სერვისები სილამაზის სფეროში სულ უფრო იხვეწება და მრავალფეროვანი ხდება. შესაბამისად, იზრდება კონკურენციაც. თუმცა მომსახურების გაწევის დროს არც ისე იშვიათია ხარვეზებიც. ხარვეზები უმეტესად იმ შემთხვევაში ფიქსირდება ხოლმე, როცა მომსახურებას ფასდაკლებით იღებენ, რადგან ამ დროს სილამაზის ცენტრები და სალონები ნაკლებ შემოსავალს იღებენ და ცდილობენ, თავადაც მაქსიმალურად დაზოგონ პროდუქცია.
ამ პრობლემის მოგვარებას აქტიურად ცდილობს „ჰოთსეილი“, რომელიც საქართველოში მომსახურების ხარისხის ამაღლებასა და სხვადასხვა სერვისის ფართო საზოგადოებისთვის ხელმისაწვდომობის გაზრდას ცდილობს. ეს არის კომპანია, რომელიც მომხმარებელს მრავალფეროვან მომსახურებას ფასდაკლებით სთავაზობს

ამავდროულად, გარანტიაა იმისა, რომ მიღებული მომსახურება მაღალი ხარისხის იქნება. „ჰოთსეილი“ მისტიკური მყიდველებისა და მომხმარებლებთან უშუალო კავშირის შედეგად ცდილობს, ხარვეზები აღმოაჩინოს, აღმოფხვრას და ფასდაკლებით ზუსტად ისეთივე დონის მომსახურება შესთავაზოს მათ, როგორსაც ფასდაკლების გარეშე იღებენ ხოლმე.

სილამაზე „ჰოთსეილის“ ერთ-ერთი მთავარი მიმარულებაა. სწორედ ამიტომ ამ სფეროს მონიტორინგს განსაკუთრებული ყურადღება ექცევა. სილამაზის სალონებში მონიტორინგის გააქტიურებამდე უფრო ხშირად ფიქსირდებოდა ხოლმე დარღვევები. ბოლო პერიოდში მათი რაოდენობა მინიმუმამდე დავიდა. დარღვევები კი უმეტესად შემდეგი სახის ფიქსირდებოდა:

ეპილაციის დროს ხდებოდა იმპულსების დაკლება, ანუ პროცედურა ხარისხიანად არ კეთდებოდა. შეიძლება ნახევარი საათი საქმე 15 წუთში გაეკეთებინათ, რაც სრულყოფილი შედეგის მიღების საშუალებას არ იძლეოდა.

თმის სხვადასხვა სახის შეღებვის დროს ხდებოდა ხოლმე დამატებით თანხის მოთხოვნა, მიზეზად კი ასახელებდნენ იმას, რომ თმა სქელი იყო და მეტი პროდუქცია დაიხარჯა. კერატინით გასწორების დროსაც ხდებოდა ხოლმე მსგავსი დარღვევა. დაფიქსირებულა შემთხვევა, როდესაც სალონში იმ ბრენდის (კერატინი და საღებავი) პროდუქციით არ მოემსახურნენ კლიენტს, რომელიც შეთანხმებული იყო.

მაკიაჟის შემთხვევაშიც ისე ხდებოდა ხოლმე, რომ იმ პროდუქციით არ მუშაობდა ვიზაჟისტი, რომელიც წინასწარ ჰქონდა მითითებული. შედეგად მაკიაჟს არ ჰქონდა საკმარისი მდგრადობა.
წამწამების პროცედურების დროს ხდებოდა ხოლმე ღერების დაკლება.

აღნიშნული დარღვევების აღმოჩენის შემდეგ „ჰოთსეილმა“ რამდენიმე პარტნიორ სალონს ფულადი სანქცია დაუწესა და მათთან თანამშრომლობაც შეწყვიტა. დარღვევების არსებობის შემთხვევაში მათი გამოვლენის და შედეგად მომსახურების დონის კიდევ უფრო ამაღლების მიზნით მნიშვნელოვანია მომხმარებლების მაქსიმალური ჩართულობაც. „ჰოთსეილი“ მისტიკური მომხმარებლების საშუალებით ცდილობს დარღვევების აღმოფხვრას, მაგრამ აუცილებელია, რომ თავად კლიენტებმაც შეატყობინონ მათ, თუ რამე სახის ხარვეზს აღმოაჩენენ. მომსახურების მაღალი სტანდარტის დასანერგად ფართო საზოგადოების მაქსიმალური ჩართულობაა საჭირო. მათ დარღვევებზე თვალი არ უნდა დახუჭონ. პრობლების აღმოჩენის შემთხვევაში „ჰოთსეილი“ ისე აგვარებს მათ, რომ მომხმარებლის ანონიმურობა დაცულია და პირადად მას სილამაზის სალონსა თუ სხვა ობიექტთან ურთიერთობა არ უწევს.

დარღვევებთან აქტიური ბრძოლისა და ფასდაკლებით მაღალი დონის მომსახურების მიღების შესაძლებლობის შეთავაზების პარალელურად, „ჰოთსეილმა“ მომსახურების სფეროში კონსულტაციების გაწევაც დაიწყო. საბოლოოდ, კომპანიის ყველა აქტივობა ქვეყანაში მაღალი სტანდარტების სერვისის დანერგვას ემსახურება.