-
Category
-
Tbilisi
-
Old Tbilisi
-
Category
-
Тбилиси
-
Old Tbilisi
10 აუცილებლად სანახავი ადგილი რაჭა-ლეჩხუმში
რაჭა-ლეჩხუმი ცნობილია ბუნების მრავალფეროვნებით, ალპური ტბებით, ტყეებით კულტურული ძეგლებით, სიმწვანით და ისტორიული საინტერესო ადგილებით. გიამბობთ იმის შესახებ თუ როგორ გაატაროთ დაუვიწყარი დრო რაჭა-ლეჩხუმში და რა აუცილებლად სანახავი ადგილები უნდა მოინახულოთ აქ დასვენების დროს
1. ხვამლის მთა
ხვამლის მთის ქედი შედგება კირქვისგან. ამის გამო, არსებობს უამრავი სხვადასხვა გამოქვაბულები მთის მასივში. ადამიანები უძველესი დროიდან იყენებდნენ მათ მტრებისგან თავშესაფარად. ხვამლის მთა ზღვის დონიდან 2002 მეტრზეა. ეს მთა იმერეთის თითქმის ნებისმიერი წერტილიდან ჩანს. როდესაც დგეხართ მთის წვერზე, თვალწინ გადაშლილია მთელი ქვეყანა. ძალიან განსაცვიფრებელი სანახაობაა. ასევე არის წმინდა გიორგის საფლავი ისტორიული ნამუშევრების მიხედვით “ქართლის ცხოვრება” და ვახუშტის ნამუშევრების აზრით, უძველეს ხანაში აქ სამეფო ხაზინა იყო დამალული.
2. ქულბაქის მწვანე ტბა
წლების წინათ მწვანე ტბის ადგილზე დაჭაობებული მიწა იყო. ადგილობრივ ფერმერ კახა გასვიანს ბუნებისა და თევზაობის სიყვარულმა ჰობის აგრობიზნესად გადაქცევა გადააწყვეტინა. მან დაჭაობებულ ადგილზე ტბა დააგუბა, საკალმახე მეურნეობა მოაწყო და სასტუმროები ააშენა. ამჟამად ქულბაქის მწვანე ტბა ტურისტების საყვარელი ადგილია. აქ მთაში ცხენით გაისეირნებ, ტბაზე კი - ნავებით. თუ თევზი გიყვართ, ადგილზე თევზაობას და უგემრიელესი კალმახის დაგემოვნებასაც შეძლებ.
3. ღები
სოფელ ღების დაარსებას საკმაოდ საინტერესო ისტორია აქვს ხალხური გადმოცემით ლეჩხუმიდან გამოქცეულ ვიღაც მღებავს, რომელსაც თურმე იქ კაცი შემოკვდომია მთის რაჭაში გახიზნულა. მას აქეთ ხელი მიუყვია თავისი ხელობა-მღებრობისათვის და ამ სოფელსაც ღები დარქმევია. შემდეგ ღები სხვადასხვა მხრიდან გადმოსახლებული გვარებით მოშენებულა. აქ დაგხვდებათ ულამაზესი მწვანე ბუნება სადაც დასვენებას და განტვირთვას შეძლებთ.
4. საირმის სვეტები
როგორც ვთქვით ლეჩხუმის რეგიონი მდიდარია ბუნებრივი და ისტორიული ღირსშესანიშნაობებით. მათ შორის ერთ-ერთი ბუნების ძეგლი არის კლდოვანი მასივი - საირმის სვეტები. ღამით, როდესაც ამ ადგილებში საგანგებოდ დამონტაჟებული განათება ირთვება, საირმის სვეტები ღრუბლებში მცურავ ჯადოსნურ კოშკებს ემსგავსება. ათასწლეულების განმავლობაში ბუნებრივი პროცესების შედეგად ჩამოყალიბებული ამ საოცრების დანახვა რაჭიდან ლეჩხუმისკენ მიმავალი მთავარი გზიდანაც შეიძლება.
