"კასტელო მარე" ბუნებრივ მწვანე გარემოცვაში ჩაფლული კომპლექსია, რომელიც გახსნის დღიდანვე იპყრობს დამსვენებლების ყურადღებას თავისი უნიკალური დიზაინით, იდილიური ლოკაციითა და მაღალპროფესიონალი, ყურადღებიანი მომსახურე პერსონალით. ეს სასტუმრო ნამდვილი სამოთხეა დასვენებისა და გამაჯანსაღებელი აქტივობებისთვის.

კასტელო მარე ციხისძირში მდებარეობს, სულ რაღაც 17 კილომეტრის დაშორებით ბათუმიდან და სტუმრებს სთავაზობს განუმეორებელ შესაძლებლობას დაისვენონ ზღვის, ცის და აჭარის ბუნების მშვენიერ გარემოცვაში. კომპლექსში შედის 110 სხვადასხვა კატეგორიის ნომერი - სტანდარტულიდან საპრეზიდენტო ლუქსამდე. ყოველი ნომრიდან იშლება საოცარი ხედი ზღვაზე.

"კასტელო მარე" აერთიანებს დასვენებისა და გამაჯანსაღებელი აქტივობების ფართო არჩევანს. აქ არის როგორც ღია, ისე დახურული აუზები, სპა ცხელი ზონით, თანამედროვე ფიტნეს დარბაზი, ჩოგბურთისა და კალათბურთის მოედნები, ბილიარდი, მაგიდის ტენისი, კინოთეატრი და რამდენიმე რესტორანი.

განსაკუთრებული ყურადღება ექცევა კვებას. გარდა მრავალფეროვანი შვედური მაგიდისა, კომპლექსში მუშაობს 7 კვების ობიექტი, სადაც მზადდება როგორც შესანიშნავი ქართული, ასევე საუკეთესო ევროპული კერძები. განსაკუთრებული პოპულარობით სარგებლობს რესტორანი "პალმა პავილიონი".