-
კატეგორია
-
ქალაქი
-
უბანი
-
კატეგორია
-
ქალაქი
-
უბანი
Hotsale ტურიზმის ეროვნული ჯილდოს გამარჯვებულია
ტურიზმის ეროვნული დაჯილდოების რიგით მე-7 ცერემონია წარმატებით დასრულდა. წელს გამარჯვებული 19 ნომინაციაში გამოვლინდა. ნომინაციები ისეა შედგენილი, რომ სტუმარმასპინძლობის სფერო სრულად მოიცვას და, საბოლოოდ, ქვეყანაში ტურიზმის განვითარებას შეუწყოს ხელი. გამარჯვებულებს 16-კაციანი დამოუკიდებელი ჟიური გამოავლენს. ტურიზმის ეროვნულ ჯილდოს თავისი სექტორის „ოსკარადაც“ მოიხსენიებენ.
დაჯილდოების ერთ-ერთი გამარჯვებული კომპანია Hotsale-ია, რომელიც მაღალი ხარისხის პროდუქტისა და მომსახურების მომწოდებელი კომპანიაა. კომპანიამ გაიმარჯვა ნომინაციაში „საუკეთესო პიარ კამპანია ან ბლოგერი ქვეყნის შიდა ტურიზმის მხარდასაჭერად“. ნომინაციამ შეაფასა პიარ კამპანია, მის ორგანიზატორები და ბლოგები, რომელმაც პოზიტიური შთაბეჭდილება მოახდინა დამსვენებელზე, უბიძგა მათ დანიშნულების ადგილის მონახულებისკენ და ქვეყნის შიდა ტურიზმის ამუშავებას შეუწყო ხელი.
„ჩვენთვის ძალიან დიდი პატივია ჯილდოს მიღება. წლებია, ენერგიასა და მონდომებას არ ვიშურებთ, რომ საქართველოში შიდა ტურიზმის განვითარებას შევუწყოთ ხელი. ეს ჯილდო კი გახდება უდიდესი მოტივატორი, რომ ჩვენი საქმე სამომავლოდ კიდევ უფრო დიდი წარმატებით ვაკეთოთ. შიდა ტურიზმი არის მიმართულება, რომელსაც სტუმარმასპინძლობის განვითარებასა და საბოლოოდ, ქვეყნის ეკონომიკურ წინსვლაში განსაკუთრებული წვლილი შეაქვს. დიდი მადლობა ორგანიზატორებს, რომ ჩვენი შრომა დაფასდა. განახლებული ძალებითა და ენერგიით გავაგრძელებთ მუშაობას,“ - განაცხადა Hotsale-ს დირექტორმა თათული ზაკალაშვილმა.
როგორც პროექტის ორგანიზატორები განმარტავენ, მათი მიზანია, წაახალისონ ქართული ტურიზმისა და მასპინძლობის ინდუსტრია, ხელი შეუწყოს ამ სფეროში მომუშავე კომპანიებისა და ბრენდების ცნობადობის გაზრდას და უკეთ წარმოაჩინოს საქართველო საერთაშორისო ტურისტულ ბაზარზე. ტურიზმის ეროვნული ჯილდოს დამფუძნებელი მარინა ჩაიკა აღნიშნავს, რომ ბაზრის ყოველწლიური ანალიზის შედეგად ხდება ნომინაციების შექმნა და მონაწილეების გამოვლენა.
„საქართველოში პირველად 2011 წელს ჩამოვედი ტურისტული ვიზიტით. მას შემდეგ საქართველო მუდმივად ჩემს გონებაში იყო. ვხედავდი, რომ ტურიზმი ქვეყანაში ძალიან სწრაფად ვითარდებოდა და ბაზრის აქტორებისთვის დამატებითი მოტივაციის მიცემა იყო საჭირო. ამ მოტივაციას კი მათ ჯილდო, გაწეული შრომის დაფასება აძლევს. სამომავლოდ, პროექტი აუცილებლად გაგრძელდება. ჩვენ ყოველწლიურად ბაზრის ანალიზის შედეგად ვიკვლევთ, სად არის კონკურენცია და შესაბამისად, ვადგენთ ნომინაციებსაც. აღნიშნულით კონკურენციის ზრდასაც ვუწყობთ ხელს. კონკურენცია კი საბოლოოდ ხარისხს ზრდის. მომავალი წლისთვის სამედიცინო ტურიზმის მიმართულებით ვაპირებთ ნომინაციის დამატებას,“ - განაცხადა მარინა ჩაიკამ.
პროექტს დიდი მხარდაჭერა აქვს როგორც სახელმწიფოს, ასევე კერძო სექტორის მხრიდან. პროექტის თანაორგანიზატორია საქართველოს ეკონომიკისა და მდგრადი განვითარების სამინისტროს ტურიზმის ეროვნული ადმინისტრაცია.
სხვა სტატიები
.png)
Mind Up Olympiad 2025-ის ფინალი და დაჯილდოება
22 დეკემბერს ჩატარდა Mind Up Olympiad 2025-ის ფინალური ტური და დაჯილდოების ღონისძიება. ფინალურ ტურში მონაწილეობა მიიღო სამივე კატეგორიიდან ჯამში 32 გამორჩეულმა ფინალისტმა, ხოლო მთლიანობაში, ოლიმპიადაში 700-მდე ბავშვი მონაწილეობდა. ...
განაგრძე კითხვა
5284
2020 წლის მაკიაჟის 5 საინტერესო ტენდენცია
ზამთრის მაკიაჟს აქვს თავის საიდუმლოებები და ხრიკები იმისთვის რომ უფრო დახვეწილები ვიყოთ. ამ ყველაფერს ითვალისწინებენ ვიზაჟისტები და მაკიაჟის სპეციალისტები. მოდით დეტალურად გავიაროთ 2020 წლის ტენდენციების საუკეთესო ვარიანტები. 1) ყველაზე უჩვეუ...
განაგრძე კითხვა
18383
როგორ მივიღოთ სხეულის სასურველი ფორმა მარტივად ?
სხეულის ფორმა დიდ გავლენას ახდენს ადამიანის თვითშეფასებასა და თავდაჯერებულობაზე. სწორედ ამიტომ, ზაფხულის მოახლოებასთან ერთად უამრავი ადამიანი ფიქრობს, როგორ ჩადგნენ ფორმაში. ამასთან ერთად სურთ, რომ პროცესი იყოს სწრაფი და მარტივი. ...
განაგრძე კითხვა
34889
.jpg)
Hotsale.ge-სა და AI-ის კოლაბორაცია - ხელოვნური ინტელექტის გამოყენებით შექმნილი სიმღერა
დღევანდელ ციფრულ სამყაროში ინოვაცია წარმატების საწინდარია. Hotsale.ge, როგორც საქართველოს წამყვანი ელექტრონული კომერციის პლატფორმა, მუდმივად ცდილობს ტექნოლოგიური სიახლეების დანერგვასა და განვითარებას....
განაგრძე კითხვა
13720