5. უძირო ტბა
ტბასთან მისვლის შემდეგ თქვენს თვალწინ გადაიშლება ულამაზესი ხედი რაჭის კავკასიონსა და მდინარე ჭანჭახის ხეობაზე, კარგ ამინდში კი სვანეთის მწვერვალების დანახვასაც შეძლებთ. კამკამა ტბის ზედაპირზე მწვერვალების მიმზიდველი სილუეტები აირეკლება, რაც მნახველს განსაკუთრებით ხიბლავს და დიდ შთაბეჭდილებას ახდენს. დაბანაკება შესაძლებელია ტბასთანაც. აუცილებლად ინახულეთ ტბის მარჯვენა მხარე ფერდობზე საიდანაც განსაკუთრებული სილამაზით იშლება როგორც საკუთრივ უძირო ტბის, ასევე კავკასიონის თვალშეუდგამი მწვერვალების ხედები.
6. შოვი
შოვი რესპუბლიკური მნიშვნელობის კლიმატურ-ბალნეოლოგიური კურორტია. არის ნოტიო ჰავა, იცის ცივი ზამთარი და გრილი ზაფხული. სამკურნალო ფაქტორი: მთის ჰავა და ნახშირმჟავა-ჰიდროკარბონატული ნატრიუმ-კალციუმიანი მინერალური წყაროების წყალი. ახასიათებს სამედიცინო ჩვენებები, შოვში არის სანატორიუმები, დასასვენებელი სახლები, პანსიონატები, ტურბაზა და სხვა.
7. ნიკორწმინდის მონასტერი
ნიკორწმინდის ტაძარი ეროვნული ხუროთმოძღვრების შედევრია. აგებულია XI საუკუნის დასაწყისში, ეს ის პერიოდია, როცა დიდი ყურადღება ექცეოდა ფასადების დეკორაციულ გაფორმებას. სწორედ ამ მხრივ ნიკორწმინდის დეკორი ქართული მონუმენტური პლასტიკის მიღწევაა. ძეგლს არსებობის განმავლობაში დიდი ცვლილებები არ განუცდია. ეს კი იშვიათი შემთხვევაა. ტაძრის გუმბათი პირვანდელი სახითაა შემორჩენილი.
8. ლაილაში
სოფელი ლაილაში ლეჩხუმში მდებარეობს, ზღვის დონიდან დაახლოებით 850 მეტრზე, სოფელი გამოირჩევა ბუნების სილამაზით და უამრავ ტურისტს იზიდავს. ლაილაში განსაკუთრებით ცნობილია მთის ფერდობზე მოწყობილი აუზით, საიდანაც მთებისა და ლაჯანურის წყალსაცავის შესანიშნავი ხედები იშლება. თავად ლაჯანურის წყალსაცავიც ულამაზეს სანახაობას წარმოადგენს, მწვანე მთებს შორის მოქცეული მოლივლივე მომწვანო-მოლურჯო წყალი საოცარ გარემოს ქმნის. ცნობილია X საუკუნის ლაილაშის ბიბლია, რომელიც ამჟამად საქართველოს ხელნაწერთა ინსტიტუტში ინახება.
9. შაორის ტბა
შაორის წყალსაცავი/შაორის ტბა უდიდესი წყალსაცავი რაჭა-ლეჩხუმის და ქვემო სვანეთის მხარეში, ამბროლაურის მუნიციპალიტეტში. მდებარეობს რაჭის ქედის ჩრდილოეთ კალთაზე, შაორის ქვაბულში. შექმნილია მიწაყრილის კაშხალით, რომელიც აგუბებს მდინარე შაორს. შაორის წყალსაცავი გადაჭიმულია სამხრეთ-დასავლეთიდან ჩრდილო-აღმოსავლეთისაკენ. საზრდოობს შენაკადებითა და ნალექებით, რომლებიც მის ზედაპირზე მოდის. თუ გიყვართ ბუნება სიმწვანე და განტვირთვა ეს ადგილი თქვენთვისაა.
