-
კატეგორია
-
ნატახტარი
-
უბანი
-
კატეგორია
-
ნატახტარი
-
უბანი
რა წიგნებით დავაინტერესოთ ბავშვები თვითიზოლაციის პერიოდში?
რამდენიმე დღეა, კორონავირუსის პანდემიის გამო, მოქალაქეების დიდ ნაწილს
სახლიდან უწევს მუშაობა ან უბრალოდ, თვითიზოლაციაშია. ეს პროცესი
განსაკუთრებით მძიმეა ბავშვებისთვის, რომლებიც ბაღსა და სკოლებში აქტიურ
სოციალიზაციას არიან მიჩვეულები და ითხოვენ თანატოლებთან თამაშსა და გარეთ
გასვლას.
რეალურად, შესაძლებელია, ის დრო, რასაც სახლში ბავშვებთან ერთად ვატარებთ,
საინტერესოდ, სახალისოდ და შემეცნებითად გამოვიყენოთ. თუ დისტანციურად
მუშაობის ან თვითიზოლაციის პროცესს მომზადებულები ვერ შევხვდით,
ამ პრობლემას ონლაინ-პლატფორმები მოგვიგვარებენ, რადგან ისინი მზად არიან, ეს
არცთუ სასურველი, ნებაყოფლობითი გარემოსგან იზოლირება საინტერესო და
მრავალფეროვანი გახადონ როგორც ჩვენთვის, ისე ჩვენი ბავშვებისთვის.
ჩვენ ელექტრონული კომერციის პლატფორმა “რიდერსლენდთან” ერთად, ასაკობრივი
კატეგორიების მიხედვით შევარჩიეთ წიგნები, რომელიც ბავშვების ცხოვრებას
თვითიზოლაციის პერიოდში უფრო საინტერესოს გახდის. ამასთან, პლატფორმა მზად
არის, წიგნები სასურველ მისამართზე გამოგიგზავნოთ.
0-დან 3 წლამდე
თუ აქამდე ვერასდროს პოულობდით დროს, თქვენს პატარებთან ერთად, ახალი
აღმოჩენები გაგეკეთებინათ, ეს ორი ფერადი და სახალისო წიგნი, რომელიც 0-3 წლის
ბავშვებისთვის არის განკუთვნილი, ამ პრობლემას მოგიგვარებთ.
“პირველი სიტყვები” - ეს არის 10 პატარა წიგნის სკოლამდელი ასაკის
ბავშვებისთვის, რომელიც მშობელთან ან აღმზრელთან ერთად უნდა დაათვალიერონ
და ახალი აღმოჩენები გააკეთონ, გაეცნონ, რომელი დასახელების ნივთს, მცენარესა
თუ გარემოში არსებულ სხვა მატერიას რა სახელით მოვიხსენიებთ.
“ჩემი პირველი 100 ცხოველი” - როგორც წესი, ბავშვების დიდ ნაწილს ცხოველთა
სამყარო აინტერესებთ, უყვართ თავიანთი რბილი სათამაშოები, რომლებსაც დათვის,
ძაღლის, კატის თუ სხვა ცხოველის ფორმა აქვს. ეს წიგნი - ჩანთა მათ საყვარელ
კოლექციას უფრო საინტერესოს გახდის, ამასთან, მათი ასაკის შესაბამისად
შეიმეცნებენ ფაუნის ახალ წევრებს.
3-დან 6 წლამდე
ამ ასაკშიც ბავშვებს მარტივ და მათი ასაკისთვის შესაბამის ინფორმაციას ვაწვდით.
რაც მთავარია, ეს წიგნები უნდა იყოს ფერადი, რომ სახლში მოწყენილობისგან
დაღლილი პატარების ყურადღება მიიპყროს.
“ანბანთქება” - თამრი ფხაკაძის ლექსების კრებული, რომელიც ფერად, ბალიშა
წიგნშია მოცემული და პატარებს სხარტი და მხიარული ლექსებით გაართობს.
“ჩემი პირველი კითხვების და პასუხების წიგნი” - ამ ასაკობრივ კატეგორიაში ბავშვი
ყველაზე მეტ კითხვას სვამს, მას ყველაფერი აინტერესებს: რამხელაა სპილო? საიდან
იქმნება ძაბვა? რატომ აშენებენ ციხესიმაგრეებს ბორცვებზე? ასეთ კითხვებს
პატარები ხშირად სვამენ. წიგნში პასუხი ყველა კითხვაზეა გაცემული. მარტივი
ამოცანები კი რაც ამ წიგნშია მოცემული ბავშვის მიერ უკვე წაკითხულ მასალას
ამოწმებს მშვენიერი ილუსტრაციები კი შემეცნების პროცესს უფრო საინტერესოსა და
სახალისოს ხდის.
6-დან 9 წლამდე
სკოლის მოსწავლეები ძალიან მარტივი წიგნების მიმართ ხანდახან უფრო
კრიტიკულები არიან ხოლმე, ისინი თავს უფრო “დიდად” გრძნობენ, ამიტომ
გადავწყვიტეთ, მათთვის შესაფერისი, უფრო “დიდების” წიგნები შეგვერჩია,
რომელიც კითხვას შეაყვარებთ:
“სამი ზღაპარი” - ძმები გრიმებისა და ვილჰელმ ჰაუფის უკვდავი ზღაპრები, რომელიც
ათწლეულებია, იბეჭდება და ყოველთვის იწვევს ბავშვების ინტერესს. ეს მარტივად
ჩახლართული და საინტერესო ისტორიებია, რომელიც მსოფლიოს მასშტაბით დიდი
პოპულარობით სარგებლობს.
