-
Kатегория
-
Телави
-
Раион
-
Kатегория
-
Телави
-
უბანი
Hotsale.ge-მ „Leo ინსტიტუტის“ დამფუძნებელს საჩუქარი გადასცა
დანაზოგების ყველაზე მასშტაბური ქართული პლატფორმა Hotsale.ge აგრძელებს „ლურჯ ოკეანესთან“ თანამშრომლობას. 5 დეკემბერს „პუბლიკას“ ლაუნჯში გაიმართა ცნობილი ავტორისა და Leo ინსტიტუტის დამფუძნებლის, სამი კოენის წიგნის - „ცხოვრება შიშს მიღმა“ - პრეზენტაცია და თემატური ვორქშოპი, სადაც Hotsale.ge პარტნიორის სტატუსით იყო წარმოდგენილი.
სამი კოენი Leo ინსტიტუტის დამფუძნებელი და Leo მეთოდოლოგიების ავტორია. იგი უკვე 40 წელზე მეტია ეხმარებოდა ადამიანებს იპოვონ, გაიაზრონ და მიაწიონ თავიანთ მიზნებს. მისი წიგნები კი ერთგვარი ინსტრუმენტია წარმატებით სავსე ცხოვრების შექმნისთვის.
„ცხოვრება შიშს მიღმა“ - ასე ჰქვია ახალ წიგნს, რომელშიც ავტორი შიშისა და ღელვის გავლენაზე, ასევე მათი დაძლევის მეთოდებსა და ცხოვრების ახალ შესაძლებლობებზე საუბრობს.
„ჩვენ გამუდმებით ვინმეს მოხიბვლას ვცდილობთ ან ისეთ რამეზე ვშფოთავთ, რაც არ გვეხება. ღელვა და ხალისი ვერ თანაარსებობს, შედეგად კი ხალისისთვის ჩვენს ცხოვრებაში ადგილი აღარ რჩება. თუ კარგად დააკვირდები, ყოველწამიერად, დაინახავ, რამდენ რამეს აკეთებ, არ აკეთებ, ამბობ და არ ამბობ, საიმისოდ, რომ დაუმტკიცო საკუთარ თავსა და სხვებს რაღაც „შენზე“; დაინახავ საჭიროებას, რომ აღგიქვამდნენ „ასეთად“ და ეცდები, თავიდან აირიდო, რომ აღგიქვამდნენ „ისეთად“. თუკი ამ წიგნს მხოლოდ თეორიულად არ მიუდგები და ეცდები, გამოიყენო, როგორც ინსტრუმენტი, აღმოაჩენ, რომ ნებისმიერ შემთხვევაში ორი რეალობა (არჩევანი) გაქვს – „ნიღბიანი“ და „უნიღბო“, შიშით და შიშს მიღმა...“, - ვკითხულობთ წიგნის აღწერაში.
წიგნის პრეზენტაციას მოჰყვა თემატური ვორქშოპი. ღონისძიების დასასრულს კი Hotsale.ge-მ ავტორს სიმბოლური საჩუქარი გადასცა. როგორც კომპანიის ბრენდმენეჯერი ლანა ცხადაძე აღნიშნავს, ეს არის წიგნი, რომელშიც შიშის დაძლევის ყველაზე ეფექტური მეთოდებია წარმოდგენილი: „სამი კოენმა აგვიხსნა, თუ როგორ შეიძლება წიგნში აღწერილი მეთოდოლოგიის პრაქტიკაში გამოყენება და ცხოვრება შიშს მიღმა, ანუ ცხოვრება სრული ადამიანური შესაძლებლობებით. ეს იყო ძალიან ნაყოფიერი შეხვედრა, სადაც Hotsale.ge პარტნიორის სტატუსით იყო წარმოდგენილი. ჩვენს კომპანიას „ლურჯ ოკეანესთან“ ხანგრძლივი თანამშრომლობა აკავშირებს და მომავალშიც ვგეგმავთ სხვადასხვა პროექტის ფარგლებში პარტნიორობას,“ - აღნიშნა ლანა ცხადაძემ.
