-
Kатегория
-
Уреки
-
Раион
-
Kатегория
-
Уреки
-
უბანი
როგორ შევაყვაროთ თინეიჯერებს კითხვა
თინეიჯერობის ასაკი არც ისეთი მარტივია, როგორც ზრდასრულ ადამიანებს ეჩვენებათ. ეს არის თვითგამორკვევის, სიახლეების ძიების, მეამბოხე სულისკვეთების პერიოდი, როდესაც თავს ზრდასრულად გრძნობ, თუმცა, ხშირად გიჭირს განსაზღვა გარკვეული სირთულეების. ვერ ხვდები, რომელია სწორი გზა და როგორია ის რეალობა, რომელიც არც ისეთი კეთილი და ლმობიერია, როგორადაც ეს მოზარდებს ეჩვენებათ.
წიგნების კითხვა ერთ-ერთი საუკეთესო საშუალებაა, რომ მათი ყურადღება გადავრთოთ მნიშვნელოვანი თემებისკენ, წიგნის პერსონაჟების გამოცდილებით დავანახოთ, თუ რა შეიძლება მოჰყვეს სწორ ან არასწორ ქმედებებს. ამისთვის ჩვენ გთავაზობთ, ტოპ 5 თინეიჯერულ წიგნს, რომელიც მათ კითხვას შეაყვარებს და თანატოლების ყველა მნიშვნელოვან პრობლემას უმტკივნეულოდ და შეპარვით დაანახებს.
#1 რეიჩელ ლიპინკოტი - "ორი ნაბიჯი შენამდე"
შეიძლება გიყვარდეს ის, ვისაც ვერასდროს შეეხები? - ეს კითხვა ლაითმოტივად გაჰყვება ამ შესანიშნავ რომანს, რომელიც მოგვითხრობს ორი თინეიჯერის რომანტიულ თავგადასავალზე. წინ არის წამოწეული ჯანმრთელობის პრობლემები და უამრავი სირთულე, რომელიც ამ ყველაფერს თან ახლავს. ავტორი, საკმაოდ ემოციურად და რეალისტურად აღწერს თითოეული პერსონაჟის განცდებს, ემოციებს, რომ ზოგჯერ ყველაზე სანატრელი რამ შენს გვერდითაა, მაგრამ არ შეგიძლია, რომ მისწვდე.
#2 რეინბოუ რაუელი - „ელინორი და პარკი“
.png)
ეს არის ისტორია ერთი წითური გოგონას შესახებ, რომელსაც რთული თინეიჯერობა აქვს. დედა რომელიც სკეპტიკურადაა მის მიმართ განწყობილი, მამინაცვალი რომელიც მოძალადეა და თანატოლები, რომლებიც მუდმივად აბულინგებენ. ამის გამო ელინორი ჩაკეტილი მოზარდია, მუდმივად მუსიკებს უსმენს და თავის პატარა სამყაროში ცხოვრობს. თუმცა, ამ სამყაროში მარტო არასდროს რჩები, შენ შესადარს ბედისწერა გამოგიგზავნის, თუ მოთმინებით დაელოდები. პარკი კი სწორედ ის ადამიანია, რომელიც ელინორს შემთხვევით აღმოაჩენს, ნელ-ნელა დაუმეგობრდება და ცხოვრებას ახალი თვალით დაანახებს.
#3 სტეფანი ოუკსი - „მინაუ ბლაის წმინდა ტყუილები“
.png)
თუ გაინტერესებს, როგორია ცივილიზაციისგან მოწყვეტილი თინეიჯერი გოგონას ცხოვრება, რომელიც თემში ცხოვრობს და დაუნდობელ კანონებს ემორჩილება, მაშინ ეს წიგნი საუკეთესო არჩევანია. მისტიური და ჩამთრევი ისტორია მინაუ ბლაის შესახებ, რომელიც გამბედაობას იჩენს და უპირისპირდება მის ირგვლივ არსებულ „სიბნელეს“, თუმცა, სინათლის ძიებაში მას ადამიანებისადმი რწმენა ნელ-ნელა უქრება.
