ჩვენ გირჩევთ 5 წიგნს, რომელიც აუცილებლად უნდა წაიკითხო, თუ ადრენალინი გინდა განიცადო, პერსონაჟებთან ერთად საშიშ თავგადასავლებში იმოგზაურო და აბურდული ძაფები მათთან ერთად დაალაგო.

#1 სტივენ კინგი - ნათება

ახალი სამსახური სასტუმრო „ოვერლუკში“, ერთი შეხედვით მიმზიდველი და პერსპექტიული საქმე ჩანს, თუმცა, წიგნი ყდის მიხედვით არასდროს უნდა შეაფასო. რადგან იდილია ნელ-ნელა ირღვევა. სასტუმროს კედლები უამრავ საიდუმლოს მალავს და ნელ-ნელა რაღაც ხდება, ჯერ გაურკვევლობა ჩნდება, მერე- გაუცხოება. ყველაფერი იცვლება.

იმოგზაურო ჯეკ ტორანსთან ერთად ბურუსით მოცულ სასტუმროში და არ შეუშინდო მოულოდნელობებს.

#2 პატრიკ ნესი - "ურჩხული გიხმობს"

კონორს კოშმარები ტანჯავს – წყვდიადით, ქარითა და კივილით მოცული. შუაღამის დადგომისთანავე ურჩხული იღვიძებს და მასთან მოდის. რას ითხოვს მისგან? ერთი შეხედვით ყველაზე მარტივ, მაგრამ საკმაოდ სახიფათო რამეს - სიმართლეს. გაუჩინარდი ამ საშიში და მომნუსხველი ისტორიის სიღრმეებში და აღმოაჩინე ახალი სამყარო. შენ რას მოიმოქმედებდი, ურჩხულს რომ შენთვის მოეხმო?

#3 შირლი ჯექსონი - "ჰილჰაუსის მოჩვენება"

ღრმა ფსიქოლოგიური თრილერი, რომელშიც რთულია, ერთმანეთისგან გაარჩიო პარანორმალური მოვლენა და უძილობისგან გამოფიტული ადამიანის ფანტაზიის ნაყოფი. "ჰილჰაუსის მოჩვენება" საშინელებათა ჟანრის ერთ-ერთ საუკეთესო ნაწარმოებად მიიჩნევა.

რადიკალურად განსხვავებული ადამიანების ჯგუფი ზაფხულს მიტოვებულ აგარაკზე ატარებს, მშვიდი დღეები საშიშ კოშმარად იქცევა. უცნაური არსებები მათ ირგვლივ არიან და მეგობრობას არ აპირებენ. ნუ გამოტოვებ შანსს, გახდე ამ საოცარი ისტორიების თანამონაწილე.

#4 გილიან ფლინი - "ბასრი საგნები"

როდესაც ჩიკაგოს ერთ-ერთი რიგითი გაზეთის რიგითი რეპორტიორი ხარ, რას გააკეთებ წარმატების მოსაპოვებლად? კამილ პრიკერი სერიული მკვლელის ძიებაში ერთვება და მკვლელობების დეტალების გამოქექვას იწყებს. დეტექტივობანა კი ნამდვილ კოშმარად იქცევა, რომლისგან თავის დაღწევა არაა იოლი.

#5 ლუკ ჯენინგსი - მოკალი ევა

თუ შენი მკვლელობა დაკვეთილია, მნიშვნელობა არ აქვს, სად ხარ და რას აკეთებ, რადგან მკვლელი დავალებას აუცილებლად შეასრულობს. მითუმეტეს ისეთი მკვლელი, რომელსაც თავისი გამორჩეული ხელწერა და ოსტატობა გააჩნია. თუმცა, მთელი იდუმალება არა მკვლელში, არამედ დამკვეთშია. ვინ დგას ამ ისტორიის უკან და რატომ?