-
კატეგორია
-
წყალტუბო
-
უბანი
-
კატეგორია
-
წყალტუბო
-
უბანი
როგორ შევაყვაროთ და რომელი წიგნები წავუკითხოთ ჩვენს პატარებს მათი ასაკის გათვალისწინებით
წიგნების კითხვის დაწყებას ფსიქოლოგები სიცოცხლის პირველი თვეებიდან გვირჩევენ, როცა ბავშვს ჯერ არც ესმის წაკითხულის აზრი. თუმცა ერთობლივი კითხვა პატარასთან მჭიდრო კონტაქტს გამყარებინებთ, ერთმანეთის გაგებას გასწავლით, პატარას ბევრი სხვადასხვა სიტყვა ესმის, რაც მომავალში სიტყვათა მარაგის გამდიდრებაში ეხმარება. განსაკუთრებით კარგია ამ დროს საბავშვო ლექსების კითხვა, რიტმულისა და მელოდიურის, რაც პატარას სმენისა და მეტყველების განვითარებაში ეხმარება. ბავშვებს უყვართ როდესაც თქვენს ყურადღებას აბსოლიტურად იპყრობენ, ხოლო წიგნის გითხვა ამის საშუალებას ნამდვილად გაძლევთ როგორც თქვენ, ასევე თქვენს პატარებსაც.
ბლოგში გაგიზიარებთ ფსიქოლოგების რჩევებს თუ რა ასაკში რომელი წიგნი შეგიძლიათ წაუკითხოთ შვილებს. მაშ ასე :
დაბადებიდან 12 თვემდე
ამ პერიოდში ვითარდება ბავშვის მხედველობა და თვალის სტრუქტურა, შესაბამისად გირჩევთ შეარჩოთ წიგნები მცირე ტექსტებით ან სულაც მხოლოდ ფერადი, მკვეთრი და ლამაზი ილუსტრაციებით. იგი სასურველია იყოს დიდი, დადებითი და კონტრასტული გამოსახულებებით სავსე. ასევე კარგი იქნება თუ თქვენი პატარებისთვის შეიძენთ წიგნებს რომლებსაც თან ახლავს ინტერაქციული ნივთები: თოჯინები, სარკე და სხვა სათამაშოები. ამ ასაკის ბავშვებისათვის წიგი ძირითადად ტონალობების აღქმისა და გარემოს ვიზუალიზაციის საუკეთესო წყაროა. მსგავსი ინტერაქციით პატარა ასევე აღიქვამს თქვენი ხმის ტემბრს, ეცადეთ იგი თბილი და არა მონოტონური იყოს, გაახმოვანეთ პერსონაჟები, ფოთლების შრიალი და ა.შ
6 თვის შემდეგ შესაძლოა თქვენმა პატარებმა უკვე შეეცადონ გარკვეული სიტყვების წარმოთქმა, ამ პროცესში იგი აუცილებლად შეეცდება თქვენს მიერ ხშირად ნათქვამი სიტყვებიც გაიმეოროს რომელსაც დაუტოვებთ მის სმენით მეხსიერებას.
