ უნიკალურ დასასვენებელ ადგილებს საქართველოში, მაგრამ გსურთ, რომ თქვენი საფულეც გაუმკლავდეს ამ სურვილს, Hotsale.ge-ის შეთავაზებ...
განაგრძე კითხვა
5057
ახალი ტრენდი: მოგზაურობა საკუთარ ქვეყანაში - სად და როგორ დავისვენოთ სამშობლოში?
ხშირად, ადამიანები საკუთარ ქვეყანაში მოგზაურობას დაუმსახურებლად ივიწყებენ. მოგზაურობა ის სფეროა, რომელიც ყველას უყვარს. უცხო ქვეყნების მონახულება, მათი კულტურის გაცნობა დიდი სიამოვნებაა, მაგრამ სამწუხაროდ, კორონა ვირუსის პანდემიამ ეს შესა...
განაგრძე კითხვა
24465
.jpg)
5 Family-Friendly Attractions in Georgia You Can’t Miss
Georgia is a country known for its stunning landscapes, rich history, and vibrant culture. Whether you’re looking for adventure or relaxation, there’s something for every family to enjoy. From ancient cities to breathtaking natural wonder...
განაგრძე კითხვა
6573