ხელშეწყობის კამპანია ეტაპობრივად საქართველოს ყველა რეგიონს მოიცავს. SMEDA და Hotsale.ge ადგილობრივ თვითმმართველობებთან ერთად აფორმებენ მემორანდუმს, რაც ერთობლივი პროექტების დაგეგმვის და განხორციელების წინაპირობა გახდება.

„ყველა მუნიციპალიტეტში ვხვდებით მეწარმეებს და ვაცნობთ ბაზრის სიახლეებს, ვეხმარებით მათ სფეროში არსებული ტრენდების უკეთ გაანალიზებასა და მომდევნო ნაბიჯების დაგეგმვაში - განმარტეს Hotsale.ge-ში.

პროექტის ფარგლებში SMEDA-ს დირექტორმა გიგა ფაიქიძემ და ზესტაფონის მერმა ვასილ გველესიანმა ურთიერთთანამშრომლობის მემორანდუმი გააფორმეს და შეთანხმდნენ მცირე და საშუალო ბიზნესის მხარდამჭერი სხვადასხვა ერთობლივი აქტივობების განხორციელებაზე. მემორანდუმის ფარგლებში ასევე, ადგილობრივ მეწარმეებს სტრატეგიული კომუნიკაციების ტრენინგი Hotsale.ge-ის ბრენდმენეჯერმა ლანა ცხადაძემ და პროექტის მართვის და ეფექტურ კომუნიკაციებზე ტრენინგი SMEDA-ს წარმომადგენელმა თამარ მესხიძემ ჩაატარეს.

მცირე და საშუალო მეწარმეების ხელშეწყობის პროგრამის ფარგლებში Smeda და Hotsale.ge დამატებით აქტივობებსაც დაგეგმავენ, რაც ეტაპობრივად გახდება ცნობილი.