-
კატეგორია
-
მესტია
-
უბანი
-
კატეგორია
-
მესტია
-
უბანი
Hotsale ტურიზმის ეროვნული ჯილდოს გამარჯვებულია
ტურიზმის ეროვნული დაჯილდოების რიგით მე-7 ცერემონია წარმატებით დასრულდა. წელს გამარჯვებული 19 ნომინაციაში გამოვლინდა. ნომინაციები ისეა შედგენილი, რომ სტუმარმასპინძლობის სფერო სრულად მოიცვას და, საბოლოოდ, ქვეყანაში ტურიზმის განვითარებას შეუწყოს ხელი. გამარჯვებულებს 16-კაციანი დამოუკიდებელი ჟიური გამოავლენს. ტურიზმის ეროვნულ ჯილდოს თავისი სექტორის „ოსკარადაც“ მოიხსენიებენ.
დაჯილდოების ერთ-ერთი გამარჯვებული კომპანია Hotsale-ია, რომელიც მაღალი ხარისხის პროდუქტისა და მომსახურების მომწოდებელი კომპანიაა. კომპანიამ გაიმარჯვა ნომინაციაში „საუკეთესო პიარ კამპანია ან ბლოგერი ქვეყნის შიდა ტურიზმის მხარდასაჭერად“. ნომინაციამ შეაფასა პიარ კამპანია, მის ორგანიზატორები და ბლოგები, რომელმაც პოზიტიური შთაბეჭდილება მოახდინა დამსვენებელზე, უბიძგა მათ დანიშნულების ადგილის მონახულებისკენ და ქვეყნის შიდა ტურიზმის ამუშავებას შეუწყო ხელი.
„ჩვენთვის ძალიან დიდი პატივია ჯილდოს მიღება. წლებია, ენერგიასა და მონდომებას არ ვიშურებთ, რომ საქართველოში შიდა ტურიზმის განვითარებას შევუწყოთ ხელი. ეს ჯილდო კი გახდება უდიდესი მოტივატორი, რომ ჩვენი საქმე სამომავლოდ კიდევ უფრო დიდი წარმატებით ვაკეთოთ. შიდა ტურიზმი არის მიმართულება, რომელსაც სტუმარმასპინძლობის განვითარებასა და საბოლოოდ, ქვეყნის ეკონომიკურ წინსვლაში განსაკუთრებული წვლილი შეაქვს. დიდი მადლობა ორგანიზატორებს, რომ ჩვენი შრომა დაფასდა. განახლებული ძალებითა და ენერგიით გავაგრძელებთ მუშაობას,“ - განაცხადა Hotsale-ს დირექტორმა თათული ზაკალაშვილმა.
როგორც პროექტის ორგანიზატორები განმარტავენ, მათი მიზანია, წაახალისონ ქართული ტურიზმისა და მასპინძლობის ინდუსტრია, ხელი შეუწყოს ამ სფეროში მომუშავე კომპანიებისა და ბრენდების ცნობადობის გაზრდას და უკეთ წარმოაჩინოს საქართველო საერთაშორისო ტურისტულ ბაზარზე. ტურიზმის ეროვნული ჯილდოს დამფუძნებელი მარინა ჩაიკა აღნიშნავს, რომ ბაზრის ყოველწლიური ანალიზის შედეგად ხდება ნომინაციების შექმნა და მონაწილეების გამოვლენა.
„საქართველოში პირველად 2011 წელს ჩამოვედი ტურისტული ვიზიტით. მას შემდეგ საქართველო მუდმივად ჩემს გონებაში იყო. ვხედავდი, რომ ტურიზმი ქვეყანაში ძალიან სწრაფად ვითარდებოდა და ბაზრის აქტორებისთვის დამატებითი მოტივაციის მიცემა იყო საჭირო. ამ მოტივაციას კი მათ ჯილდო, გაწეული შრომის დაფასება აძლევს. სამომავლოდ, პროექტი აუცილებლად გაგრძელდება. ჩვენ ყოველწლიურად ბაზრის ანალიზის შედეგად ვიკვლევთ, სად არის კონკურენცია და შესაბამისად, ვადგენთ ნომინაციებსაც. აღნიშნულით კონკურენციის ზრდასაც ვუწყობთ ხელს. კონკურენცია კი საბოლოოდ ხარისხს ზრდის. მომავალი წლისთვის სამედიცინო ტურიზმის მიმართულებით ვაპირებთ ნომინაციის დამატებას,“ - განაცხადა მარინა ჩაიკამ.
