-
კატეგორია
-
ქალაქი
-
უბანი
-
კატეგორია
-
ქალაქი
-
უბანი
როგორ შევაყვაროთ თინეიჯერებს კითხვა
თინეიჯერობის ასაკი არც ისეთი მარტივია, როგორც ზრდასრულ ადამიანებს ეჩვენებათ. ეს არის თვითგამორკვევის, სიახლეების ძიების, მეამბოხე სულისკვეთების პერიოდი, როდესაც თავს ზრდასრულად გრძნობ, თუმცა, ხშირად გიჭირს განსაზღვა გარკვეული სირთულეების. ვერ ხვდები, რომელია სწორი გზა და როგორია ის რეალობა, რომელიც არც ისეთი კეთილი და ლმობიერია, როგორადაც ეს მოზარდებს ეჩვენებათ.
წიგნების კითხვა ერთ-ერთი საუკეთესო საშუალებაა, რომ მათი ყურადღება გადავრთოთ მნიშვნელოვანი თემებისკენ, წიგნის პერსონაჟების გამოცდილებით დავანახოთ, თუ რა შეიძლება მოჰყვეს სწორ ან არასწორ ქმედებებს. ამისთვის ჩვენ გთავაზობთ, ტოპ 5 თინეიჯერულ წიგნს, რომელიც მათ კითხვას შეაყვარებს და თანატოლების ყველა მნიშვნელოვან პრობლემას უმტკივნეულოდ და შეპარვით დაანახებს.
#1 რეიჩელ ლიპინკოტი - "ორი ნაბიჯი შენამდე"
შეიძლება გიყვარდეს ის, ვისაც ვერასდროს შეეხები? - ეს კითხვა ლაითმოტივად გაჰყვება ამ შესანიშნავ რომანს, რომელიც მოგვითხრობს ორი თინეიჯერის რომანტიულ თავგადასავალზე. წინ არის წამოწეული ჯანმრთელობის პრობლემები და უამრავი სირთულე, რომელიც ამ ყველაფერს თან ახლავს. ავტორი, საკმაოდ ემოციურად და რეალისტურად აღწერს თითოეული პერსონაჟის განცდებს, ემოციებს, რომ ზოგჯერ ყველაზე სანატრელი რამ შენს გვერდითაა, მაგრამ არ შეგიძლია, რომ მისწვდე.
#2 რეინბოუ რაუელი - „ელინორი და პარკი“
.png)
ეს არის ისტორია ერთი წითური გოგონას შესახებ, რომელსაც რთული თინეიჯერობა აქვს. დედა რომელიც სკეპტიკურადაა მის მიმართ განწყობილი, მამინაცვალი რომელიც მოძალადეა და თანატოლები, რომლებიც მუდმივად აბულინგებენ. ამის გამო ელინორი ჩაკეტილი მოზარდია, მუდმივად მუსიკებს უსმენს და თავის პატარა სამყაროში ცხოვრობს. თუმცა, ამ სამყაროში მარტო არასდროს რჩები, შენ შესადარს ბედისწერა გამოგიგზავნის, თუ მოთმინებით დაელოდები. პარკი კი სწორედ ის ადამიანია, რომელიც ელინორს შემთხვევით აღმოაჩენს, ნელ-ნელა დაუმეგობრდება და ცხოვრებას ახალი თვალით დაანახებს.
#3 სტეფანი ოუკსი - „მინაუ ბლაის წმინდა ტყუილები“
.png)
თუ გაინტერესებს, როგორია ცივილიზაციისგან მოწყვეტილი თინეიჯერი გოგონას ცხოვრება, რომელიც თემში ცხოვრობს და დაუნდობელ კანონებს ემორჩილება, მაშინ ეს წიგნი საუკეთესო არჩევანია. მისტიური და ჩამთრევი ისტორია მინაუ ბლაის შესახებ, რომელიც გამბედაობას იჩენს და უპირისპირდება მის ირგვლივ არსებულ „სიბნელეს“, თუმცა, სინათლის ძიებაში მას ადამიანებისადმი რწმენა ნელ-ნელა უქრება.
