”TICE (Training Industry Conference #Expo)“ კორპორატიულ სასწავლო სამყაროში წლის მთავარი მოვლენაა და ის წელს საქართველოში ტრენერთა ასოციაციის ორგანიზებით პირველად ჩატარდება. მის მთავარ მიზანს ტრენინგ პროფესიონალების ერთ სივრცეში შეკრება და მათ შორის ღირებული გამოცდილების გაზიარება წარმოადგენს.

TICE - არაფორმალური განათლების სფეროს ტრენინგ მენეჯერებისთვისა და ხელმძღვანელებისთვის უახლესი გამოცდილების გაზიარებისა და სამომავლო თანამშრომლობების დაგეგმვის ეფექტურ პლატფორმას წარმოადგენს.

ტრენინგ ინდუსტრიაში ეს სრულიად განსხვავებული, უპრეცედენტო გამოცდილებაა ერთად თავმოყრილი საუკეთესო სპიკერებით, წამყვანი თემებით, ტრენინგ ცენტრებისა და ინოვატორული კომპანიების პირველი საგამოფენო სივრცით.

ტრენერთა ასოციაციის მიერ წლის ღონისძიება ტრენინგ პროფესიონალებისთვის 2022 წლის 16 აპრილს 12:00 საათზე სასტუმრო „შერატონ მეტეხი პალასში“ გაიმართება.

TICE-ის ფარგლებში მონაწილეებს ექნებათ შესაძლებლობა უკეთე გაიცნონ ერთმანეთი, გაიგონ ახალ შესაძლებლობების შესახებ ტრენინგ ინდუსტრიაში. საგამოფენო სივრცეში კი შეხვდნენ მათთვის საინტერესო მიმართულებების ხელმძღვანელებს, ერთად განიხილონ და დაგეგმონ კორპორატიულ სექტორში სამომავლო სასწავლო სტრატეგიები.

ასევე, საქართველოში პირველად მოხდება ტრენინგ ინდუსტრიაში ეთიკის დოკუმენტის ინიცირება. შედგება ფართო მსჯელობა თუ როგორ შეიცვალა კორპორატიული სწავლება და როგორი იქნება მომავლის სწავლება, მისი თანმდევი ტენდენციები და გამოწვევები.

მეტი ინფორმაციის მისაღებად დააჭირეთ აქ.

#TICE-Training Industry Conference #Expo2022
#ტრენერთაასოციაცია