სპექტაკლი გაიმართება 20 სექტემბერს, 19:00 საათზე

პრომო კოდის ბილეთზე გადაცვლა შეგიძლიათ ყოველდღე 11:00-17:30 საათამდე

სპექტაკლის დღეს 18:30 საათამდე

`ოდისეა`

`ოდისეა` წარმოადგენს მულტიმედიურ, ექსპერიმენტულ პროექტს, რომელშიც გაერთიანებულია დრამატული თეატრის, ანიმაციისა და კინო ხერხები. წარმოდგენას ლიტერატურულ საფუძვლად მითოლოგია უდევს - ყმაწვილთათვის ადაპტირებული „ოდისეა“, რომელიც ამჯერად მოზარდ მაყურებელთა თეატრის სცენაზე ოცდამეერთე საუკუნის მაყურებლისთვის გასაგებ და მისაღებ ენაზე ამეტყველდა.
წარმოდგენას ორი მთავარი პერსონაჟი ეყოლება - ასე ვთქვათ, „ხორციელი“ ადამიანი, ყოველდღიური საზრუნავით დაღლილი, ერთი ჩვეულებრივი ოჯახის მამა და ანიმაციური გმირი - ოდისევსი, რომელიც ტროას ომის შემდეგ შინ დაბრუნებას ამაოდ ცდილობს; ამ საქმეში მას სწორედ ადამიანის დახმარება სჭირდება.
მაყურებელი გაეცნობა და გაიხსენებს ისეთ მითოლოგიურ გმირებს, როგორებიც არიან: ზევსი, ჰერა, ჰერმესი, პოსეიდონი, იანუსი, აფროდიტე, პენელოპე, ტელემაქე და სხვა.

რეჟისორი - ავთანდილ დიასამიძე
მხატვარი - ლანა ყავრელიშვილი
რეჟისორის თანაშემწე - ქეთი ქანთარია
მუსიკალური გაფორმება - გიორგი კობერიძე
მონაწილეობენ: ხატია მელქაძე, ვახტანგ ნოზაძე, ნიკოლოზ ფაიქრიძე, იოანა ნავაძე.
ასაკი: 8 წლიდან

ადგილები შეგიძლიათ შეარჩიოთ შემდეგი რიგებიდან: 6, 7, 8, 9

წინასწარი ჯავშანი არ არის სავალდებულო