-
Kатегория
-
Тбилиси
-
Исани
-
Kатегория
-
Тбилиси
-
Исани
5 წიგნი რომელიც 30 წლამდე უნდა წაიკითხო
არსებობენ წიგნები, რომელსაც თავისი დრო და დანიშნულება აქვთ. რა თქმა უნდა, არავინ ამბობს იმას, რომ თუ „პატარა უფლისწული“ ჯერ არ წაგიკითხვას, 30 წლის მერე აღარ ღირს მისი წაკითხვა. ეს მოცემულობა არაა, რომლითაც უნდა იხელმძღვანელო.
ამიტომ, რჩევის სახით, გიზიარებთ იმ წიგნებს, რომლებსაც სასურველია 30 წლამდე გაეცნოთ. ამ წიგნებისა და პერსონაჟების მიერ მოთხრობილი ამბები დაგეხმარებათ უფრო მარტივად გადაჭრათ გარკვეული პრობლემები. მათი გამოცდილება ზოგჯერ საუკეთესო გიდია ცხოვრების გარკვეულ ეტაპებზე.
#1 ფიოდორ დოსტოევსკი - "დანაშაული და სასჯელი"
.png)
ეს წიგნი არის შედევრი მსოფლიო ლიტერატურის, ფსიქოლოგიური ისტორია დანაშაულისა და მისი ზნეობრივი შედეგებისა. ისე ნათლად და აშკარად ვერავინ აღწერს ადამიანის სულს, როგორც ფიოდორ დოსტოევსკი. ავტორი იმ ადამიანურ თვისებებსა და სულის ღრმა წერტილებს გვილაგებს თვალწინ, რომლებიც ზოგჯერ ჩვენც კი არ შეგვიმჩნევია საკუთარი თავისთვის. თვით ავტორი თავის რომანზე ამბობდა: „ადამიანი ბედნიერებისათვის არ იბადება, ადამიანმა უნდა დაიმსახუროს თავისი ბედნიერება...“
#2 ჩარლზ დიკენსი - "დევიდ კოპერფილდი"
.png)
რომანი რომელიც გასწავლით თუ რამდენად მნიშვნელოვანია ცხოვრებაში დისციპლინა და მორალი. ნაწარმოები მიეკუთვნება აღმზრდელობითი ხასიათის რომანს, რომელიც ბევრ ცხოვრებისეულ გაკვეთილს ჩაგიტარებთ და დაგანახებთ იმ რეალობას, რომელშიც ჩვენ ყველა ვცხოვრობთ.
#3 ანტუან დე სენტ-ეგზიუპერი - "პატარა პრინცი"
.png)
ეს არის ზღაპარი-იგავი ადამიანის ცხოვრებაში ყველაზე მთავარზე: ჩვენს პალნეტა დედამიწაზე, ერთგულებასა და მეგობრობაზე, სიყვარულსა და მოვალეობაზე... და კიდევ, სილამაზეზე. ადამიანები როდესაც იზრდებიან, მუდამ განიცდიან რაღაცის დანაკლისს, თითქოს რაღაც მნიშვნელოვანი დაკარგეს და ვერ გაუგიათ რა. ამიტომ, გირჩევთ, რომ ეს წიგნი ნებისმიერ ასაკში წაიკითხოთ და ცხოვრებას პატარა პრინცის თვალით შეხედოთ.
#4 ალექსანდრე დიუმა - "სამი მუშკეტერი“
.png)
ეს არის წიგნი სიმამაცესა და ერთგულებაზე, ნამდვილი მეგობრობის არსსა და ამ მეგობრობისთვის გაღებულ მაქსიმუმზე. ალექსანდრე დიუმა საუკეთესოდ გადმოსცემს დარტანიანისა და მისი მეგობრების თავგადასავალს. მათი მთავარი დევიზია — „ერთი ყველასათვის და ყველა ერთისათვის“.
კითხვისას განცდა გეუფლება, რომ სადღაც, რაღაც ეტაპზე რომელიმე მათგანს ფეხი წაუცდება და ამ მგობრობას ბოლოს მოუღებსს, თუმცა, მათი ერთსულოვნება, საკუთარი ეგოს დათრგუნვა და სხვაზე ზრუნვა, ნამდვილად გაოცებულს დაგტოვებთ.
#5 თომას კენილი - "შინდლერის სია"
.png)
რომანი მეორე მსოფლიო ომის დროინდელ პოლონეთში გვამოგზაურებს. მწერალი გვიყვება დაუჯერებელ ამბავს - როგორ იხსნა ნაცისტური პარტიის წევრმა გერმანელმა მეწარმემ, ოსკარ შინდლერმა, ათასზე მეტი ებრაელი გარდაუვალი სიკვდილისგან წარმოუდგენელი სიმამაცისა და რისკის ფასად. ეს დაუჯერებელი ამბავი ნამდვილად მოხდა და დღემდე რჩება ადამიანური სიკეთისა და უანგარო თავგანწირვის საოცარ მაგალითად.
„ის, ვინც ერთი ადამიანის სიცოცხლეს იხსნის, იხსნის მთელ ქვეყნიერებას.“
სხვა სტატიები
რატომ უნდა ვუკითხოთ 3-5 წლამდე ბავშვებს წიგნები
თანამედროვე ტექნოლოგიების ეპოქაში, როდესაც ყველაფერი გაციფრულდა და ცხოვრება ახლა სულ სხვა კალაპოტში მიედინება, რთულია ამ დინებაში სწორი მიმართულება იპოვო და იქით გაცურო. თუ გაინტერესებთ, რომელია ეს მიმართულება, მაშინ გეტყვით, რომ ერთ-ერთი, სწორედ, წი...
განაგრძე კითხვა
16585
.jpg)
პრემიუმ ტიპის სასტუმრო მაღალი დანაზოგით: ”შატო კვირიკე • CHATEAU KVIRIKE”
დანაზოგების მასშტაბური პლატფორმა Hotsale.ge და სასტუმრო “შატო კვირიკე • CHATEAU KVIRIKE” წელებია აქტიურად თანამშრომლობენ, ამ მეგობრობის საფუძველზე კი საიტის მომხმარებლებს აქვთ საშუალება დაისვენონ პრემიუმ ტიპის სასტუმროში მაღალი დანაზ...
განაგრძე კითხვა
10401
3 ადგილი კახეთში, სადაც შეძლებთ ბიუჯეტურად დასვენებას
საქართველოს აღმოსავლეთით, თბილისიდან მხოლოდ ორი საათის სავალზე, მდებარეობს ღვინისა და ვაზის სამშობლოდ აღიარებული კუთხე კახეთი, რომელსაც არამხოლოდ გასტრონომიული ღირებულება, არამედ ღირსშესანიშნავი ადგილები და საუკუნოვანი სტუმარ-მასპინძლობით იზიდა...
განაგრძე კითხვა
13116
.png)
საუკეთესო დასვენება ოჯახთან ერთად - სასტუმროები დახურული აუზით
საქართველო მდიდარია ბუნებრივი სილამაზითა და სტუმარმასპინძლობის ტრადიციებით. ქვეყნის სხვადასხვა კუთხეში განლაგებული სასტუმროები გთავაზობთ დასვენებისა და გართობის საუკეთესო შესაძლებლობებს. თუ ოჯახთან ერთად კახეთში დასვენება გადაწყვიტე მაგრამ სას...
განაგრძე კითხვა
9003