-
კატეგორია
-
თბილისი
-
ვაკე
-
კატეგორია
-
თბილისი
-
ვაკე
.jpg)
7 აუცილებლად სანახავი ადგილი ბორჯომში
ბორჯომი — ქალაქი და კურორტი აღმოსავლეთ საქართველოში, ბორჯომის მუნიციპალიტეტის ადმინისტრაციულ ცენტრი. ულამაზესი ტყეები, ალპური მდელოები, ფლორისა და ფაუნის მრავალფეროვნება და საოცარი ხედები გულგრილს არავის ტოვებს. ბორჯომი საინტერესოა კულტურით დაინტერესებული ადამიანებისთვისაც, აქ მრავალი კულტურულ-ისტორიული ძეგლის მონახულება შეგიძლიათ.
თუ უახლოეს მომავალში ბორჯომში სტუმრობა გადაწყვიტეთ და ჯერ ზუსტად არ იცით რა უნდა მოინახულოთ, Hotsale.ge დაგეხმარებათ და შემოგთავაზებთ იმ 10 ადგილს, რომელიც ბორჯომში აუცილებლად უნდა ნახო.
ბორჯომის ცენტრალური პარკი
პარკი მდებარეობს „ბორჯომულას“ ხეობაში. აქ დააგემოვნებთ ბორჯომის ცნობილ და სამკურნალო თვისებების მქონე მინერალურ წყალს. მარადმწვანე ბუნებაში ჩაფლული ბორჯომის პარკში ფუნქციონირებს მრავალი კაფე, ატრაქციონები, საცურაო აუზები, პარკის ტერიტორიის ბოლოს, ასევე ისტორიული გოგირდოვანი აბანოებია.
ბორჯომ-ხარაგაულის ეროვნული პარკი
ბორჯომ-ხარაგაულის ეროვნული პარკი - საქართველოს ცენტრალურ ნაწილში მდებარეობს და იმერეთის, ჯავახეთისა და შიდა ქართლის რეგიონებს მოიცავს. მისი საერთო ფართობი 107 083 ჰა-ს შეადგენს, რაც ქვეყნის ტერიტორიის 1%-ზე მეტია. ბორჯომ-ხარაგაულის ეროვნული პარკის ტურისტული მარშრუტების ქსელი ერთი და მრავალდღიანი ლაშქრობების საშუალებას იძლევა და ჯამში 12 მარკირებულ და კეთილმოწყობილ ბილიკს მოიცავს. ბილიკების გასწვრივ მოწყობილია ტურისტული თავშესაფრები, საპიკნიკე და საკემპინგე ადგილები, გამოყოფილია ადგილები ცეცხლის დასანთებად. ეროვნული პარკის ტერიტორიაზე ვიზიტორებს შეუძლიათ სალაშქრო, საცხენოსნო, ველო, თოვლის ფეხსაცმელების, კულტურულ და საგანმანათლებლო ტურებით სარგებლობა. ბორჯომ-ხარაგაულის ეროვნული პარკის ტურისტული ბილიკები: ლომისმთა;ლიკანის ხეობის ბილიკი;ნიკოლოზ რომანოვის ბილიკი;თოვლის ფეხსაცმელების ბილიკი;წმინდა ანდრია პირველწოდებულის ბილიკი;პანორამების ბილიკი;ხელუხლებელი ტყის ბილიკი;ზეკარის უღელტეხილის ბილიკი;ნაკვალევის ბილიკი;მწყემსების ბილიკი;ეროვნული პარკის საინფორმაციო ბილიკი;მეღრუკის ხეობა.
