-
Kатегория
-
გურჯაანი
-
Раион
-
Kатегория
-
გურჯაანი
-
უბანი
ზამთრის კურორტები საქართველოში
ზამთარი საქართველოში განსაკუთრებულია, ის მდიდარია ზამთრის კურორტებით, რომლებიც სათხილამურო სპორტისა და დასვენების მოყვარულთათვის იდეალურია. თუ ხარ ადამიანი, რომლისთვისაც თოვლით დაფარული მთები და სუფთა ჰაერი განტვირთვისა და დასვენების საუკეთესო ვარიანტია, მაშინ გუდაური, ბაკურიანი და მესტია სწორედ შენთვისაა.
გუდაური მდებარეობს თბილისიდან დაახლოებით 120 კილომეტრში და ზღვის დონიდან 2,000 მეტრზე. ეს კურორტი პოპულარულია თხილამურებისა და სნოუბორდის მოყვარულთათვის, რადგან აქ 70 კილომეტრზე გადაჭიმული ტრასებია, რომლებიც ყველა დონის გამოცდილების მქონე ადამიანისთვისაა განკუთვნილი. გუდაურში სრიალის გარდა შესაძლებელია ჰელისკინგი, ფრირაიდინგი და პარაპლანით ფრენა. აქტიური დღის შემდეგ, დამსვენებლებს შეუძლიათ ისიამოვნონ ბარებითა და რესტორნებით, სადაც ტრადიციული ქართული კერძები და ღვინო დაგხვდებათ…გუდაური გამორჩეული ადგილია ზამთრის სპორტის მოყვარულთათვის და თავგადასავლების მაძიებლებისთვის.
ბაკურიანი მდებარეობს ბორჯომის რაიონში და იდეალურია ოჯახური დასვენებისთვის. კურორტი მთელ წელს იზიდავს ტურისტებს, მაგრამ განსაკუთრებით პოპულარულია ზამთარში.ბაკურიანი ყველა დონის მოთხილამურეებსა და სნოუბორდისტებს ემსახურება. კურორტს აქვს სამი განსხვავებული სათხილამურო ზონა: დიდველი, კოხტა და მიტარბი, რომლებიც განსაკუთრებით პოპულარულია. ბავშვებისა და დამწყებებისთვის სპეციალური სასრიალო ტრასები და სათხილამურო სკოლებია, რაც კურორტს კიდევ უფრო მიმზიდველს ხდის. აქ ასევე არის გასართობი პარკები, სადაც პატარები მშვენივრად გაერთობიან. ბაკურიანის ერთ-ერთი მთავარი უპირატესობა მისი მდებარეობაა ბორჯომის ნაკრძალთან ახლოს. აქ შეგიძლიათ დატკბეთ მინერალური წყლებით, სუფთა ჰაერით და ულამაზესი ბუნებით, რაც ზამთრის დასვენებას კიდევ უფრო სასიამოვნოს ხდის.
მესტია სვანეთის რეგიონში მდებარეობს და გამოირჩევა ულამაზესი ბუნებითა და მდიდარი კულტურული მემკვიდრეობით. მესტია და მის გარშემო მდებარე კურორტები, როგორებიცაა თეთნულდი და ჰაწვალი, ზამთარში განსაკუთრებით პოპულარულია. მოთხილამურეებისთვის და ალპინისტებისთვის ეს რეგიონი შესანიშნავი არჩევანია სხვადასხვა სირთულის მქონე სასრიალო ტრასებისა და მწვერვალების დასაპყრობად.
ჰაწვალი მესტიიდან 8 კილომეტრში მდებარეობს და გთავაზობთ 5 სასრიალო ტრასას, რაც დამწყებთათვისაც და პროფესიონალთათვისაც შესაფერისია. აქ არის ორი საბაგირო და ღამის სრიალის შესაძლებლობა, რაც სეზონისა და ამინდის პირობებზეა დამოკიდებული.
თეთნულდი, რომელიც მესტიიდან 15 კილომეტრში მდებარეობს, ამიერკავკასიაში ყველაზე გრძელი სასრიალო ტრასებით გამოირჩევა. მისი სიმაღლე მერყეობს 2260-დან 3160 მეტრამდე, რაც უზრუნველყოფს თოვლის კარგ ხარისხსა და სრიალის ხანგრძლივ სეზონს.
მესტიაში ასევე შეგიძლიათ მოინახულოთ სვანეთის უნიკალური კოშკები და ეთნოგრაფიული მუზეუმი, რაც თქვენს ვიზიტს კიდევ უფრო დასამახსოვრებელს გახდის.
Hotsale.ge გთავაზობთ განსაკუთრებულ შეთავაზებებს ზამთრის კურორტებზე. აქ შეგიძლიათ იპოვოთ თქვენთვის სასურველი შეთავაზებები, რომლებიც თქვენს მოთხოვნებსა და ბიუჯეტს შეესაბამება.
სხვა სტატიები
.jpg)
პრემიუმ ტიპის სასტუმრო მაღალი დანაზოგით: ”შატო კვირიკე • CHATEAU KVIRIKE”
დანაზოგების მასშტაბური პლატფორმა Hotsale.ge და სასტუმრო “შატო კვირიკე • CHATEAU KVIRIKE” წელებია აქტიურად თანამშრომლობენ, ამ მეგობრობის საფუძველზე კი საიტის მომხმარებლებს აქვთ საშუალება დაისვენონ პრემიუმ ტიპის სასტუმროში მაღალი დანაზ...
განაგრძე კითხვა
6953
როგორ გავირუჯოთ სწორად და უსაფრთხოდ
რუჯის მიღებამდე ჯობს, რომ დალიოთ ნატურალური წვენები და წყალი, რათა თავიდან აიცილოთ გაუწყლოვანება. მზემ რომ არ გვავნოს, თანდათანობით უნდა გაირუჯოთ. პირველ ჯერზე 20 წუთიც კი საკმარისია. გარუჯვამდე საჭიროა მოამზადოთ კანი, წინა დღეს გაიხეხეთ მთ...
განაგრძე კითხვა
11858
სად გავატაროთ დასვენების დღეები ქალაქიდან გაუსვლელად, ან ქალაქთან ახლოს
დამღლელი სამუშაო კვირის მიწურულს, ყველას უნდა დასვენება. „უიქენდის“ სასიამოვნოდ გატარების შემდეგ, კვლავ ვივსებით ახალი ენერგიით და სამსახურს კარგი განწყობით ვუბრუნდებით. მაგრამ სად ჯობს წასვლა დასვენების დღეებში? გთავაზობთ რამდენიმ...
განაგრძე კითხვა
11213
სასტუმრო „კუნძული“ - უნიკალური დასასვენებელი სივრცე კახეთში.
სასტუმრო „კუნძული“—კახეთისრეგიონში, ილიასტბაზე მდებარეობს. უნიკალური დასასვენებელიკომპლექსი, რომელიც 9 მყუდრო და ელეგანტურ კოტეჯს აერთიანებსუზრუნველყოფილიაკომფორტული დასვენებისთვის საჭირო ყველა ინვენტარითა დამომსახურების სერვისით.ინ...
განაგრძე კითხვა
4407