-
Category
-
Tsinandali
-
District
-
Category
-
Tsinandali
-
უბანი
სასარგებლოა ვიცოდეთ: რამდენიმე საინტერესო ფაქტი ღვინის შესახებ
ღვინო ცოცხალი სითხეა. ამიტომ მას უამრავი საინტერესო თავისებურება გააჩნია. აღნიშნულ თავისებურებათაგან ზოგიერთს მეცნიერები ხსნიან, ხოლო ზოგიერთს ჯერჯერობით ვერა.
ღვინო ცოცხალი სითხეა. ამიტომ მას უამრავი საინტერესო თავისებურება გააჩნია. აღნიშნულ თავისებურებათაგან ზოგიერთს მეცნიერები ხსნიან, ხოლო ზოგიერთს ჯერჯერობით ვერა. არსებობს უამრავი ფაქტი ღვინის შესახებ, რაც დღემდე გაოცებას იწვევს და რასაც იმის აღიარებამდე მივყავართ, თუ ჯერ კიდევ რამდენად ცოტა ვიცით ადამიანებმა გარემომცველი სამყაროს შესახებ და იმის შესახებაც კი, რასაც უკვე აგერ, 8000 წელია, რაც ვამზადებთ.
ასეთ გასაოცარ ფაქტთაგან ერთ-ერთი არის თუნდაც ის, რომ ღვინის ფერის მეშვეობით მისი წარმოშობის განსაზღვრაა შესაძლებელი. დიახ! მუქი ფერი ღვინოში იმაზე მიუთითებს, რომ ვაზი, რომლის ნაყოფიც გამოყენებულ იქნა მსგავსი ღვინის დასამზადებლად, თბილ კლიმატურ ზონაში ხარობდა. ღვინის ფერის ინტენსივობას და სიღრმეს განაპირობებს ის ტემპერატურული რეჟიმი, რაც გაბატონებული იყო იქ, სადაც ყურძენი დამწიფდა. შესაბამისად, რაც უფრო ღია ფერი აქვს ღვინოს – იქნება ეს მოთეთრო-ჩალისფერი თეთრ ღვინოში თუ ღია ლალიფერი წითელ ღვინოში, ეს მკაცრ კლიმატურ პირობებზე მიუთითებს, სადაც გაიზარდა ვაზი. გარდა ამისა, ასეთი ღვინოები მსუბუქია დასალევიც არის.
მეორე გასაოცარი ფაქტი: ქალები ღვინით უფრო მალე თვრებიან, ვიდრე მამაკაცები!
ქალის ორგანიზმი ღვინოს უფრო ცუდად ამუშავებს, ვიდრე მამაკაცის ორგანიზმი, მაგრამ ამას საერთო არაფერი აქვს სხეულის წონასა და სიდიდესთან. ერთსა და იმავე წონის მქონე ქალს და მამაკაცს თუ მივაწვდით ღვინოს, ქალს ალკოჰოლი უფრო მალე მოეკიდება. ეს განპირობებულია იმით, რომ ქალის ორგანიზმი უფრო მეტ ცხიმს შეიცავს, ხოლო ცხიმს ალკოჰოლის შთანთქმა და გადამუშავება არ შეუძლია. ამიტომ ქალის სისხლში ალკოჰოლის კონცენტრაცია ძალიან სწრაფად იზრდება.
მესამე საოცარი ფაქტი: მთელ მსოფლიოში არსებობენ ადამიანები, რომლებსაც ღვინის მიმართ შიში აქვთ, რასაც ენოფობია ეწოდება.
ენოფობიით შეპყრობილ ადამიანს ეშინია ღვინის და ცდილობს, ახლოს არ გაეკაროს მას. ასეთ ადამიანს ღვინოზე ფიქრიც კი ცუდად ხდის.
ყველაზე საინტერესო რაც არის, ენოფობია ნებისმიერ ადამიანს შეიძლება დაემართოს. დამეთანხმებით, ვერაფერი სასიხარულო პერსპექტივაა მათთვის, ვისაც ღვინო უყვარს.