სხვა სტატიები
.png)
3 გასართობი ცენტრი თბილისში დაუვიწყარი დაბადების დღის გადასახდელად
ყველა მშობელს სურს, შვილისთვის დაბადების დღე დაუვიწყარი იყოს, რისი მიღწევაც ბავშვთა გასართობი ცენტრების საშუალებით კიდევ უფრო მარტივია. შთამბეჭდავი დეკორაციები, სახალისო თამაშები და საყვარელი გმირები პატარებს თავიანთ დღეს ნამდვილ დღესასწაულად უქცევთ....
განაგრძე კითხვა
26261
2020 წლის ბესტსელერად ქცეული წიგნი, რომელიც გოგონებისთვის მოტივაციის წყაროა
მსოფლიო ლიტერატურა მდიდარია ისეთი შინარსიის წიგნებით, სადაც ქალების სიძლიერესა და უსაზღვრო შესაძლებლობებს ხაზი მკაფიოდ აქვს გასმული. ვკითხულობთ წიგნებს ძლიერ, შემდგარ ქალებზე, რომლებმაც საკუთარი გზა და თავი იპოვეს. ბოლო წლებში განსაკუთრებით აქტ...
განაგრძე კითხვა
24295
ტრადიცია და ინოვაცია: "სენთ ბანი • ST.BUNNY_TBILISI"-ს გასტრონომიული სამყარო
გასტრონომიის სამყაროში ხშირად გვხვდება ადგილები, რომლებიც მხოლოდ საჭმელს კი არ გვთავაზობენ, არამედ მთელ კულინარიულ მოგზაურობას. სწორედ ასეთია რესტორანი "სენთ ბანი • ST.BUNNY_TBILISI", რომელიც თბილისის კულინარიულ რუკაზე განსაკუთრებულ ადგილს იკავე...
განაგრძე კითხვა
12056
-1.png)
5 რჩევა, როგორ გავერთოთ ბავშვთან ერთად
ბავშვთან ერთად გატარებული დრო შეიძლება ძალიან სახალისო და სასარგებლოც იყოს, თუ იცით, როგორ დაგეგმოთ დღე სწორად. ხშირად მშობლები ეძებენ ახალ გზებს, როგორ დააინტერესონ ბავშვი და ერთად შექმნან სასიამოვნო მოგონებები. თუ ფიქრობთ, რა შეგიძლიათ გააკეთოთ თქვ...
განაგრძე კითხვა
16375
„მესტია ინნ • MESTIA INN“ – სვანეთში დაუვიწყარ თავგადასავალს გპირდებათ
მესტია ჩვენი ქვეყნის ერთ-ერთი მთავარი ტურისტული მიმართულებაა, რომელიც დიდი პოპულარობით სარგებლობს როგორც ქართველ, ასევე უცხოელ მოგზაურებში. ძველი სვანური კოშკები, თოვლიანი მწვერვალები, ულამაზესი ხეობები და უგემრიელესი ტრადიციული სამზარეულო არცერ...
განაგრძე კითხვა
15027
 (700 x 400 px).png)
"ჯინო აკვაპარკი / GINO AQUAPARK" Hotsale.ge-ზე დაბრუნდა
თუ გსურთ განტვირთვა, წყლის ატრაქციონები და დაუვიწყარი გართობა მთელი ოჯახისათვის, მაგრამ ქალაქგარეთ გასვლას ვერ ახერხებთ, საუკეთესო გამოსავალ "ჯინო აკვაპარკი / GINO AQUAPARK"-ია. ზაფხულის დასრულების მიუხედავად, "ჯინო აკვაპარკი / GINO A...
განაგრძე კითხვა
10251
ტოპ 10 სასტუმრო ზღვისპირეთში 40-დან 75 ლარამდე
ახლოვდება ზღვის სეზონი და გადავწყვიტე შემოგთავაზოთ სასტუმროები ზღვისპირეთში ყველაზე ბიუჯეტურ და მისაღებ ფასად სადაც დაუვიწყარ დროს გაატარებთ ოჯახთან თუ მეგობრებთან ერთად შეძლებთ მოაწყოთ ტურები, დაათვალიროდ ღირსშესანიშნაობები, უყუროთ მზის ჩასვლას თქვე...
განაგრძე კითხვა
29539
.jpg)