#4 ჯენი ჰანი - „ყველა ბიჭს, რომლებიც მყვარებია“
.png)
16 წლის ლარა-ჯინს თავისი გრძნობების შესახებ ხმამაღლა საუბარი უჭირს, ამიტომ, მუდმივად წერს წერილებს თავისი განცდების შესახებ, თუმცა, დარწმუნებულია, რომ ადრესატები მათ ვერასდროს მიიღებენ. მაგრამ რა მოხდება, თუ პატარა და ამ ჩანახატებს იპოვის და სააშკარაოზე გამოიტანს? 5 ბიჭი, რომლებიც ოდესმე ჰყვარებია და მხოლოდ ერთი მათგანი, რომელიც ლარა-ჯინს ისეთ შეიყვარებს როგორიცაა. ლამაზი ისტორია ორი მოზარდის შესახებ, რომლებიც სხვადასხვა სამყაროს ეკუთვნიან, თუმცა, უამრავი საერთო აქვთ.
#5 ჯეიმზ დაშნერი - ”ლაბირინთში მორბენალი”
.png)
თუ მისტიური ამბები და ფენტეზი გიყვარს, ”ლაბირინთში მორბენალი” იდეალური წიგნია. ესაა ისტორია იმ თინეიჯერებისა, რომლებსაც მეხსიერება დაკარგული აქვთ, საკუთარი სახელიც არ ახსოვთ, არა თუ ის საიდან მოვიდნენ და რას აკეთებენ ამ ლაბირინთში. ერთადერთი, რაც მუდმივათ უნდა ახსოვდეთ: თუ გსურს გადარჩე, უნდა ირბინო და არ გაჩერდე! იმოგზაურე მოულოდნელებით სავსე ლაბირინთში, რომლისგანაც თავის დაღწევა ჯერ ვერავინ მოახერხა.
სხვა სტატიები
.jpg)
5 Family-Friendly Attractions in Georgia You Can’t Miss
Georgia is a country known for its stunning landscapes, rich history, and vibrant culture. Whether you’re looking for adventure or relaxation, there’s something for every family to enjoy. From ancient cities to breathtaking natural wonder...
განაგრძე კითხვა
3666
ცნობილი მწერლების საყვარელი წიგნები
ლიტერატორების უმეტესი ნაწილი თვლის, რომ წერის კულტურის განვითარებისთვის საუკეთესო საშუალება წიგნების კითხვაა. ალბათ, ამაში თქვენც დაეთანხმებით, რადგან სხვადასხვა კულტურის წარმომადგენელი მწერლების შემოქმედება, იმაზე მეტს გვასწავლი და შთაგვაგონებს, ვიდ...
განაგრძე კითხვა
10362
.jpg)
.png)
როგორ დავისვენოთ ბიუჯეტურად ყაზბეგში
ყაზბეგი, აღმოსავლეთ საქართველოში მცხეთა-მთიანეთის მხარეში მდებარე ისტროიული ხევის ტერიტორია, უძველესი დროიდან იყო დასახლებული. აქ არის აღმოჩენილი ძვ.წ. VI-V საუკუნეებით დათარიღებული ყაზბეგის განძი, რომელიც კავკასიის ძველი ტომების რელიგიურ ...
განაგრძე კითხვა
13019
ტოპ 10 სასტუმრო ზღვისპირეთში 40-დან 75 ლარამდე
ზღვის სეზონი ახლოვდება და გადავწყვიტე შემოგთავაზოთ სასტუმროები ზღვისპირეთში ყველაზე ბიუჯეტურ და მისაღებ ფასად სადაც დაუვიწყარ დროს გაატარებთ ოჯახთან თუ მეგობრებთან ერთად შეძლებთ მოაწყოთ ტურები, დაათვალიროდ ღირსშესანიშნაობები, უყუროთ მზის ჩასვლას თქვე...
განაგრძე კითხვა
13539
რატომ დაცული ტელეფონი?
რამ უნდა გაგვაკვიროს 21-ე საუკუნეში? უკვე გამოიგონეს მრვალკამერიანი, მრავალბირთვიანი, გაძლიერებული პროცესორით და დახვეწილი დიზაინით სმარტფონები, მაგრამ მათი უმეტესობა უძლურია ისეთი გარემო პირობების მიმართ, როგორიცაა მტვერი, ტენიანობა, წვიმა და...
განაგრძე კითხვა
11206