პროექტს დიდი მხარდაჭერა აქვს როგორც სახელმწიფოს, ასევე კერძო სექტორის მხრიდან. პროექტის თანაორგანიზატორია საქართველოს ეკონომიკისა და მდგრადი განვითარების სამინისტროს ტურიზმის ეროვნული ადმინისტრაცია.
სხვა სტატიები
დასვენება თბილისის გულში: რატომ უნდა აირჩიოთ Best Western Tbilisi City Center?
თბილისი ის ქალაქია, სადაც ძველი და ახალი ერთმანეთს საოცარი ჰარმონიით ერწყმის. თუმცა, მოგზაურობის ხარისხს ხშირად სწორედ ის ადგილი განსაზღვრავს, სადაც საღამოს დასასვენებლად ბრუნდებით. თუ ეძებთ კომფორტს და იდეალურ ლოკაციას, Best Western Tbilisi City Cen...
განაგრძე კითხვა
1725
.jpg)
.jpg)
Hotsale.ge-მ ვებგვერდზე განთავსებულ კვების ობიექტებში ჰიგიენურ-სანიტარული ნორმების მონიტორინგი დაიწყო
„ჩვენთვის მნიშვნელოვანია მომხმარებლის ნდობის გამართლება, ამიტომ კომპანია ხარისხის კონტროლის ახალ ეტაპს იწყებს - ჩვენი წარმომადგენლები პარტნიორ კვების ობიექტებში ჰიგიენურ-სანიტარული ნორმების შემოწმების აქტიურ რეჟიმზე გადავიდნენ. დარღ...
განაგრძე კითხვა
17368
როგორ გავუმკლავდეთ სტრესს - 5 რჩევა, რომლებიც აუცილებლად დაგეხმარებათ
სამწუხაროდ, ძალიან ცოტა ადამიანს თუ შეუძლია დაიკვეხნოს იმით, რომ არასოდეს განუცდია სტრესი. ეს მდგომარეობა ყველასათვის ნაცნობია, მაგრამ ინდივიდუალურად განიცდიან მას. ვიღაცისთვის შეიძლება ძალიან უმტკივნეულოდ ჩაიაროს, მაგრამ ზოგისთვის სტრესმა შეიძლება ჯ...
განაგრძე კითხვა
20567
.png)
Puffy უკვე Hotsale.ge-ზეა - Yataş Group-ის 45 წლიანი გამოცდილებით შექმნილი პრემიუმ ხარისხის ტექსტილი
ხარისხიანი ძილი ფუფუნება არ არის - ეს ადამიანის ერთ-ერთი უმნიშვნელოვანესი საჭიროებაა. სწორედ ამიტომ, თურქეთის წამყვანი ბრენდი Puffy, რომელიც Yataş Group-ის 45-წლიან გამოცდილებასა და თანამედროვე ტექნოლოგიებს აერთიანებს, უკვე საქართველოშია...
განაგრძე კითხვა
3884
.jpg)
2020 წლის ბესტსელერად ქცეული წიგნი, რომელიც გოგონებისთვის მოტივაციის წყაროა
მსოფლიო ლიტერატურა მდიდარია ისეთი შინარსიის წიგნებით, სადაც ქალების სიძლიერესა და უსაზღვრო შესაძლებლობებს ხაზი მკაფიოდ აქვს გასმული. ვკითხულობთ წიგნებს ძლიერ, შემდგარ ქალებზე, რომლებმაც საკუთარი გზა და თავი იპოვეს. ბოლო წლებში განსაკუთრებით აქტ...
განაგრძე კითხვა
19384