მხარეთცოდნეობის მუზეუმი
მწვანე მონასტერი (ჩითახევის წმინდა გიორგის მონასტერი) ქ. ბორჯომიდან რამოდენიმე კილომეტრში, სოფ.ჩითახევის მახლობლად, დაბურული ფოთლოვანი ტყის შუაგულში მდებარეობს. აქ დღესაც მამათა მონასტერია, სადაც ბერები ქვეყნისა და ხალხის კეთილდღეობისათვის ლოცვას აღავლენენ. IX საუკუნის ეს ძეგლი, მეცნიერთა აზრით, ცნობილი ქართველი მოღვაწის, წმ. გრიგოლ ხანძთელის მოწაფეების – ქრისტეფორესა და თევდორეს აშენებულია. იგი სამი ბაზილიკის ტიპის ეკლესიისა და სამრეკლოსაგან შედგება, სადაც ქართული ხუროთმოძღვრებისათვის დამახასიათებელი ჩუქურთმები ახლაც კარგად იკითხება. ეკლესია მონასტრის დაარსების თანადროულია და IX საუკუნის შუახანებით თარიღდება. ის ნაგებია უხეშად დამუშავებული ქვით და დეკორი თითქმის არ გააჩნია. სამრეკლო ორსართულიანია, პირველი სართული სამლოცველოა, მეორე სართული კი მდიდრულ მოჩუქურთმებულ ფანჩატურს წარმოადგენს.
რომანოვების სასახლე
შენობა მეცხრამეტე საუკუნის პერიოდს განეკუთვნება. მიხეილ რომანოვის ვაჟს, ნიკოლოზს საზაფხულო რეზიდენციად ლიკანში აღნიშნული ტერიტორია მოსწონებია. რეზიდენცია შემდგომში ტურისტთა დასასვენებელ ადგილად იქცა. საბჭოთა პერიოში სასახლეს სხვადასხვა ქვეყნიდან უამრავი ტურისტი სტუმრობდა. სასახლეში დაცულია უნიკალური ექსპონანტები. ლიკანის სასახლის გარშემო გაშენებულია ულამაზესი ბაღი, უნიკალური ხემცენარეებით.
ეიფელის ხიდი, კუკუშკა
გასაოცარ შთაბეჭდილებას ტოვებს მნახველზე ე.წ ეიფელის ხიდი,რომელიც აგებულია ბორჯომ- ბაკურიანის ვიწროლიანდაგიან რკინიგზაზე. იგი მიხეილ რომანოვმა საფრანგეთში შეუკვეთა ფრანგ ინჟინერ-კონსტრუქტორსა და ხიდების მშენებელს, პარიზში დადგმული, ცნობილი “ეიფელის კოშკის” ავტორს ალექსანდრე გუსტავ ეიფელს. ხიდის მშენებლობა 1897 წელს დაიწყო მდინარე ცემისწყალზე. ადგილზე ხიდის მონტაჟი განახორციელა კონსტრუქტორმა ბესარიონ ქებურიამ. 1902 წლის იანვრიდან ვიწროლიანდაგიანი რკინიგზის ხაზით ბორჯომი – ბაკურიანი, პირველმა ,,კუკუშკა” მატარებელმა გაიარა. ,კუკუშკა” დღემდე ემსახურება სათხილამურო სპორტის მოყვარულებსა და ტურისტებს.
ტაბაწყურის ტბა
ტაბაწყურის ტბის მიდამოებში სოფელია, რომელიც ნახევარკუნძულზეა გაშენებული და იშიფრება, როგორც ტბის(ტაბის) ყურე, რომელიც ტბაშია შეჭრილი. ტბა წარმოქმნილია ვულკანის ამოფრქვევის შედეგად. ის საკმაოდ ღრმაა. ნოემბრიდან ტერიტორია თოვლით არის დაფარული 6 თვის მანძილზე. ზაფხულში ცისფრად მოლივლივე ტბა, ნოემბერში სარკესავით იყინება. ტაბაწყურის ტბა საუკუნეების მანძილზე ითვლებოდა თევზით მდიდარ ტბად.
