-
Kатегория
-
ასურეთი
-
Раион
-
Kатегория
-
ასურეთი
-
უბანი
5 საუკეთესო წიგნი საახალწლო საჩუქრად
ახალი წელი ახლოვდება და დროა სამზადისს შევუდგეთ. თუ ჯერ არ იცი, საყვარელი ადამიანი რით გაახარო ან რა აჩუქო, მაშინ იცოდე, რომ წიგნი ერთ-ერთი საუკეთესო არჩევანია. წიგნების დახმარებით ადამიანებს ჩუქნი ემოციებს, გამოცდილებას და რაც ყველაზე მთავარია ცოდნას. აბა მითხარი, ამაზე კარგი რა შეიძლება იყოს?!
5 საუკეთესო წიგნი, რომელიც სასაჩუქრე სიაში შეგიძილია შეიტანო და დარწმუნებული იყო, რომ საყვარელ ადამიანს გააბედნიერებ.
#1 მეი მასკი - "ქალი ისახავს მიზანს"
ახალი წელი ახალი გეგმებისა და მიზნების დასახვისთვის საუკეთესო პერიოდია. მეი მასკი ეს ავტობიოგრაფიული ნაწარმოები კი სწორედ იმ გზას გვიჩვენებს, რომელიც სავსეა სიძნელეებითა და თავგადასავლებით. რთული, ხშირად დაუჯერებელი ოჯახური პრობლემებისა და საქმიანობასთან დაკავშირებული დაბრკოლებების მიუხედავად, ავტორი მუდამ ახერხებდა ფეხზე წამომდგომას, ახალი მიზნების დასახვასა და გაბედულად მოქმედებას. სწორედ, ამიტომ, იქცა წიგნი შთაგონების წყაროდ სხვადასხვა ქვეყანაში მცხოვრები ბევრი ქალისთვის.
#2 უილიამ შექსპირი - „პიესები“
კლასიკური ლიტერატურის მოყვარულთათვის ეს წიგნი ერთ-ერთი საუკეთესო საგანძურია. მასში გაერთიანებულია ისეთი ცნობილი და გენიალური პიესები, როგორებიცაა: "ჰამლეტი", "ოტელო", "მაკბეტი", "მეფე ლირი" და "რიჩარდ მესამე". სერ ჯონ გილბერტის ბრწყინვალე ილუსტრაციები და ივანე მაჩაბლისეული, უკვე კლასიკად ქცეული თარგმანი მკითხველს საშუალებას მისცემს, ხელახლა აღმოაჩინოს შექსპირის გენიალური სამყარო.
#3 ინგმარ ბერგმანი - „სცენები ცოლქმრული ცხოვრებიდან“
ცოლქმრული ცხოვრება, ეტაპები რომელსაც წყვილი გადის, სირთულეები და გზა მათ გადასაჭრელად - ეს ყველაფერი თავმოყრილია გენიალური შვედი სცენარისტის, კინოსა და თეატრის რეჟისორის ინგმარ ბერგმანის წიგნში. ისტორიები, რომელსაც ავტორი გვიზიარებს, ნამდვილად შთამბეჭდავი და გასაოცარია. ეს კრებული აერთიანებს სხვადასხვა დროს დაწერილ ოთხ სტილისტურად სრულიად განსხვავებულ კინომოთხორობას - „სცენები ცოლქმრული ცხოვრებიდან“, „შემოდგომის სონატა“, „პირისპირ“ და „გველის კვერცხი“, რომელიც ამავე სახელწოდების ფილმებს დაედო საფუძვლად.
#4 "მოდა - ილუსტრირებული ისტორია"
მათთვის ვისაც მოდის სამყარო უყვარს და სურს კიდევ უფრო მეტი გაიგოს ამ სფეროს შესახებ, ეს წიგნი ნამდვილად შესანიშნავი არჩევანია. ეს არის გზამკვლევი მოდის საოცარ, მომხიბვლელ, უცნაურ და ექსცენტრიკულ სამყაროში – იქ, სადაც ადამიანები გასაოცარ მსხვერპლს იღებდნენ და იღებენ მხოლოდ ერთი მიზნით – იყვნენ ყველასგან გამორჩეულები! იყავი შენც გამორჩეული და აჩუქე საყვარელ ადამიანს ის, რაც ნამდვილად გააბედნიერებს.
#5 ნათია ფანჯიკიძე - „შიშო გამოდი გარეთ“
თუ გამბედაობა, სულიერი სიმხნევის მოპოვება და შიშების დამარცხება გსურს 2022 წლიდან, მაშინ ეს წიგნი აუცილებლად დაგჭირდება. ავტორი ცდილობს ახსნას და საგრძნობი გახადოს ზოგიერთი დაავადების შინაარსი და სხვადასხვა მდგომარეობის ფარული, შინაგანი მხარე. რადგან ის რაც გავიგეთ, თუ არ ვიგრძენით კიდეც, ვერაფერს შეცვლის ჩვენში.
სხვა სტატიები
.jpg)
Gudauri vs Bakuriani: Which Georgian Ski Resort Is Right for You?
When it comes to skiing and winter holidays in Georgia, two names stand out: Gudauri and Bakuriani. Both are exceptional destinations, each offering unique experiences and catering to different types of travelers. If you’re torn between the two...
განაგრძე კითხვა
35426
ტოპ 4 წიგნი კლასიკური ლიტერატურის მოყვარულთათვის
„თუ კითხვა არ გიყვარს, ესეიგი სწორი წიგნი ჯერ არ გიპოვია“- ეს სიტყვები ჯოან როულინგს ეკუთვნის, რომელიც ავტორია ერთ-ერთი ყველაზე ცნობილი წიგნების სერიის, „ჰარი პოტერის“, ფენტეზის ჟანრიდან. მინდა გითხრათ, რომ სწორი ჟანრისა თუ წი...
განაგრძე კითხვა
33602
.jpg)
რა ვაჩუქო ახალ წელს?
ახალი წელი საქართველოში წლის უმნიშვნელოვანესი დღესასწაულია რომელსაც ყველა, პატარა თუ დიდი მოუთმენლად ელის. ახალ წელს საქართველოს ყველა კუთხე განსხვავებულად აღნიშნავს და საკმაოდ დიდი ხნით ადრე იწყებენ სამზადისს, პატარები კი მოუთმენლად ელიან საჩუქრებს....
განაგრძე კითხვა
14355
.jpg)
.jpg)
.png)
5 საუკეთესო სასტუმრო ოჯახთან ერთად დასვენებისთვის
საქართველო გვთავაზობს დაუვიწყარ ბუნებასა და სასტუმროებს, რომლებიც შექმნილია ოჯახური დასვენებისთვის. Hotsale.ge გთავაზობთ ხუთ საუკეთესო სასტუმროს ქვეყნის სხვადასხვა რეგიონში სადაც თქვენს საყვარელ ადამიანებთან ერთად კომფორტულად და სასიამოვნოდ გაატარებთ...
განაგრძე კითხვა
21964