-
კატეგორია
-
თბილისი
-
ნაძალადევი
-
კატეგორია
-
თბილისი
-
ნაძალადევი
Hotsale.ge "პრო ბონო ფორუმი 2024"-ის ჩემპიონი გახდა
19 ნოემბერს, სასტუმრო თბილისი მერიოტში „პრო ბონო" ფორუმი 2024 – „ბიზნესის ექსპერტიზა სოციალური მიზნების სამსახურში" გაიმართა, რომელსაც კერძო და სამოქალაქო სექტორის 60-ზე მეტი წარმომადგენელი დაესწრო. ღონისძიებამ თვალნათლივ დაგვანახა, კერძო კომპანიების როლი სამოქალაქო სექტორის გაძლიერებასა და საზოგადოებრივი გამოწვევების გადაჭრაში.
ფორუმის ფარგლებში, ორგანიზაციამ ქსელის წლის შეჯამება წარადგინა: მხოლოდ 2024 წლის განმავლობაში, 23 პროექტში, 29 ბიზნეს კომპანიიდან 54 პროფესიონალი ჩაერთო. ჯამში, სხვადასხვა კომპანიის თანამშრომლებმა 848 საათი იმუშავეს პრო ბონოდ და საერთო ძალისხმევით, 82-ზე მეტი სამოქალაქო ორგანიზაცია გააძლიერეს.
ღონისძიებაზე, საქართველოს პრო ბონო ქსელის ყოველწლიური კონკურსის გამარჯვებულებიც გამოვლინდნენ: წლის „პრო ბონო ლიდერი" კომპანია თეგეტა ჰოლდინგი გახდა, ხოლო Hotsale.ge-ის კონტენტ მარკეტინგის სპეციალისტი, მარიამ გელაშვილი „პრო ბონო ჩემპიონის" ტიტულით დაჯილდოვდა.
კომპანია Hotsale.ge პრო ბონო ქსელს 2024 წელს შემოუერთდა და პრო ბონო მარათონში მონაწილეობის შემდეგ მათი პირველი პროექტი სოციალურ საწარმო პოტერიასთან განახორციელა, პროექტის ფარგლებში კომპანიამ სოციალურ საწარმოზე მორგებული 4 საათიანი ვორკშოპი მოამზადა ონლაინ პროგრამებზე - Canva და CupCut
ასევე 12 ოქტომბერს Hotsale.ge ის კონტენტ მარკეტინგის სპეციალისტმა მარიამ გელაშვილმა 10 კომპანიასთან ჩაატარა 6 საათიანი ტრენინგი ვიდეო ედითინგის შესახებ
პრო ბონო სერვისები საქართველოში სულ უფრო პოპულარული ხდება. თანამედროვე ქართული ბიზნესი სულ უფრო მეტ ყურადღებას უთმობს სოციალური პასუხისმგებლობის საკითხებს. ეს ტენდენცია კი, ქვეყნის მდგრად განვითარებას მნიშვნელოვნად უწყობს ხელს.
ფორუმის რამდენიმე აქტივობისგან შედგებოდა:
- პანელური დისკუსია კორპორაციული მოხალისეების მონაწილეობით, სადაც თავად ჰყვებოდნენ პრო ბონო თავგადასავლის შესახებ.
- ბენეფიციარი ორგანიზაციების წარმომადგენლებმა დამსწრე საზოგადოებას გააცნეს ის პროექტები, რომელიც მათი სოციალური საწარმოებისთვის წლების განმავლობაში პრო ბონო აქტივობების ფარგლებში განხორციელდა.
- საჯარო ლექცია: Volunesia - მნიშვნელოვანი საქმის კეთების თავისუფლება. სპიკერი: თეონა ბაღათურია.
- ჩატარდა ინტერაქტიული სერია - პრო ბონო მდგრადი განვითარების მიზნებისთვის
პრო ბონო ფორუმი ჩატარდა საქართველოს სტრატეგიული კვლევებისა და განვითარების ცენტრის (CSRDG) ორგანიზებით, ევროკავშირისა (EU) და კონრად ადენაუერის ფონდის (KAS) მიერ დაფინანსებული პროექტის „სამოქალაქო საზოგადოების ინიციატივა: მდგრადი, ღია და ანგარიშვალდებული სამოქალაქო საზოგადოების ორგანიზაციები საქართველოს განვითარებისთვის” ფარგლებში.
სხვა სტატიები
-1.jpg)
რა ვნახოთ გურიაში?
დასავლეთ საქართველოში მდებარე ისტორიულ-გეოგრაფიული მხარე გურია თითოეული ჩვენთაგანის გულში განსაკუთრებულ ადგილს იკავებს. გურიაში შეხვდებით გრილ ტყეებს, მინერალურ წყლებს, ალპურ მდელოებს, მწვანეში ჩაფლული ბუნებასა და ქვიშიან სანაპიროებს. სწორედ ამიტომ გ...
განაგრძე კითხვა
8053
-1.png)
5 რჩევა, როგორ გავერთოთ ბავშვთან ერთად
ბავშვთან ერთად გატარებული დრო შეიძლება ძალიან სახალისო და სასარგებლოც იყოს, თუ იცით, როგორ დაგეგმოთ დღე სწორად. ხშირად მშობლები ეძებენ ახალ გზებს, როგორ დააინტერესონ ბავშვი და ერთად შექმნან სასიამოვნო მოგონებები. თუ ფიქრობთ, რა შეგიძლიათ გააკეთოთ თქვ...
განაგრძე კითხვა
6471
5 ბავშვთა გასართობი ცენტრი თბილისში
ყველა მშობელს სურს, შვილისთვის დაბადების დღე დაუვიწყარი იყოს, რისი მიღწევაც ბავშვთა გასართობი ცენტრების საშუალებით კიდევ უფრო მარტივია. შთამბეჭდავი დეკორაციები, სახალისო თამაშები და საყვარელი გმირები პატარებს თავიანთ დღეს ნამდვილ დღესასწაულად უქცევთ....
განაგრძე კითხვა
3701
5 გზა, რომელიც ბავშვებს პანდემიისგან გამოწვეულ მოწყენილობას დაავიწყებს
ქართულ ფილმში „თოჯინები იცინიან“ ერთ-ერთი პერსონაჟი ამბობს, რომ ბავშვი ადრე „გონებაჩლუნგი“ მხოლოდ იმიტომ იყო, რომ მას სათამაშო არ ჰქონდა. ეს მოსაზრება რამდენად ახლოსაა სიზუსტესთან არ ვიცით, მაგრამ ეს ფაქტი, რომ კარგა...
განაგრძე კითხვა
16853
.png)
აღნიშნე ქალთა დღე განსაკუთრებულ გარემოში
ყოველწლიურად 8 მარტს მსოფლიოს სხვადასხვა ქვეყანაში ქალთა საერთაშორისო დღეს აღნიშნავენ. ეს მნიშვნელოვანი თარიღი ქალთა სოციალური და პოლიტიკური ცნობიერების განვითარებას და ცხოვრების ყველა სფეროში მათი მიღწევების აღნიშვნას ეთმობა...
განაგრძე კითხვა
4021