13 დან 18 თვემდე
ამ ასაკიდან უკვე შეგიძლიათ ბავშვებს წაუკითხოთ წიგნები, რომლებიც არა მხოლოდ ილუსტრაციებს არამედ რამდენიმე წინადადებასაც შეიცავს მის გვერდებზე. იმისათვის რომ პროცესი მისთვის მოსაწყენი არ იყოს, პატარა სპექტაკლიც კი გაითამაშეთ, დაგვიჯერეთ წიგნთან ურთიერთობა მისთვის ნამდვილად საყვარელი და მხიარული საქმიანობა გახდება. გარდა ამისა თქვენ მას დაეხმარებით აღქმისა და ცნობიერის გამრავალფეროვნებაში, ბავშვი კიდევ უფრო მჭიდრო ინტელექტუალურ კავშირს დაამყარებს თქვენთან. ჩართეთ იგი აქტივობებში, ჰკითხეთ მაგალიტად რომელ ცხოველს ხედავს წიგნში, ან სულაც სად არის რეალობაში ის რასაც წიგნის ფურცლებზე ხედავს - სად აქვს ტავი, ცხვირი, თვალები თმა და ა.შ. 15 დან 18 თვემდე თქვენს პატარას უნდა შეეძლოს გიპასუხოთ კითხვაზე "რა არის ეს" , მოკლედ მაგრამ აღწეროს, როგორია ესა თუ ის ნივთი, მაგალითად "დიდი წითელი ვაშლი"
19 დან 24 თვემდე
ამ ასაკიდან თუ თქვენ წინა ეტაპები წარმატებით დანერგეთ და განახორციელეთ, უკვე მარტივი იქნება თქვენთვის შედარებით გართულებული ტექსტები, ლექსებისა და თუნდაც უკვე წაკითხული წიგნების კვლავ გადაკითხვა, ამ დროისათვის თქვენს პატარას უკვე ეყვარება თქვენი ინტელექტუალური ტრადიცია. აღსანიშნავია ისიც რომ 18 თვისან პატარებს მიდრეკილება აქვთ ამოიჩემონ საყვარელი წიგნი და მის ჩანაცვლებაზე მცირე პროტესტიც ჰქონდეთ, რადგან ის წარმოდგენებბი და მოგონება რაც ამ წიგნის ირგვლივ შეექმნათ სახალისო და საყვარელია მისთვის. ამ პროცესს დადებითი მხარეც აქვს, ნაცნობი მასალის გამეორება მათ სიტყვებისა და პერსონაჟების დასწავლაში უწყობს ხელს. შეგიძლიათ თამამად ასწავლოთ მხიარული რიტმული ლექსები ზღაპრები და სიმღერები.
ზოგიერთი მშობლისათვის აპრობირებული მეთოდია მუცლად ყოფნის დროსაც კი მოასმენინონ თავიანთ პატარებს სხვადასხვა ზღაპარი, კლასიკური მუსიკა თუ დედის საყვარელი მუსიკა. დამიჯერეთ მსგავსი თანმიმდევრული ნაბიჯებით აუცილებლად შეუწყობთ ხელს ბავშვის განვიტარებასა და მისთვის ჯანსაღი ფსიქიკური თუ ინტელექტუალური მდგომარეობის ჩამოყალიბებას.
ბლოგის კომენტარებში გაგვიზიარეთ თქვენი გამოცდილება, თქვენი პატარების საყვარელი წიგნები და აქტივობები, მშობლის ცხოვრებაში ხომ არაფერია შვილზე ძვირფასი და მნიშვნელოვანი.
სხვა სტატიები
პრემიუმ კლასის შეთავაზებები Hotsale.ge -სგან
ამიერიდან თქვენ შეგიძლიათ, მიიღოთ მოსაწვევით პრემიუმ კლასის შეთავაზებებზე, ჰოთსეილისგან! მოგეხსენებათ, ყველა წარმატებული ბიზნესი ლოიალურ და კმაყოფილ მომხმარებელზე დგას. ამასთან, მომხმარებლის ბედნიერების და შესაბამისად, ლოიალობის მიღწევა ადვილ...
განაგრძე კითხვა
8698
3 ძირითადი რჩევა: როგორ მოვამზადოთ სახის კანი ზამთრისთვის
სახის კანი პრობლემად, რომ არ იქცეს საჭიროა, შემოდგომის პირველი სუსხიანი დღიდან დავიწყოთ ზრუნვა მათზე. მოდის ზამთარი და იწყება თავის მოვლასთან დაკავშირებული გამოწვევები. სახის კანის დაზიანება და გამოშრობა პრობლემად რომ არ იქცეს საჭიროა, შემოდგომის პი...
განაგრძე კითხვა
10176
.jpg)
.jpg)
3 ღირსშესანიშნავი ადგილი კახეთში, რომელიც საქართველოს სხვა თვალით დაგანახებთ
საქართველო ერთ-ერთი ყველაზე მდიდარი ქვეყანაა თავისი მრავალფეროვანი კულტურით, ღირსშესანიშნავი ადგილებითა და ისტორიით. დღეს, კონკრეტულად, აღმოსავლეთო საქართველოს მშვენებაზე - კახეთზე - ვისაუბრებთ....
განაგრძე კითხვა
17899
.jpg)