-
Kатегория
-
ახმეტა
-
Раион
-
Kатегория
-
ახმეტა
-
უბანი
.jpg)
ექსტრემალური სპორტის სახეობები საქართველოში
საქართველო გამოირჩევა ექსტრემალური სპორტის სახეობების მრავალფეროვნებით. თქვენ შეგიძლიათ დაკავდეთ როგორც სამთო, ისე საზღვაოსნო, სამდინარო და საჰაერო სათავგადასავლო სპორტის სახეობებით. ქართული ბუნება შესაძლებლობას გვაძლევს ადამიანმა ცხოვრებაში ერთხელ მაინც გამოსცადოს ადრენალინის მოჭარბებული ექსტრიმი და გაატაროს ერთი დაუვიწყარი დღე თავგადასავლებით.
ქვემოთ ჩამოთვლილია ის ექსტრემალური სპორტის სახეობები, რომლითაც შეგიძლიათ საქართველოში დაკავდეთ.
საცხენოსნო ტურები
საქართველოს მთიანი ზონა გამოირჩევა საცხენოსნო ტურებით. მსგავს ტურებს მრავლად შეხვდებით საქართველოს თითქმის ყველა მთიან კუთხეში - ეროვნულ პარკებში, ხეობებში ან მანქანისთვის მიუვალ ადგილებში.
თუშეთის ექსტრემალური გზა
როგორც წესი, ყველა ქვეყანაში შევხვდებით ექსტრემალურ გზებს, მაგრამ საქართველოში მდებარეობს მსოფლიოში ერთ-ერთ ყველაზე საშიშ და რისკიან გზად მიჩნეული თუშეთის გზა, რომელიც მრავლად იზიდავს ტურისტებს. იგი დაახლოებით 85 კმ სიგრძისაა. ხოლო გზის არასახარბიელო მდგომარეობის გამო ხშირად კეტავენ. თუ თქვენ ამ მარშრუტს დაადგებით, სწორად უნდა შეარჩიოთ ავტომობილი, რომელსაც შეეძლება ასეთ რთულ პირობებში თქვენი უსაფრთხოდ გადაყვანა. მგზავრობის დრომ შეიძლება 12 საათამდეც კი წაიღოს.
სათხილამურო სპორტი
საქართველოში მრავლადაა სამთო-სათხილამურო სპორტული სახეობები. თუკი ზამთარში ეწვევით ყველასთვის ცნობილ და პოპულარულ სამთო კურორტებს - გუდაურსა და ბაკურიანს, შეგეძლებათ დაკავდეთ თხილამურებით სრიალით. ამ კურორტებზე თხილამურობისთვის შესაბამისი ტრასები და ინფრასტრუქტურაა გამოყოფილი.
ველოტური
ველოსიპედით სეირნობა ჯანსაღი ცხოვრების წესის ერთ-ერთი შემადგენელი ნაწილია. საქართველოში იზრდება იმ ადამიანების რაოდენობა, ვინც ველოტურებს გეგმავს ექსტრემალურ მარშრუტზე. ეწყობა დაორგანიზებული და სამოყვარულო ველო ტურები მთელი საქართველოს მასშტაბით. ეს სპორტის სახეობა იძლევა საშუალებას, რომ თქვენს მეგობრებთან ერთად მოიწყოთ დაუვიწყარი თავგადასავალი.
პარაპლანით ფრენა
ასევე უხვად მოგანიჭებთ ჰაერში ფრენის გასაოცარ განცდებს. სპორტის ამ სახეობას საქართველოში დიდხნიანი ისტორია აქვს. საქართველოში არსებობს პარაგლაიდინგის ფედერაციაც, რომელიც გთავაზობთ სპეციალურ ფრენებს. პარაპლანით ფრენა საქართველოში რამდენიმე ლოკაციაზეა შესაძლებელი, მათ შორის, თბილისის ზღვაზე, სიღნაღში გუდაურში და სხვა.
სხვა სტატიები
როგორ ავიღოთ მართვის მოწმობა მარტივად
პანდემიის პირობებში, როდესაც მუნიციპალური ტრანსპორტი შეზღუდულია, კერძო მანქანის ფლობა აქტუალურ საკითხად იქცა. თუმცა, ამ ამბავში ყველაზე მთავარი, დამერწმუნებით რომ, მართვის მოწმობაა, რომელიც გულისხმობს სწორი პრაქტიკული უნარების ფლობასა და თეორიულ ცოდნ...
განაგრძე კითხვა
28637
.jpg)
 (1).png)
Როგორ განვიტვირთოთ შაბათ-კვირას?
მონოტონური და დატვირთული სამუშაო კვირის შემდეგ გადაიწვი? დაგეგმე ამ შაბათ-კვირას იჯახის წევრებთან ან მეგობრებთან ერთად აქტივობა, რომელიც კომფორტის ზონიდან გამოგიყვანს. ჩვენ კი გაგიზიარებთ რამოდენიმე ადგილს, სადაც საყვარელ ადამიანებთან ერთად დროს სასი...
განაგრძე კითხვა
15193
.jpg)
7 აუცილებლად სანახავი ადგილი ბორჯომში
ბორჯომი — ქალაქი და კურორტი აღმოსავლეთ საქართველოში, ბორჯომის მუნიციპალიტეტის ადმინისტრაციულ ცენტრი. ულამაზესი ტყეები, ალპური მდელოები, ფლორისა და ფაუნის მრავალფეროვნება და საოცარი ხედები გულგრილს არავის ტოვებს. ბორჯომი საინტერესოა კულტ...
განაგრძე კითხვა
8824