ალბათ ყველამ იცით, რომ ლუდის რეგულარული სმა ადამიანის მუცლის ზომას ზრდის, რაც ძალიან არაესთეტიკურია. როგორც ახალი კვლევებით დადგინდა, იგივე არ ემუქრებათ ღვინის მსმელებს. უფრო მეტიც, აღმოჩნდა, რომ ის ქალები, რომლებიც დღეში ერთ ჭიქა ღვინოს სვამდნენ, ათი ფუნტით ნაკლებს იწონიდნენ, ვიდრე ის ქალები, რომლებიც ღვინოს სრულებით არ მოიხმარდნენ. ექსპერტები ფიქრობენ, რომ ამის მიზეზი ორგანიზმის მიერ ღვინიდან კალორიების განსხვავებულ მიღებაში მდგომარეობს, ვიდრე ეს ხდება ცილებიდან ან ცხიმებიდან კალორიების მიღების შემთხვევაში. ამიტომ გაითვალისწინეთ: დიეტაზე ყოფნას თუ გადაწყვეტთ, უკეთესი იქნება, ღვინოს რეგულარულად თუ დალევთ.
სხვა სტატიები
.jpg)
რა ვნახოთ რაჭაში მეგობრებთან ერთად
რაჭა ძირითადად მთიან რეგიონად ითვლება და ცნობილია თავისი ულამაზესი ბუნებით, მწვანე ტყეებით, მთებითა და მდინარეებით. აქ მოისმენთ უნიკალურ ხალხურ სიმღერებსა და ცეკვებს, რომლებიც ადგილობრივი კულტურული მემკვიდრეობის ნაწილს წარმოადგენენ. ...
განაგრძე კითხვა
15491
როგორ ჩავეწეროთ კონსულტაციაზე ცნობილ ექიმებთან ხელმისაწვდომ ფასად?
ხარისხიანი სამედიცინო მომსახურება, როგორც წესი, მნიშვნელოვან დანახარჯებთან არის დაკავშირებული, სხვადასხვა საჭიროების გამო კი ხანდახან მასზე თანხას ვზოგავთ ხოლმე. პანდემიის გამო შექმნილმა ეკონომიკურმა კრიზისმა დაზოგვას კიდევ უფრო მეტად მისცა ბიძგი.მიუ...
განაგრძე კითხვა
27177
რატომ არის კომპანიებისთვის Hotsale.ge-სთან თანამშრომლობა მომგებიანი
10 000 პარტნიორი კომპანია, 300 000 რეგისტრირებული მომხმარებელი - ეს არის დანაზოგების ყველაზე დიდი ელექტრონული კომერციის პლატფორმა Hotsale.ge, რომელიც 11 წელია, მხარს უჭერს ბიზნესს და მომხმარებლის ინტერესებს მაქსიმალურად ითვალისწინებს....
განაგრძე კითხვა
17304
5 ადგილი თბილისში, სადაც მეგობრებთან ერთად დროს მყუდროდ გაატარებთ.
ოქსფორდის უნივერსიტეტის მეცნიერთა დასკვნა არ სჭირდება იმას, რომ მეგობრებთან შეხვედრა აბედნიერებს, ამხიარულებს და დადებითი ენერგიით ავსებს ქალებს, თუმცა ამის დამადასტურებელი კვლევაც გვაქვს და შეგვიძლია, ფსიქოლოგ რობინ დუნბარის სიტყვები ავუფრიალოთ მათ,...
განაგრძე კითხვა
38658
როგორ გამოვიყურებოდეთ იდეალურად -თავის მოვლის 6 მთავარი წესი
ხშირად გვსმენია ფრაზა ,,მახინჯი ვარ არაფერი მეშველება” თუმცა როგორც გაბრიელ ბონეერ „კოკო“ შანელი იტყოდა ,,არ არსებობს მახინჯი ქალი, არსებობენ ზარმაცი ქალები”. მოდით მოვუსმინოთ მოწინავე ფრანგი მოდის დიზაი...
განაგრძე კითხვა
28736