ტიმოთესუბანი
ტიმოთესუბანი (კიმოთესუბანი) — სოფელი ბორჯომის მუნიციპალიტეტში (წაღვერის თემში). მდებარეობს მდინარე გუჯარეთისწყლის ხეობაში, ისტორიული თორის ცენტრში, გვირგვინას ქედის სამხრეთ კალთაზე. ზღვის დონიდან 1100 მეტრი, ბორჯომიდან სამხრეთ-აღმოსავლეთით 17 კილომეტრი, კურორტ წაღვერიდან 2 კილომეტრი.სოფელში დგას XII-XIII საუკუნეებში, შალვა ახალციხელის ხელშეწყობით აშენებული, ტიმოთესუბნის ღვთისმშობლის სახელობის მონასტერი ეკლესია. სავარაუდოდ, ეკლესიის ტერიტორიაზე უნდა იყოს დაკრძალული თავად შალვა ახალციხელიც. აქვე არის მიუვალ კლდეში ნაკვეთი სახლები, რომლებიც სავარაუდოდ შუა საუკუნეებშია აგებული. ტიმოთესუბანი წარმოადგენს ასევე დასასვენებელ კურორტს, სადაც არის ულამაზესი ბუნება, სუფთა ჰაერი, სიმშვიდე, მინერალური წყლები. სოფელში არის საოჯახო სასტუმროები და კოტეჯები. ტიმოთესუბანს თუ ზაფხულის მზიან დღეებში ესტუმრებით და ამინდი ხელს შეგიწყობთ, შეგიძლიათ პატარ-პატარა გამოქვაბულები და ჩანჩქერებიც ნახოთ. მოკლედ, აქ ყველაფერია იმისთვის, რომ დასვენება სასიამოვნოც გამოვიდეს და სასარგებლოც.
სხვა სტატიები
.jpg)
როგორ მოვამზადოთ სახის კანი ზაფხულისთვის
სახის კანის დატენიანება ყველა სეზონზე მნიშვნელოვანია, განსაკუთრებით ზაფხულში. როდესაც ტემპერატურა იმატებს, იზრდება მზის ზემოქმედების საფრთხეც. ამ დროს, ჩვენი სახის კანიდან ხდება წყლის აორთქლება, ანუ დეჰიდრატაცია. სწორედ ამიტომ აუცილებელი ხდება სახის ...
განაგრძე კითხვა
16400
კავიტაცია, RF ლიფტინგი, ლიპოლიტიკი - როგორ მიიღოთ სხეულის სასურველი ფორმა მარტივად!
ზაფხულის მოახლოვებასთან ერთად, უამრავი ადამიანი ფიქრობს, თუ როგორ მოიყვანოს სხეულის ფორმა წესრიგში, როცა წინ უამრავი ბარიერია - სამსახური, სწავლა, ოჯახი, უძილობა, სტრესი, არაჯანსაღი საკვების მიღება და ა.შ. ყოველივე ამის გამო, არ გვრჩება დრო მეტ...
განაგრძე კითხვა
17302
.png)
Your Ultimate Guide to Georgia: 3 Must-Stay Destinations for Every Traveler!
In this article, we will explore three exceptional places to stay in Georgia. Embarking on a journey to this captivating country? Pack your travel bag and get ready for an adventure like no other! As your trusted companion, hotsale.ge - a leader in t...
განაგრძე კითხვა
15305
რა როლი აქვს ფაზლს ბავშვის განვითარების პროცესში?
მშობლების უმეტესობამ იცის, რომ ბავშვის სათამაშოებისა და გასართობი საშუალებების მრავალფეროვან „რეპერტუარში“ ფაზლის ჩართვა მათი განვითარების პროცესზე დადებით გავლენას ახდენს, თუმცა ბევრმა არ იცის, კონკრეტულად რა პროცესებზ...
განაგრძე კითხვა
9687
თუ ჯერ ვერ გადაწყვიტე რა აჩუქო საყვარელ ადამიანს ვალნტინობის დღეს
ძალიან მალე 14 თებერვალია, რაც იმას ნიშნავს რომ წმინდა ვალენტინის დღესასწაული გვიახლოვდება. წლებია, რაც ეს დღე მსოფლიო მასშტაბით აღინიშნება და სიყვარულის დღედ მიიჩნევა.14 თებერვალს შეყვარებული წყვილები ერთმანეთს სიმბოლურ საჩუქრებს უკეთებენ და ამითთავ...
განაგრძე კითხვა
12395
განტვირთვა და დასვენება - უალტერნატივო წამალი ჯანმრთელობისთვის
არ აქვს მნიშვნელობა წელიწადის რა დროა. ფაქტია, დასვენება და ყოველდღიური რუტინისდან რამდენიმე დღით გათავისუფლება ყველა ადამიანს სჭირდება. გადატვირთული სამუშაო გრაფიკი, ოჯახური საქმეები, სწავლა და ცხოვრებისეული პრობლემები ადამიანის გონებას ამძიმებს და ...
განაგრძე კითხვა
10254
.jpg)