#4 ჯენი ჰანი - „ყველა ბიჭს, რომლებიც მყვარებია“
.png)
16 წლის ლარა-ჯინს თავისი გრძნობების შესახებ ხმამაღლა საუბარი უჭირს, ამიტომ, მუდმივად წერს წერილებს თავისი განცდების შესახებ, თუმცა, დარწმუნებულია, რომ ადრესატები მათ ვერასდროს მიიღებენ. მაგრამ რა მოხდება, თუ პატარა და ამ ჩანახატებს იპოვის და სააშკარაოზე გამოიტანს? 5 ბიჭი, რომლებიც ოდესმე ჰყვარებია და მხოლოდ ერთი მათგანი, რომელიც ლარა-ჯინს ისეთ შეიყვარებს როგორიცაა. ლამაზი ისტორია ორი მოზარდის შესახებ, რომლებიც სხვადასხვა სამყაროს ეკუთვნიან, თუმცა, უამრავი საერთო აქვთ.
#5 ჯეიმზ დაშნერი - ”ლაბირინთში მორბენალი”
.png)
თუ მისტიური ამბები და ფენტეზი გიყვარს, ”ლაბირინთში მორბენალი” იდეალური წიგნია. ესაა ისტორია იმ თინეიჯერებისა, რომლებსაც მეხსიერება დაკარგული აქვთ, საკუთარი სახელიც არ ახსოვთ, არა თუ ის საიდან მოვიდნენ და რას აკეთებენ ამ ლაბირინთში. ერთადერთი, რაც მუდმივათ უნდა ახსოვდეთ: თუ გსურს გადარჩე, უნდა ირბინო და არ გაჩერდე! იმოგზაურე მოულოდნელებით სავსე ლაბირინთში, რომლისგანაც თავის დაღწევა ჯერ ვერავინ მოახერხა.
სხვა სტატიები
70%-მდე დანაზოგი ყველა პროდუქტსა და მომსახურებაზე ხვალიდან Hotsale.ge-ზე Black Friday იწყება!
21 ნოემბრიდან Hotsale.ge-ზე სხვადასხვა სერვისისა თუ პროდუქტის შეძენისას კიდევ უფრო მეტი დანაზოგის გაკეთება გახდება შესაძლებელი. Black Friday-ს ფასები გავრცელდება როგორც სილამაზის, ისე თავის მოვლის, კვების, ტექნიკის, საახალწლო, საგანმანათლებლო, სამედ...
განაგრძე კითხვა
25506
.jpg)
Smart Saving Tips for Your Trip to Georgia: Unlocking Discounts with Hotsale.ge
Georgia, a gem nestled in the Caucasus region, boasts a rich tapestry of history, culture, and natural beauty that draws travelers from around the globe. From the majestic peaks of the Caucasus Mountains to the charming cobbled streets of its histori...
განაგრძე კითხვა
26556
5 გზა, რომელიც ბავშვებს პანდემიისგან გამოწვეულ მოწყენილობას დაავიწყებს
ქართულ ფილმში „თოჯინები იცინიან“ ერთ-ერთი პერსონაჟი ამბობს, რომ ბავშვი ადრე „გონებაჩლუნგი“ მხოლოდ იმიტომ იყო, რომ მას სათამაშო არ ჰქონდა. ეს მოსაზრება რამდენად ახლოსაა სიზუსტესთან არ ვიცით, მაგრამ ეს ფაქტი, რომ კარგად შერჩეული...
განაგრძე კითხვა
31951
ტოპ 5 ეგზოტიკური ადგილი საქართველოში, რომელსაც აუცილებლად უნდა ეწვიო
პანდემიამ საშულაება მოგვცა, რომ კიდევ ერთხელ დავფიქრებულიყავით საქართველოს იმ კუთხეებზე, რომელსაც იშვიათად ვსტუმრობთ ხოლმე. ნებისმიერი გემოვნების ადამიანისათვის გამოინახება ისეთი ადგილი, რომელიც შენს სურვილებსა და მოლოდინებს არა თუ ესადაგება, არამედ ...
განაგრძე კითხვა
42749
რა ვაჩუქოთ საყვარელ ადამიანს დაბადების დღეზე
საყვარელი ადამიანის გახარება, ალბათ, ერთ-ერთი ყველაზე სასიამოვნო პროცესია. ერთი შეხედვით, თითქოს, რთული ჩანს ისეთი საჩუქრის არჩევა, რომელიც მის კრიტერიუმებს დააკმაყოფილებს. სინამდვილეში, ერთადერთი რისი ცოდნაც გჭირდებათ, მისი გემოვნებაა, დანარჩენზე კი...
განაგრძე კითხვა
28614
