-
Kатегория
-
Бакуриани
-
Раион
-
Kатегория
-
Бакуриани
-
უბანი
Hotsale.ge-მ „პრო ბონო მარათონი 2024“-ში მიიღო მონაწილეობა
17 აპრილს, სასტუმრო „ჯინჯერში“, საქართველოს სტრატეგიული კვლევებისა და განვითარების ცენტრის (CSRDG) ორგანიზებით, „საქართველოს პრო ბონო ქსელისა“ და მათი პარტნიორების რიგით მეხუთე “პრო ბონო მარათონი” გაიმართა.
მიმდინარე წლის მარათონის ფარგლებში, 10 კომპანიის 30-ზე მეტმა პრო ბონო კონსულტანტმა, საზოგადოების სასიკეთოდ მომუშავე 7 ორგანიზაციისთვის საკომუნიკაციო კამპანია მოამზადა. აღნიშნული კამპანია მათ დაეხმარება უფრო ეფექტიანად განახორციელონ საკუთარი საქმიანობა და საზოგადოების კიდევ უფრო დიდ ნაწილს გაუზიარონ ინფორმაცია საკუთარი პროექტებისა თუ ორგანიზაციის შესახებ.
Hotsale.ge წელს პირველად გახდა პროექტის მონაწილე. კომპანიის ბრენდის განვითარების ხელმძღვანელმა, ლანა ცხადაძემ აღნიშნა, რომ მათთვის მონაწილეობა ძალიან საინტერესო იყო.
“Hotsale.ge წელს პირველად შეუერთდა “პრო ბონო მარათონს”. მოხარულები ვართ, რომ ამ შესანიშნავი პროექტის მონაწილე გავხდით და საშუალება მოგვეცა, ჩვენი გამოცდილება სოციალური საწარმო “პოტერიასთვის გაგვეზიარებინა”, - განაცხადა ლანა ცხადაძემ.
მარათონში Hotsale.ge-სთან ერთად შემდეგი კომპანიები მონაწილეობენ: :„ეისითი“; „ჯი პი აი ჰოლდინგი“; „საქართველოს ბანკი“; „კრედო ბანკი“; „ფაშა ბანკი“; „ემბისი“; “თეგეტა ჰოლდინგი”; „რემაინდერი“ „თინარტი“. მათ პრო ბონო მხარდაჭერა შემდეგ სამოქალაქო ორგანიზაციებს გაუწიეს : „პოტერია“, „კახეთის სამხარეო განვითარების ცენტრი“, „თანადგომა“, „ეთნოდიზაინი“, „ჩუ“, „ტექ გოგო“, „ბაბალე“.
მარათონს წინ უძღოდა რამდენიმეკვირიანი მოსამზადებელი სამუშაო პროცესი, როდესაც პრო ბონო კონსულტანტები და სამოქალაქო ორგანიზაციები ერთობლივად ათანხმებდნენ საკომუნიკაციო კამპანიის დეტალებს. 17 აპრილს კი, 10-საათიანი მარათონის ფარგლებში მომზადდა სტრატეგიის საბოლოო პრეზენტაცია.
"საქართველოს პრო ბონო ქსელი" წარმოადგენს საქართველოში მოქმედი იმ ადგილობრივი და საერთაშორისო კომპანიების არაფორმალურ გაერთიანებას, რომელთაც სურთ საკუთარი პროფესიული რესურსების პრო ბონოდ (უსასყიდლოდ) გამოყენება საზოგადოების სასიკეთოდ. "საქართველოს პრო ბონო ქსელი" ოფიციალურად დაარსდა 2015 წლის ოქტომბერში "საქართველოს სტრატეგიული კვლევებისა და განვითარების ცენტრის" (CSRDG) ინიციატივით, ფონდ MitOst e.V., ფონდ BMW Herbert Quandt-ისა და ფონდ Taproot-ის თანადგომით.
სხვა სტატიები
ცნობილი მწერლების საყვარელი წიგნები
ლიტერატორების უმეტესი ნაწილი თვლის, რომ წერის კულტურის განვითარებისთვის საუკეთესო საშუალება წიგნების კითხვაა. ალბათ, ამაში თქვენც დაეთანხმებით, რადგან სხვადასხვა კულტურის წარმომადგენელი მწერლების შემოქმედება, იმაზე მეტს გვასწავლი და შთაგვაგონებს, ვიდ...
განაგრძე კითხვა
8806
როგორ განვიტვირთოთ მძიმე სამუშაო დღის შემდეგ
სტრეს სხვადასხვა სიმძლავრით ყველა ადამიანი განიცდის ცოხვრების გარკვეულ ეტაპზე. ის ხელს გვიშლის, რომ ვიყოთ უფრო პროდუქტიულები, ლაღები და გაბედულები. ამერიკელი ფილოსოფოსი უილიამ ჯეიმსი ამბობს - „დაძაბულობა ჩვევაა. დასვენება ჩვევაა. ცუდი ჩვევების ...
განაგრძე კითხვა
13658
კომპანიის ცნობადობის ამაღლების უნიკალური საშუალება - Hotsale-ის შეთავაზება ბიზნესებს
ცნობადობის ამაღლების, ლოიალური მომხმარებლების რაოდენობისა და შემოსავლის ზრდის სხვადასხვა შესაძლებლობა არსებობს, თუმცა დანაზოგების ყველაზე პოპულარული პლატფორმა Hotsale.ge მათ შორის ერთ-ერთი ყველაზე გამორჩეულია....
განაგრძე კითხვა
7661
.jpg)
5 Family-Friendly Attractions in Georgia You Can’t Miss
Georgia is a country known for its stunning landscapes, rich history, and vibrant culture. Whether you’re looking for adventure or relaxation, there’s something for every family to enjoy. From ancient cities to breathtaking natural wonder...
განაგრძე კითხვა
1545