Hotsale.ge-ის შესახებ: Hotsale.ge პალიტრა ჰოლდინგის შვილობილი კომპანიაა, რომელიც 2011 წელს დაარსდა. ის არის ლიდერი ქვეყანაში ელექტრონული კომერციის სფეროში. კომპანია მომხმარებელს სთავაზობს დაზოგვას მრავალფეროვანი მომსახურების და პროდუქციის მიღების დროს. ვებგვერდზე განთავსებულია შეთავაზებები სხვადასხვა კომპანიისგან: სასტუმროები, რესტორნები და კაფეები, ესთეტიკის ცენტრები და სალონები, ბავშვთა გასართობი ცენტრები, აუზები და სხვა.
Hotsale.ge კომპანიებს ათასობით მომხმარებელთან აკავშირებს და მათ ეფექტურ და გაზომვად სარეკლამო მომსახურებას, ცნობადობის გაზრდასა და ლოიალური მომხმარებლის შეძენას სთავაზობს.
სხვა სტატიები
5 წიგნი რომელიც 30 წლამდე უნდა წაიკითხო
არსებობენ წიგნები, რომელსაც თავისი დრო და დანიშნულება აქვთ. რა თქმა უნდა, არავინ ამბობს იმას, რომ თუ „პატარა უფლისწული“ ჯერ არ წაგიკითხვას, 30 წლის მერე აღარ ღირს მისი წაკითხვა. ეს მოცემულობა არაა, რომლითაც უნდა იხელმძღვანელო....
განაგრძე კითხვა
13433
თუ ტექნიკის შეძენას აპირებ, იცოდე, სად არის საუკეთესო ფასის გარანტია
ძვირადღირებული ნივთების ყიდვისას, ბევრი ადამიანი ცდილობს ეკონომიის გაკეთებას, რადგან მინიმალური ფასდაკლებაც კი გეხმარება, დაზოგო მნიშვნელოვანი თანხა. არსებობს რამდენიმე აპრობირებული მეთოდი, რომელსაც ხშირად იყენებენ ადამიანები ტექნიკის ყიდვისას....
განაგრძე კითხვა
10225
3 ადგილი კახეთში, სადაც შეძლებთ ბიუჯეტურად დასვენებას
საქართველოს აღმოსავლეთით, თბილისიდან მხოლოდ ორი საათის სავალზე, მდებარეობს ღვინისა და ვაზის სამშობლოდ აღიარებული კუთხე კახეთი, რომელსაც არამხოლოდ გასტრონომიული ღირებულება, არამედ ღირსშესანიშნავი ადგილები და საუკუნოვანი სტუმარ-მასპინძლობით იზიდა...
განაგრძე კითხვა
10282
.jpg)
Discover the Best Things to Do in Georgia
Nestled between the rugged peaks of the Caucasus Mountains and the shimmering waters of the Black Sea, Georgia beckons travelers with its rich tapestry of culture, history, and natural beauty. From the bustling streets of Tbilisi to the ancient churc...
განაგრძე კითხვა
6055
დაისვენე ბათუმის პრემიუმ კლასის სასტუმროში მაღალი დანაზოგით - Hotsale.ge-ისა და სასტუმრო "კაპო ვერდეს" ერთობლივი შეთავაზება
Hotsale.ge აგრძელებს თქვენს საუკეთესო საზაფხულო თავგადასავლებზე ზრუნვას და „კაპო ვერდესთან“ ერთად განსაკუთრებულ პირობე...
განაგრძე კითხვა
16498
.jpg)
Hotsale.ge-ის მომხმარებელი გირჩევთ: 5 სასტუმრო მაღალი დანაზოგით
ამ ბლოგში განხილული იქნება 5 სასტუმრო, რომელებმაც დანაზოგების ყველაზე დიდი პლატფორმა Hotsale.ge-ზე მომხმარებლის კარგი შეფასება დაიმსახურა. ჩვენ ყურადღებას გავამახვილებთ იმ სასტუმროებზე, რომლებიც გამოირჩევიან მაღალი ხარისხის მომსახურებით, კომფორტით და...
განაგრძე კითხვა
2933