“ჰერაკლე უძლიერესი ადამიანი და სხვა ბერძნული მითები” - ჰერაკლე და ბერძნული
მითები არაერთი ცნობილი ანიმაციური ფილმის შთაგონება გამხდარა, ამიტომ ეს
ცნობილი სახელი 6-9 წლის ბავშვებისთვის საინტერესო უნდა იყოს. შეიძლება, ის
ისტორიებიც იპოვნონ, რაც მულტიპლიკაციურ ფილმებში უნახავთ.
9-დან 12 წლამდე
“ტომ სოიერის თავგადასავალი და ჰეკლბერი ფინის თავგადასავალი” - მარკ ტვენის
ნაწარმოებების ყველასთვის საყვარელი გმირები ახლა უკვე ილუსტრირებულ
გამოცემებშია, რაც ბავშვებს ორივე პერსონაჟის ცხოვრების წარმოდგენას კიდევ
უფრო უმარტივებს. თუ გადატვირთული სასწავლო გრაფიკის გამო ბავშვმა აქამდე
მათი წაკითხვა ვერ შეძლო, ახლა სწორედ შესაფერისი დროა.
“განძის კუნძული” - რობერტ ლუის სტივენსონის ასევე უკვდავი ნაწარმოები,
რომელიც მისტკურ, ხიფათით აღსავსე და საინტერესო ისტორიებს მოიცავს.
შეუძლებელია, მისი კითხვა დაიწყო და ყურადღება სხვა რამეზე გადაიტანო.
სხვა სტატიები
Hotsale.ge-ს საჩუქრები სტუმრებისთვის და სადღესასწაულო ღონისძიება „პალიტრა მედია ჰოლდინგში“
ქალთა საერთაშორისო დღის აღსანიშნავად, „პალიტრა მედია ჰოლდინგის“ სათაო ოფისში საზეიმო ღონისძიება გაიმართა. პოზიტიურ გარემოში კომპანიის თანამშრომლებმა ერთმანეთს დღესასწაული მიულოცეს და პოზიტიური ემოციები გაუზიარეს. ...
განაგრძე კითხვა
4371
"რის ხარჯზე ვზოგავთ hotsale.ge-ზე"
hotsale.ge-ს დანიშნულებაა მოსახლეობაში დანაზოგების სტიმულირება.- თქვენ იტყვით, რომ ამბიციური მიზანია, თუმცა ის მიღწევა ჩვენი მომხმარებლისთვის, რაც შეიძლება მეტი მომსახურების და პროდუქციის შეთავაზებით, რაც შეიძლება დაბალ ფასად, თან ისე, რომ მომსა...
განაგრძე კითხვა
20184
.jpg)
როგორ მოვუწყოთ ბავშვს ჯადოსნური დაბადების დღე მაღალი დანაზოგით
ყველა ბავშვებისთვის დაბადების დღე ის დღესასწაულია, რომელსაც თითქმის მთელი წელი ელოდებიან და ყველაზე ბედნიერად გრძნობენ თავს. ვინაიდან ასოცირდება ზღაპრულ, დაუვიწყარ ემოციებთან, გართობასთან და უამრავ საჩუქართან. ეს დღე არანაკლებ ემოციური და მნიშვნელოვა...
განაგრძე კითხვა
47104
 (9).png)
Best Time to Visit Georgia Country – Weather, Seasons & Travel Tips
If you’re dreaming of scenic mountain views, ancient cities, and delicious food, Georgia (the country) is the destination for you. But before booking your flight, many travelers ask: “What is the best time to visit Georgia country?”...
განაგრძე კითხვა
28863
სად შევიძინოთ ტექნიკის პრემიუმ ბრენდები მნიშვნელოვანი დანაზოგით
საყოფაცხოვრებო ტექნიკას პერიოდულად განახლება სჭირდება, თუმცა საკმაოდ დიდ ხარჯებთან არის დაკავშირებული. წარმატებული ბრენდები ყოველწლიურად უფრო თანამედროვე, გაუმჯობესებულ და მრავალფუნქციურ ტექნიკას გვთავაზობენ და ჩვენც გვსურს, მათი უპირატესობებით ვისარ...
განაგრძე კითხვა
26152
კავიტაცია, RF ლიფტინგი, ლიპოლიტიკი - როგორ მიიღოთ სხეულის სასურველი ფორმა მარტივად!
ზაფხულის მოახლოვებასთან ერთად, უამრავი ადამიანი ფიქრობს, თუ როგორ მოიყვანოს სხეულის ფორმა წესრიგში, როცა წინ უამრავი ბარიერია - სამსახური, სწავლა, ოჯახი, უძილობა, სტრესი, არაჯანსაღი საკვების მიღება და ა.შ. ყოველივე ამის გამო, არ გვრჩება დრო მეტ...
განაგრძე კითხვა
42048